వేలం ఎలా జరుగుతుంది.. బేస్ ప్రైజ్‌ డిసైడ్ చేసేది ఎవరు.. డబ్బంతా ప్లేయర్లకు అందుతుందా? పూర్తి వివరాలు..

IPL 2022 Auction: ఐపీఎల్ 2022 వేలం ఫిబ్రవరి 12, 13 తేదీల్లో బెంగళూరులో జరగనుంది. ఈసారి ఐపీఎల్ మెగా వేలంలో 10 జట్లు పాల్గొంటున్నాయి. ఈ మెగా వేలంలో మొత్తం 590 మంది ఆటగాళ్లను వేలం వేయనున్నారు. వీరిలో 320 మంది భారతీయులు కాగా, 270 మంది విదేశీ ఆటగాళ్లు ఉన్నారు. ఐపీఎల్ (IPL) 2008లో ప్రారంభమైంది. ఈ ఏడాది ఐపీఎల్ 15వ సీజన్ జరగనుంది. ఐపీఎల్ వేలం ఎలా జరుగుతుంది, జట్ల బేస్ ధర ఎలా నిర్ణయిస్తారు, రైట్ టు మ్యాచ్ కార్డ్ అంటే ఏంటో ఇప్పుడు తెలుసుకుందాం.

IPL ప్లేయర్స్ వేలం అంటే ఏమిటి?

ఏ జట్టులో ఏ ఆటగాడు ఆడాలనేది ఐపీఎల్ వేలం నిర్ణయిస్తుంది. ఇది బహిరంగ వేలం. దీనిలో అన్ని జట్లు పాల్గొంటాయి. వారు కొనుగోలు చేయాలనుకుంటున్న ఏ ఆటగాడిపైనైనా వేలం వేయవచ్చు. ఆటగాళ్ల జాబితాను బీసీసీఐకి పంపే సమయంలో ఒక జట్టు ఆ ఆటగాడిపై ఆసక్తి చూపకపోయినా, ఆ ఆటగాడిపై వేలం వేసి వేలంలో కొనుగోలు చేయవచ్చు. వేలానికి వచ్చే జట్లు పూర్తి సన్నద్ధతతో వస్తాయి. జట్లు కొనుగోలు చేయాలనుకుంటున్న ఆటగాళ్ల జాబితాను కలిగి ఉంటాయి. దీని కోసం, వారు A, B, C, D మొదలైన ప్రణాళికలను వేలంలో ఉంచుతారు. జట్లు వారు కొనుగోలు చేయాలనుకుంటున్న ఆటగాళ్లపై పందెం వేస్తారు. అందులో అనుకున్న ఆటగాళ్లు దక్కపోయినప్పుడు, వారు తమ ప్లాన్ Bలో చేర్చబడిన ఆటగాళ్లను కొనుగోలు చేస్తారు. ఇతర ప్లాన్‌ల నుంచి ఆటగాళ్లను కొనుగోలు చేస్తారు.

వేలంలో ఆటగాళ్లను గ్రూపులుగా ఎలా విభజిస్తారు?

సాధారణంగా వేలంలో ఆటగాళ్లను మూడు విభాగాలుగా విభజించారు. ఇండియన్ క్యాప్డ్, ఇండియన్ అన్‌క్యాప్డ్, ఫారిన్ ప్లేయర్స్. ఈ ఆటగాళ్లు వారి ప్రత్యేకత ఆధారంగా బౌలర్, ఫాస్ట్ బౌలర్, స్పిన్ బౌలర్, ఆల్ రౌండర్, వికెట్ కీపర్ వంటి విభిన్న స్థానాల్లో ఉంటారు. తన దేశం తరఫున అంతర్జాతీయ మ్యాచ్‌లు ఆడని ఆటగాడిని అన్‌క్యాప్డ్ అంటారు.

IPL ఆటగాళ్ల వేలం ఎలా జరుగుతుంది?

ఈ వేలం ఇతర వేలంలాంటిదే. IPL వేలం సమయంలో, వేలం వేసిన వ్యక్తి లేదా వేలం నిర్వహించే వ్యక్తి ఆటగాడి పేరును ప్రకటిస్తారు. బ్యాట్స్‌మన్ లేదా బౌలర్, ఏ దేశానికి చెందినవాడో అతని బేస్ ధర ఎంత అనేది వేలంపాటదారు చెబుతారు. జట్లు ఆ ఆటగాడి బేస్ ధర ప్రకారం వేలం వేస్తాయి. ఒక ప్లేయర్ బేస్ ధర రూ. 1 లేదా 2 కోట్లు అని అనుకుందాం. ఆ ప్లేయర్ మొదటి బిడ్ రూ. 1 లేదా 2 కోట్ల నుంచి ప్రారంభమవుతుంది. దీని తరువాత, ఇతర జట్ల వేలం కారణంగా ఆ ఆటగాడి ధర పెరుగుతుంది. విశేషమేమిటంటే, ఏ ఆటగాడిని అతని బేస్ ధర కంటే తక్కువ ధరకు కొనుగోలు చేయలేరు. అయితే, ఏ జట్టు అయినా ఒక ఆటగాడిని అతని బేస్ ధరకు కొనుగోలు చేయవచ్చు.

