Nitish Kumar Reddy: బంగారపు హుండీని చిల్లర వేయడానికి వాడారు! కట్ చేస్తే క్రికెట్ ప్రపంచం సలాం కొడుతుంది

భారత క్రికెట్‌లో అత్యంత ప్రతిభావంతుడైన కొత్త స్టార్ నితీష్ కుమార్ రెడ్డి. మెల్‌బోర్న్ టెస్టులో అద్భుతమైన సెంచరీతో తన ఆరంభం అందర్నీ ఆకర్షించింది. 21 ఏళ్ల నితీష్ ఒక పేస్ ఆల్‌రౌండర్‌గా అన్ని ఫార్మాట్లలో కూడా భారత జట్టుకు ఉపయోగపడతాడు అనే నమ్మకాన్ని కలిగించాడు. ఐపీఎల్‌లో సన్‌రైజర్స్ హైదరాబాద్ తరఫున మెరిసిన ఈ యువ ఆటగాడు, వన్డేల్లో త్వరలో అరంగేట్రం చేసి మరింత మెరుగు ప్రదర్శన ఇవ్వనున్నాడు.

అయితే నితీష్ ఈ స్థాయికి రాకముందు అతని ప్రస్థానం ప్రత్యేకంగా ఉంది. 2021లో CSK నెట్ బౌలర్‌గా జట్టులో ఉండినప్పటికీ, అతని బ్యాటింగ్ ప్రతిభను గుర్తించలేకపోయింది. ఆ సమయంలో ధోనీ సారథ్యంలో జట్టుతో కలిసి ఉన్నా, అతడిని CSK పేస్ ఆల్‌రౌండర్‌గా ప్రోత్సహించలేదు. అదే సమయంలో నితీష్ ప్రతిభను గుర్తించిన సన్‌రైజర్స్ హైదరాబాద్ అతడిని రూ. 20 లక్షలకి కొనుగోలు చేసింది.

ప్రస్తుతం సన్‌రైజర్స్ తరఫున నితీష్ 13 మ్యాచ్‌లలో అదరగొట్టిన ప్రదర్శనతో రాబోయే సీజన్ కోసం రూ. 6 కోట్ల భారీ పారితోషికంతో జట్టులో కొనసాగుతాడు. విధ్వంసమైన బ్యాటింగ్, మీడియం పేస్ బౌలింగ్‌తో సన్‌రైజర్స్‌ను విజయాల బాటలో నడిపించగల సత్తా అతనిలో ఉంది.

నితీష్ ఇప్పుడు భారత క్రికెట్ అభిమానుల్లో ఒక ప్రత్యేక స్థానం సంపాదించాడు. అతనిని భారత జట్టులో హార్దిక్ పాండ్యాకు సరైన వారసుడిగా భావిస్తున్నారు. ధోనీ, CSK అతనిని ముందుగానే గుర్తించి ఉంటే, జట్టుకు ఒక అసాధారణ పేస్ ఆల్‌రౌండర్ దొరికేది. కానీ, అది జరగలేదు. ఇప్పుడు నితీష్ సన్‌రైజర్స్ తరఫున మాత్రమే కాకుండా, భారత జట్టుకు కూడా ఒక కీలక ఆటగాడిగా మారుతున్నాడు.