32 ఫోర్లు, 15 సిక్సర్లు.. 176 స్ట్రైక్ రేట్‌తో బీభత్సం.. ఆల్ రౌండర్ దెబ్బకు బౌలర్లు మటాష్.. ఎవరంటే?
PSL 2023: పాకిస్తాన్ సూపర్ లీగ్ 2023 సీజన్‌లో ఇప్పటివరకు కరాచీ కింగ్స్ చాలా పేలవమైన ప్రదర్శన కనబరిచింది. అయితే, కెప్టెన్ ఇమాద్ వాసిమ్ మాత్రం తన ఆల్ రౌండ్ గేమ్‌తో అందరినీ ఆకట్టుకున్నాడు.
Updated on: Mar 04, 2023 | 4:14 PM
Imad Wasim: పాకిస్తాన్ సూపర్ లీగ్ (PSL) 2023 సీజన్‌లో ఇప్పటివరకు మొత్తం 19 మ్యాచ్‌లు జరిగాయి. ఈ సమయంలో, టాప్-5 పరుగులు చేసిన జాబితాను చూస్తే, కరాచీ కింగ్స్ కెప్టెన్ ఇమాద్ వాసిమ్ 2వ స్థానంలో ఉన్నాడు. చాలా కాలంగా పాక్ జట్టుకు దూరమైన ఇమాద్.. బ్యాట్‌తో అద్భుత ప్రదర్శన కనబరస్తూ మళ్లీ జాతీయ జట్టులోకి రావడంపై చర్చలు మొదలయ్యాయి.
ఇమాద్ వసీం ఈ సీజన్‌లో ఇప్పటి వరకు ఆడిన 8 మ్యాచ్‌ల్లో 164.50 సగటుతో మొత్తం 329 పరుగులు చేశాడు. ఈ సమయంలో, అతని స్ట్రైక్ రేట్ 176.88 కనిపించింది. అదే సమయంలో, ఇమాద్ బ్యాట్ నుంచి 32 ఫోర్లు, 15 సిక్సర్లు వచ్చాయి. ఈ సీజన్‌లో కరాచీ కింగ్స్ జట్టు ప్రదర్శన మాత్రం చాలా పేలవంగా తయారైంది.
PSL 2023 సీజన్‌లో కరాచీ కింగ్స్ ఇప్పటివరకు మొత్తం 8 మ్యాచ్‌లు ఆడింది. ఇందులో ఆ జట్టు కేవలం 2 మాత్రమే గెలవగలిగింది. అదే సమయంలో జట్టు ప్రస్తుతం పాయింట్ల పట్టికలో 5వ స్థానంలో ఉంది. ప్లేఆఫ్‌కు చేరుకోవడానికి రేసులో కొనసాగడానికి, జట్టు తమ తదుపరి రెండు మ్యాచ్‌లను గెలవడం చాలా కీలకంగా మారింది.
2021లో చివరి అంతర్జాతీయ మ్యాచ్..
ఇమాద్ వాసిమ్ బ్యాట్‌తో జట్టుకు మంచి ప్రదర్శన కనబరుస్తున్నాడు. అలాగే బంతితోనూ తన సత్తా చాటాడు. ఈ పీఎస్‌ఎల్ సీజన్‌లో ఇప్పటి వరకు ఇమాద్ 8 మ్యాచ్‌ల్లో 7 వికెట్లు పడగొట్టాడు. అదే సమయంలో అతను 2021 సంవత్సరంలో ఆస్ట్రేలియాతో జరిగిన టీ20 ప్రపంచ కప్‌లో రెండవ సెమీ-ఫైనల్ మ్యాచ్‌లో పాకిస్తాన్ జట్టు తరపున తన చివరి మ్యాచ్ ఆడాడు.
ఆ తర్వాత, ఇమాద్ వాసిమ్‌ను పాక్ జట్టు నుంచి తొలగించారు. అతను గత టీ20 ప్రపంచ కప్‌లో కూడా జట్టులో భాగం కాలేదు. మరోవైపు, అతని పనితీరు ఆధారంగా, ఇమాద్ తన పునరాగమనానికి సంబంధించి బలమైన వాదన వినిపిస్తున్నాడు.
మరిన్ని క్రీడా వార్తల కోసం ఇక్కడ క్లిక్ చేయండి..
