Cameron Green: ఐపీఎల్‌లో నువ్వు బౌలింగ్ చేయోద్దు.. రూ. 25 కోట్ల ప్లేయర్‌పై నిషేధం..?

Cameron Green not bowling for KKR: ఇండియన్ ప్రీమియర్ లీగ్‌(IPL 2026)లో బౌలింగ్ చేయకుండా కామెరాన్ గ్రీన్‌పై క్రికెట్ ఆస్ట్రేలియా నిషేధం విధించింది. కోల్‌కతా నైట్ రైడర్స్ తరపున ఆడే గ్రీన్, ఫిట్‌నెస్ సమస్యలతో బాధపడుతున్నాడు. కేవలం బ్యాటర్‌గా మాత్రమే ఆడాలని అతనికి సలహా ఇచ్చారు. ఈ ఏడాది ఐపీఎల్ మెగా వేలంలో కనిపించిన కామెరాన్ గ్రీన్‌ను కోల్‌కతా నైట్ రైడర్స్ ఫ్రాంచైజీ ఏకంగా రూ. 25.20 కోట్లకు కొనుగోలు చేసింది. అయితే, అతను ముంబై ఇండియన్స్‌తో జరిగిన తొలి మ్యాచ్‌లో బౌలింగ్ చేయలేదు.

దీనికి ప్రధాన కారణం క్రికెట్ ఆస్ట్రేలియా ఆదేశాలు. అదేమిటంటే, నడుము నొప్పితో బాధపడుతున్న కామెరాన్ గ్రీన్‌కు బౌలింగ్ చేయడానికి ఎన్ఓసీ (NOC) ఇవ్వలేదు. అతను పూర్తి ఫిట్‌నెస్ సాధించే వరకు కేవలం బ్యాటర్‌గా మాత్రమే ఆడాలని సూచించారు.

అతను 2024 చివరిలో వెన్నుపూస శస్త్రచికిత్స చేయించుకున్నాడు. అతని దీర్ఘకాలిక ఫిట్‌నెస్‌ను కాపాడటానికి క్రికెట్ ఆస్ట్రేలియా (CA) అతని బౌలింగ్‌ను తాత్కాలికంగా పరిమితం చేసింది.

అయితే, ఐపీఎల్ ద్వితీయార్థం నాటికి అతను పూర్తిగా ఫిట్‌గా ఉంటాడని తెలిసింది. అంటే, ఏప్రిల్ రెండో వారం నాటికి అతను బౌలింగ్ ప్రారంభించే అవకాశం ఉంది.

అందువల్ల, కోల్‌కతా నైట్ రైడర్స్ జట్టు ఆరంభ మ్యాచ్‌లలో కామెరాన్ గ్రీన్ కేవలం బ్యాట్స్‌మన్‌గా మాత్రమే ఆడనున్నాడు. అనుభవజ్ఞులైన పేసర్ల కొరతను ఎదుర్కొంటున్న కేకేఆర్ జట్టుకు, గ్రీన్ ఫిట్‌నెస్ సమస్యలు ఒక ఎదురుదెబ్బగా మారింది.