Shikhar Dhawan: మిథాలీ రాజ్‌తో పెళ్లి.. శిఖర్ ధావన్ షాకింగ్ స్టేట్‌మెంట్.. ఏమన్నాడంటే?

Shikhar Dhawan wedding with Mithali Raj: భారత జట్టు అనుభవజ్ఞుడైన బ్యాట్స్‌మెన్ శిఖర్ ధావన్ చివరిసారిగా IPL 2024లో పంజాబ్ కింగ్స్‌కు నాయకత్వం వహించాడు. అయితే, భుజం గాయం కారణంగా టోర్నీలో కేవలం 5 మ్యాచ్‌లు మాత్రమే ఆడగలిగాడు. ఇంతలో, ధావన్ తన గురించి ఒక ఫన్నీ స్టేట్‌మెంట్ చేశాడు. ధావన్ మాట్లాడుతూ, ఒకప్పుడు భారత మహిళా క్రికెట్ జట్టు మాజీ కెప్టెన్ మిథాలీ రాజ్‌తో తన వివాహం గురించి పుకార్లు చాలా చర్చనీయాంశమైందంటూ తెలిపాడు.

మిథాలీ రాజ్‌ను పెళ్లాడనున్నారనే వార్తపై శిఖర్ ధావన్ ఏమన్నాడంటే..

మహిళల క్రికెట్ ప్రపంచంలో అత్యంత అనుభవజ్ఞురాలైన, విజయవంతమైన బ్యాటర్లలో మిథాలీ రాజ్ ఒకరిగా పేరుగాంచిన సంగతి తెలిసిందే. వన్డే ఫార్మాట్‌లో అత్యధిక పరుగులు చేసిన బ్యాటర్‌గా కూడా ఆమె నిలిచింది. మిథాలీ తన చివరి మ్యాచ్‌ను 2022లో దక్షిణాఫ్రికాతో భారత్ తరపున ఆడి రిటైరైంది. ప్రస్తుతం మిథాలీ మహిళల ప్రీమియర్ లీగ్‌లో గుజరాత్ జెయింట్స్ జట్టుకు మెంటార్‌గా వ్యవహరిస్తోంది.

జియో సినిమాలో తన షో ‘ధావన్ కరేంగే’లో, భారత బ్యాట్స్‌మెన్ తన పేరు మిథాలీతో ముడిపడి ఉందనే పుకార్లపై మాట్లాడాడు. మిథాలీ రాజ్‌ని పెళ్లి చేసుకోబోతున్నట్లు విన్నాను’ అంటూ చెప్పుకొచ్చాడు. అంతకుమించి ఏం చెప్పలేదు.

రిషబ్ పంత్ రీఎంట్రీపై గర్వపడుతున్నాను..

ఈ ప్రదర్శనలో, శిఖర్ ధావన్ భారత జట్టు వికెట్ కీపర్ బ్యాట్స్‌మెన్ రిషబ్ పంత్‌ను ప్రశంసించాడు. అతను డిసెంబర్ 2022 లో ప్రమాదంలో గాయపడిన తరువాత 15 నెలల తర్వాత క్రికెట్ ఫీల్డ్‌కి తిరిగి వచ్చాడు. IPL 2024లో ఢిల్లీ క్యాపిటల్స్‌కు కెప్టెన్‌గా ఉన్నప్పుడు పంత్ బ్యాట్‌తో మంచి ప్రదర్శన ఇచ్చాడు. దాని కారణంగా అతను T20 ప్రపంచ కప్ 2024 కోసం టీమ్ ఇండియా జట్టులో చోటు సంపాదించడంలో విజయవంతమయ్యాడు.

పంత్ గురించి ప్రస్తావిస్తూ, ‘ప్రమాదం తర్వాత అతను తన పునరావాసం, గాయాలను నిర్వహించిన విధానాన్ని నేను అభినందిస్తున్నాను. అతను చూపిన సానుకూలత, బలం అద్భుతమైనది. అతను తిరిగి వచ్చి ఐపీఎల్‌లో ఆడిన విధానం, భారత జట్టులోకి వచ్చిన విధానం అద్భుతమైనది.అతని గురించి నేను చాలా గర్వపడుతున్నాను’ అంటూ చెప్పుకొచ్చాడు.

మరిన్ని క్రీడా వార్తల కోసం ఇక్కడ క్లిక్ చేయండి..