IPL 2025: ముంబై కొత్త జెర్సీ ఇదే.. అంబానీ సంపద గంగలో కలిపారు అంటూ ఫ్యాన్స్ ట్రోల్స్..

IPL 2025 సీజన్‌కు ముందు, ఐదుసార్లు ఛాంపియన్‌ అయిన ముంబై ఇండియన్స్ (MI) తమ కొత్త జెర్సీని ఆవిష్కరించింది. నీలం, బంగారు రంగులతో రూపొందించిన ఈ జెర్సీ ఫ్రాంచైజీ ఆత్మను ప్రతిబింబించేలా ఉంది. “నీలం విశ్వాసం, అపరిమిత సామర్థ్యాన్ని సూచిస్తే, బంగారు గౌరవం, విజయాన్ని సూచిస్తుంది” అని ముంబై ఇండియన్స్ ఒక ప్రకటనలో పేర్కొంది. కొత్త జెర్సీ ఆవిష్కరణకు కెప్టెన్ హార్దిక్ పాండ్యా, రోహిత్ శర్మ, జస్ప్రీత్ బుమ్రా, సూర్యకుమార్ యాదవ్, తిలక్ వర్మ హాజరయ్యారు.

కానీ, ఈ కొత్త జెర్సీపై అభిమానుల్లో మిశ్రమ స్పందన వచ్చింది. మునుపటి డిజైన్‌లో పెద్దగా మార్పులు లేకపోవడంతో కొంతమంది నిరాశ వ్యక్తం చేశారు. ముంబై ఇండియన్స్ ఫ్రాంచైజీ 2024లో అనూహ్యంగా దిగజారి, పాయింట్ల పట్టికలో అట్టడుగున నిలవడంతో, కొత్త సీజన్‌లో తిరిగి బలంగా రాణించాలని లక్ష్యంగా పెట్టుకుంది. “2025 అనేది మా వారసత్వాన్ని తిరిగి తీసుకురావడానికి అవకాశం” అని ఫ్రాంచైజీ విడుదల చేసిన వీడియో సందేశంలో పేర్కొంది.

ముంబై ఇండియన్స్ కొత్త ప్రయాణం

ఈ సీజన్‌లో ముంబై ఇండియన్స్ మొదటి మ్యాచ్‌ను చెన్నై సూపర్ కింగ్స్‌తో చెపాక్ స్టేడియంలో ఆడనుంది. హార్దిక్ పాండ్యా ఈ మ్యాచ్‌కి దూరంగా ఉండే అవకాశం ఉన్నప్పటికీ, తర్వాతి మ్యాచ్‌లలో తిరిగి జట్టుకు నాయకత్వం వహించనున్నాడు. 2024లో జరిగిన అపజయాలను మరచిపోయి, ఆరో టైటిల్‌ను సాధించడమే MI ప్రధాన లక్ష్యంగా పెట్టుకుంది.

IPL 2025 సీజన్ మార్చి 22న కోల్‌కతాలోని ఈడెన్ గార్డెన్స్‌లో ప్రారంభం కానుంది. తొలి మ్యాచ్‌లో డిఫెండింగ్ ఛాంపియన్‌ కోల్‌కతా నైట్ రైడర్స్ (KKR) రాయల్ ఛాలెంజర్స్ బెంగళూరుతో (RCB) తలపడనుంది. మొత్తం 10 జట్లు పోటీపడతాయి, 74 మ్యాచ్‌లు 13 వేదికలలో జరుగుతాయి, ఇందులో 12 డబుల్ హెడర్‌లు ఉంటాయి.

ఈ కొత్త సీజన్‌లో ముంబై ఇండియన్స్ తమ గౌరవాన్ని తిరిగి నిలబెట్టుకొని, విజయాల బాటలో పయనిస్తుందా? లేదా మళ్లీ అదే సమస్యలు ఎదురవుతాయా? అనేది ఆసక్తికరంగా మారింది.

ముంబై ఇండియన్స్ అభిమానులకు కొత్త జెర్సీతో పాటు కొత్త వ్యూహంతో కూడిన జట్టు ప్రదర్శన కూడా ముఖ్యమైన అంశం. హార్దిక్ పాండ్యా కెప్టెన్సీ తీసుకున్నప్పటి నుండి జట్టు తడబడుతున్నట్లు కనిపించింది. రోహిత్ శర్మను కెప్టెన్సీ నుండి తప్పించిన తర్వాత జట్టు ప్రదర్శనపై నిరాశ వ్యక్తమవుతోంది. 2024 సీజన్‌లో కేవలం నాలుగు విజయాలు మాత్రమే నమోదు చేయగలిగిన ముంబై, 2025లో కొత్త ఉత్సాహంతో బరిలోకి దిగనుంది. జస్ప్రీత్ బుమ్రా, సూర్యకుమార్ యాదవ్, తిలక్ వర్మ లాంటి ఆటగాళ్లు కీలక పాత్ర పోషించనున్నారు. ఈ సీజన్‌లో కొత్త కుర్రాళ్లకు అవకాశాలు ఇస్తారా? లేక అనుభవజ్ఞులతోనే ముందుకు సాగుతారా? అనేది కూడా ఆసక్తిగా మారింది.

👕 𝗧𝗛𝗜𝗦 𝗜𝗦 𝗔 𝗣𝗥𝗢𝗠𝗜𝗦𝗘 𝗧𝗢 𝗬𝗢𝗨 📝

आपल्या मुंबईची jersey for the 𝐈𝐏𝐋 𝟐𝟎𝟐𝟓 𝐒𝐞𝐚𝐬𝐨𝐧 💙 👉 https://t.co/FgRK3BUE6a#MumbaiIndians pic.twitter.com/cYbhV5V5L6

— Mumbai Indians (@mipaltan) February 21, 2025

మరిన్ని క్రీడా వార్తల కోసం ఇక్కడ క్లిక్ చేయండి..