హండ్రెడ్ లీగ్ లో వైల్డ్ ‘ఫైర్’ ఎంట్రీ ఇవ్వనున్న IPLలో అన్ సోల్డ్ ప్లేయర్! ఐ ఆమ్ వెయిటింగ్ అంటోన్న కంగారు

ఆస్ట్రేలియా స్టార్ క్రికెటర్ స్టీవ్ స్మిత్ ఐపీఎల్ 2025 వేలంలో అమ్ముడుపోకుండా పోయినా, అతను యూకే ఆధారిత టీ20 లీగ్ ది హండ్రెడ్‌లో అరంగేట్రం చేయనున్నాడు. వెల్ష్ ఫైర్ ఫ్రాంచైజీ తరఫున సంతకం చేసిన స్మిత్, 2025 హండ్రెడ్ సీజన్‌లో తొలిసారి పాల్గొనబోతున్నాడు. “నేను హండ్రెడ్‌ను దూరం నుండి చూశాను, ఇందులో పాల్గొనడానికి ఆసక్తిగా ఎదురుచూస్తున్నాను. ఇది సరదాగా అనిపించడంతో పాటు అత్యంత పోటీకి తగిన లీగ్” అని స్మిత్ పేర్కొన్నాడు.

2025 హండ్రెడ్ లీగ్ రిటెన్షన్ & కొత్త నియమాలు

హండ్రెడ్ లీగ్ 2025 సీజన్ రిటెన్షన్ గడువు ముగిసింది. మార్చి 12న జరిగే డ్రాఫ్ట్‌కు ముందు, లీగ్‌లోని ఎనిమిది జట్లు తమ స్క్వాడ్‌ల నుండి 10 మంది ఆటగాళ్లను నిలుపుకోవడానికి అవకాశం పొందాయి. ఈసారి జట్లకు కొత్త డైరెక్ట్ సిగ్నింగ్స్ అనే నియమం అమలులోకి వచ్చింది. దీని ప్రకారం, గత సీజన్‌లో లీగ్‌లో లేని విదేశీ ఆటగాళ్లను జట్లు నేరుగా సైన్ చేసుకోవచ్చు. అదనంగా, ప్రతి జట్టులో ఒక ఇంగ్లాండ్ కేంద్ర ఒప్పందం కలిగిన ఆటగాడు, ముగ్గురు విదేశీ ఆటగాళ్లను ఉంచుకునే అవకాశం కల్పించారు.

స్టీవ్ స్మిత్ వెల్ష్ ఫైర్ తరఫున లీగ్‌లో ఆడనున్నాడు. రషీద్ ఖాన్ (ఆఫ్ఘనిస్తాన్) & మెగ్ లాన్నింగ్ (ఆస్ట్రేలియా) ఓవల్ ఇన్విన్సిబుల్స్ తరఫున సంతకం చేసుకున్నారు. ఫాఫ్ డుప్లెసిస్ (దక్షిణాఫ్రికా) సదరన్ బ్రేవ్ జట్టులో కొనసాగనున్నాడు. కేన్ విలియమ్సన్ (న్యూజిలాండ్) లండన్ స్పిరిట్ తరఫున రిటైన్ అయ్యాడు. మార్కస్ స్టోయినిస్ (ఆస్ట్రేలియా) ట్రెంట్ రాకెట్స్ జట్టులో కొనసాగనున్నాడు.

ఈ హండ్రెడ్ లీగ్ కొత్త నియమాలతో మరింత రసవత్తరంగా మారనుంది. కొత్త అంతర్జాతీయ ఆటగాళ్ల రాకతో పాటు, ఇప్పటికే బలమైన ఆటగాళ్లను నిలుపుకోవడం ద్వారా, లీగ్ మరింత పోటీగా మారనుంది. స్టీవ్ స్మిత్ వంటి ప్రపంచస్థాయి ఆటగాళ్లు ఈ లీగ్‌లో అడుగుపెడుతుండటంతో, ఈ సీజన్ మరింత ఆసక్తికరంగా సాగే అవకాశముంది.

2025 హండ్రెడ్ లీగ్ ప్రత్యేకత ఏమిటంటే, బిగ్-నేమ్ ప్లేయర్స్ రాకతో పాటు, కొత్త ఆటగాళ్లకు అవకాశం కల్పించడానికి జట్లు వ్యూహాత్మకంగా తమ స్క్వాడ్‌లను మళ్లీ నిర్మించుకుంటున్నాయి. స్టీవ్ స్మిత్ చేరికతో వెల్ష్ ఫైర్ జట్టు తమ బ్యాటింగ్ లైనప్‌ను బలపర్చుకోగా, కేన్ విలియమ్సన్, రషీద్ ఖాన్, ఫాఫ్ డుప్లెసిస్ వంటి అంతర్జాతీయ స్థాయిలో రాణించిన ఆటగాళ్లను వివిధ ఫ్రాంచైజీలు తమ వద్దే ఉంచుకోవడానికి ప్రాధాన్యత ఇచ్చాయి. పైగా, కొత్త డైరెక్ట్ సిగ్నింగ్ నిబంధన కారణంగా, గతంలో లీగ్‌లో పాల్గొనని విదేశీ ఆటగాళ్లకు అవకాశం లభించనుంది. ఇది టీ20 లీగ్ పోటీ స్థాయిని మరింత పెంచే అవకాశం కలిపిస్తోంది.

మరిన్ని క్రీడా వార్తల కోసం ఇక్కడ క్లిక్ చేయండి.