ఆటగాడి కోసం అత్యధిక బిడ్ వేసిన తర్వాత, వేలం నిర్వహించే వారు అన్ని జట్లకు ప్లేయర్‌పై ఉంచిన చివరి బిడ్ గురించి మూడుసార్లు తెలియజేయడం ద్వారా వేలం ప్రక్రియను పూర్తి చేస్తాడు. ఏ జట్టు ఆసక్తి చూపకపోతే అత్యధికంగా బిడ్ వేసిన జట్టుకు ఆ ఆటగాడిని కేటాయిస్తారు. కొన్నిసార్లు ఆటగాడిని కొనుగోలు చేయడానికి రెండు జట్ల మధ్య పోటీ ఉంటుంది. దీనిని బిడ్డింగ్ వార్ అంటారు. దీని కారణంగా చాలా సార్లు ఆటగాళ్ళు వారి బేస్ ధర కంటే చాలా ఎక్కువ ధరకు అమ్ముడవుతారు.

ఆటగాళ్ల బేస్ ధర ఎంత, అది ఎలా నిర్ణయించబడుతుంది?

బేస్ ప్రైస్ అనేది వేలంలో ఒక ఆటగాడు వేలంలోకి ఎంట్రీ అయ్యే ధర. ఆటగాడు వేలానికి ముందు బేస్ ధరను నిర్ణయించి, దానిని బీసీసీఐకి సమర్పిస్తాడు. ఆటగాడు తన బోర్డు నుంచి నాన్-అబ్జెక్షన్ సర్టిఫికేట్ (NOC)ని BCCIకి సమర్పించాల్సి ఉంటుంది. అందులో అతను IPLలో చేరడానికి తన బోర్డు నుంచి అనుమతి పొందినట్లు చూపించాల్సి ఉంటుంది.

క్యాప్డ్ ఇండియన్ ప్లేయర్స్, ఫారిన్ ప్లేయర్స్ సాధారణంగా తమ బేస్ ధరను ఎక్కువగా ఉంచుకుంటారు. ఎందుకంటే వేలంలో ఎక్కువ ధర లభిస్తుందని వారు భావిస్తుంటుంటారు. మరోవైపు, అన్‌క్యాప్డ్, అంతగా తెలియని ఆటగాళ్లు తమ బేస్ ధరలను చాలా తక్కువగా ఉంచుకుంటారు. బేస్ ధరను నిర్ణయించేటప్పుడు ఆటగాళ్లు తమ గత ప్రదర్శన, వారి ప్రజాదరణ, సోషల్ మీడియా ఫాలోవర్లు మొదలైన అంశాలను పరిగణనలోకి తీసుకుంటారు.

అన్‌సోల్డ్ ప్లేయర్స్.. వేలంలో ఏ జట్టు కూడా ఆసక్తి చూపకపోవడం లేదు ఏ జట్టు కొనుగోలు చేయకపోవడంతో అతన్ని అన్‌సోల్డ్ ప్లేయర్ అంటారు.

అమ్ముడుకాని ఆటగాళ్లను తిరిగి విక్రయించవచ్చా?

అవును, వేలం మొదటి రౌండ్‌లో అమ్ముడుకాని ఆటగాడి పేరును వేలం ముగింపులో లేదా యాక్సిలరేటెడ్ బిడ్డింగ్‌లో మరోసారి వేలం ప్రక్రియలోకి తీసుకరావచ్చు. జట్లు ఆ ఆటగాడిపై ఆసక్తి చూపినప్పుడు మాత్రమే ఇది జరుగుతుంది.

యాక్సిలరేటెడ్ బిడ్డింగ్ అంటే ఏమిటి?

