RR vs SRH: ఐపీఎల్ ఆల్ టైమ్ రికార్డ్ దిశగా రాజస్థాన్ తురుపుముక్క.. హైదరాబాదోళ్లపై సరికొత్త చరిత్రకు శ్రీకారం
Riyan Parag, RR vs SRH: హైదరాబాద్‌లో తుఫాన్ ఓపెనర్స్ అభిషేక్ శర్మ, ట్రావిస్ హెడ్ గత మ్యాచ్‌లో విఫలమయ్యారు. అలాగే, రాజస్థాన్‌లో రియాన్ పరాగ్ దూకుడుగా ఉన్నాడు. అతను ఈ సీజన్‌లో ప్రతి బౌలర్‌కు పజిల్‌గా మారాడు. ఈ సీజన్‌లో రాజస్థాన్‌కు రియాన్ పరాగ్ అద్భుతాలు చేస్తున్నాడు. అతను 15 మ్యాచ్‌ల్లో నాలుగు అర్ధసెంచరీలతో కలిపి మొత్తం 567 పరుగులు చేశాడు. ఈ సీజన్‌లో అత్యధిక పరుగులు చేసిన మూడో బ్యాట్స్‌మెన్‌గా నిలిచాడు.
Riyan Parag, RR vs SRH: ఐపీఎల్ 2024 రెండో క్వాలిఫయర్‌లో శుక్రవారం రాజస్థాన్ రాయల్స్, సన్‌రైజర్స్ హైదరాబాద్ తలపడనున్నాయి. ఇరుజట్ల మధ్య జరిగే ఈ పోరులో గెలిచిన జట్టు ఫైనల్‌కు చేరుకుంటుంది. తొలి క్వాలిఫయర్‌లో హైదరాబాద్‌ను ఓడించి టైటిల్‌లో అడుగుపెట్టిన కోల్‌కతా నైట్ రైడర్స్‌తో ఇక్కడ గెలిచిన జట్టు మే 26న తలపడనుంది. ఇరుజట్ల మధ్య బ్యాటింగ్ పోరు జరగనుంది. క్వాలిఫయర్స్‌లో ఎవరి బ్యాట్స్‌మెన్స్ సత్తా చాటుతారో చూడాలి.
హైదరాబాద్‌లో తుఫాన్ ఓపెనర్స్ అభిషేక్ శర్మ, ట్రావిస్ హెడ్ గత మ్యాచ్‌లో విఫలమయ్యారు. అలాగే, రాజస్థాన్‌లో రియాన్ పరాగ్ దూకుడుగా ఉన్నాడు. అతను ఈ సీజన్‌లో ప్రతి బౌలర్‌కు పజిల్‌గా మారాడు. ఈ సీజన్‌లో రాజస్థాన్‌కు రియాన్ పరాగ్ అద్భుతాలు చేస్తున్నాడు. అతను 15 మ్యాచ్‌ల్లో నాలుగు అర్ధసెంచరీలతో కలిపి మొత్తం 567 పరుగులు చేశాడు. ఈ సీజన్‌లో అత్యధిక పరుగులు చేసిన మూడో బ్యాట్స్‌మెన్‌గా నిలిచాడు. రెండో క్వాలిఫయర్‌లో పరాగ్‌కు చరిత్ర సృష్టించే అవకాశం ఉంది. అతను రెండో క్వాలిఫయర్‌లో ఐపీఎల్‌లో అతిపెద్ద ఆల్‌టైమ్ రికార్డును బద్దలు కొట్టగలడు.
జైస్వాల్‌కు ఝులక్ ఇవ్వనున్న పరాగ్..
పరాగ్ తన సహచరుడు యశస్వి జైస్వాల్ రికార్డును బద్దలు కొట్టడం ద్వారా IPL సీజన్‌లో అత్యధిక పరుగులు చేసిన అన్‌క్యాప్డ్ ప్లేయర్‌గా నిలిచే అవకాశం ఉంది. ఐపీఎల్ 2023లో జైస్వాల్ 14 మ్యాచ్‌ల్లో 625 పరుగులు చేశాడు. పరాగ్ తన రికార్డును బద్దలు కొట్టి నంబర్ వన్ కావడానికి మరో 59 పరుగులు మాత్రమే చేయాల్సి ఉంది. జైస్వాల్ కంటే ముందు, IPL ఒక సీజన్‌లో అత్యధిక పరుగులు చేసిన అన్‌క్యాప్డ్ ఆటగాడు షాన్ మార్ష్. 2008లో పంజాబ్ కింగ్స్ తరపున 616 పరుగులు చేశాడు.
జైస్వాల్‌తో పాటు, ఒక సీజన్‌లో నాలుగో స్థానంలో అత్యధిక పరుగులు చేసిన రిషబ్ పంత్ రికార్డును పరాగ్ బద్దలు కొట్టే అవకాశం ఉంది. పంత్ రికార్డును బద్దలు కొట్టాలంటే అతనికి 13 పరుగులు మాత్రమే కావాలి. 2018లో పంత్ 579 పరుగులు చేశాడు.
మరిన్ని క్రీడా వార్తల కోసం ఇక్కడ క్లిక్ చేయండి..
