KKR vs SRH IPL 2024 Final Match Report: కోల్‌కతాదే ఐపీఎల్ కప్.. ఫైనల్‌లో హైదరాబాద్ చిత్తు

Kolkata Knight Riders vs Sunrisers Hyderabad

IPL 2024 Final Match Report of Kolkata Knight Riders vs Sunrisers Hyderabad : ఐపీఎల్‌ 17వ సీజన్‌ ఛాంపియన్ గా కోల్ కతా నైట్ రైడర్స్ అవతరించింది. చెన్నై వేదికగా ఆదివారం జరిగిన ఫైనల్‌ మ్యాచ్ లో శ్రేయస్ అయ్యర్ టీమ్ హైదరాబాద్‌ను చిత్తు చిత్తుగా ఓడించింది. 114 పరుగుల లక్ష్యాన్ని కోల్ కతా 2 వికెట్లు కోల్పోయి కేవలం 10.3 ఓవర్లలోనే ఛేదించింది. తద్వారా ముచ్చటగా మూడోసారి ఐపీఎల్ కప్ ను ఎగరేసుకుపోయింది. లక్ష్య ఛేదనలో ఓపెనర్ సునీల్ నరైన్ తొందరగా ఔటైనా వెంకటేశ్‌ అయ్యర్ (26 బంతుల్లో 52 నాటౌట్, 4 ఫోర్లు, 3సిక్సర్లు) అర్ధశతకంతో విజృంభించాడు. మరో ఓపెనర్ గుర్బాజ్‌ (39) కూడా రాణించాడు. శ్రేయస్‌ 6 పరుగులతో నాటౌట్ గా నిలిచాడు. హైదరాబాద్‌ బౌలర్లలో షాబాజ్‌, కమిన్స్‌ చెరో వికెట్‌ తీశారు. అంతకుముందు హైదరాబాద్‌ 18.3 ఓవర్లలో 113 పరుగులకు ఆలౌటయ్యింది.

కోల్ కతా ఆటగాళ్ల విజయ దరహాసం..

కోల్‌కతా నైట్ రైడర్స్ ప్లేయింగ్ XI: (కెప్టెన్), రహ్మానుల్లా గుర్బాజ్ (వికెట్ కీపర్), సునీల్ నరైన్, వెంకటేష్ అయ్యర్, శ్రేయాస్ అయ్యర్ రింకూ సింగ్, ఆండ్రీ రస్సెల్, రమణదీప్ సింగ్, మిచెల్ స్టార్క్, వైభవ్ అరోరా, హర్షిత్ రాణా మరియు వరుణ్ చక్రవర్తి.

కోల్‌కతా నైట్ రైడర్స్ ఇంపాక్ట్ ప్లేయర్స్: ప్రకాష్ రాయ్, మనీష్ పాండే, నితీష్ రాణా, కేఎస్ భరత్, షెర్ఫాన్ రూథర్‌ఫోర్డ్.

సన్‌రైజర్స్ హైదరాబాద్ ప్లేయింగ్ ఎలెవన్: పాట్ కమిన్స్ (వికెట్ కీపర్), ట్రావిస్ హెడ్, అభిషేక్ శర్మ, రాహుల్ త్రిపాఠి, ఐడెన్ మార్క్‌రామ్, నితీష్ రెడ్డి, హెన్రిచ్ క్లాసెన్ (వికెట్ కీపర్), షాబాజ్ అహ్మద్, భువనేశ్వర్ కుమార్, జయదేవ్ ఉనద్కత్, టి నటరాజన్.

సన్‌రైజర్స్ హైదరాబాద్ ఇంపాక్ట్ ప్లేయర్స్: ఉమ్రాన్ మాలిక్, గ్లెన్ ఫిలిప్స్, మయాంక్ మార్కండే, అబ్దుల్ సమద్,  వాషింగ్టన్ సుందర్.

ముచ్చటగా మూడో సారి..

మరిన్ని క్రీడా వార్తల కోసం ఇక్కడ క్లిక్ చేయండి..