ఇందులో అమ్ముడుకాని ఆటగాళ్ల పేర్లతో కూడిన జాబితాను బీసీసీఐకి అందజేస్తారు. అందులో జట్లు ఆసక్తి చూపుతాయి. అమ్ముడుపోని ఆటగాళ్లను వేలంలోకి మరోసారి తీసుకొస్తారు. ఈ వేలం ప్రక్రియ చాలా వేగంగా జరుగుతుంది. వేలం నిర్వహించే వ్యక్తి త్వరగా ఆటగాళ్ల పేర్లను తీసుకుంటాడు. వారిలో కొందరిని జట్లు కొనుగోలు చేస్తాయి. ఈ వేగవంతమైన వేలంలో, చాలా మంది ఆటగాళ్లను బేస్ ధరకు కొనుగోలు చేస్తారు. కొన్నిసార్లు ఈ ప్రక్రియలో కూడా ఆటగాడిని కొనుగోలు చేసేందుకు రెండు జట్ల మధ్య పోటీ ఉంటుంది. అయితే, ఇది సాధారణంగా చాలా అరుదుగా జరుగుతుంది.

అమ్ముడుపోని ఆటగాళ్లను వేలం తర్వాత విక్రయించవచ్చా?

అవును, గాయపడిన లేదా జట్టు నుంచి అందుబాటులో లేని ఆటగాడికి ప్రత్యామ్నాయంగా టోర్నమెంట్ సమయంలో అమ్ముడుకాని ఆటగాడిని ఎంపిక చేయవచ్చు.

వేలంలో ఎంత మంది ఆటగాళ్లు ఉంటారు?

వేలం రేటు, వేలంలోని ఆటగాళ్ల సంఖ్య మారుతూ ఉంటుంది. మినీ వేలం అయితే అందులో ఆటగాళ్ల సంఖ్య తక్కువ. ఆటగాడి కాంట్రాక్ట్ ముగిసిన తర్వాత జరిగే మెగా వేలంలో ఆటగాళ్ల సంఖ్య ఎక్కువగా ఉంటుంది. ఉదాహరణకు, IPL 2022 అనేది ఒక మెగా వేలం. వేలంలో పాల్గొనే చివరి ఆటగాళ్ల సంఖ్య వేలం కోసం నమోదు చేసుకున్న ఆటగాళ్లలో ఏ జట్లు ఆసక్తి కనబరిచారనే దానిపై ఆధారపడి ఉంటుంది. IPL 2022 వేలం కోసం మొత్తం 1214 మంది ఆటగాళ్లు నమోదు చేసుకున్నారు. అయితే 590 మంది ఆటగాళ్లు మాత్రమే షార్ట్‌లిస్ట్ అయ్యారు.

ఆటగాళ్లకు కొన్నంత డబ్బు అందుతుందా? అవును, ఒక ఆటగాడిని 3 సంవత్సరాల కాంట్రాక్ట్‌పై రూ. 5 కోట్లకు కొనుగోలు చేస్తే, అతను సంవత్సరానికి రూ. 5 కోట్లు పొందేందుకు అర్హుడవుతాడు.

ఏ పరిస్థితుల్లో ఆటగాడు పూర్తి డబ్బును పొందలేడు?

ఒక ఆటగాడు మొత్తం సీజన్‌లో అందుబాటులో ఉంటే, అతను ఆడిన మ్యాచ్‌ల సంఖ్యతో సంబంధం లేకుండా పూర్తి మొత్తాన్ని పొందుతాడు. సీజన్ ప్రారంభానికి ముందు ఒక ఆటగాడు గాయం కారణంగా అవుట్ అయితే, జట్టు ఎటువంటి డబ్బు చెల్లించాల్సిన అవసరం లేదు. ఒక ఆటగాడు మొత్తం సీజన్‌లో కాకుండా కొన్ని మ్యాచ్‌లకు అందుబాటులో ఉంటే, జట్లు ఆ ప్లేయర్‌కు లభ్యత ఆధారంగా 10 శాతం రిటైనర్‌షిప్ రుసుమును చెల్లిస్తాయి. ఒక జట్టు సీజన్ మధ్యలో ఆటగాడిని విడుదల చేయాలనుకుంటే, అది మొత్తం సీజన్‌కు చెల్లించాలి. టోర్నీ మధ్యలో ఆటగాడు గాయపడితే అతని వైద్య ఖర్చులను జట్టు భరించాల్సి ఉంటుంది.

Also Read: IPL 2022 Auction: ఆర్‌సీబీ స్కెచ్ మాములుగా లేదుగా.. ముగ్గురు కీలక ప్లేయర్లపై భారీగా ఖర్చుచేసేందుకు రెడీ..!

IPL 2022 Auction: మెగా వేలంలో ఈ ముగ్గురిపై కన్నేసిన రాజస్థాన్ రాయల్స్.. వారెవరంటే?