IPL 2021: గిర్రున బ్యాట్ తిప్పిన రిషబ్.. దినేష్ కార్తీక్‌కు తృటిలో తప్పిన ప్రమాదం.. వైరలవుతోన్న వీడియో

ఐపీఎల్ 2021 సీజన్‌లో ఢిల్లీ క్యాపిటల్స్‌ టీం ఎంతో అద్భుతంగా ఆడింది. అయితే ఈ రోజు జరిగిన కోల్‌కతా మ్యాచులో మాత్రం చాలా తక్కువ స్కోర్‌కే పరిమితమయ్యారు.

Rishabh Pant Dinesh Karthik

Updated on: Sep 28, 2021 | 6:17 PM

IPL 2021, KKR vs DC: ఐపీఎల్ 2021 సీజన్‌లో ఢిల్లీ క్యాపిటల్స్‌ టీం ఎంతో అద్భుతంగా ఆడింది. అయితే ఈ రోజు జరిగిన కోల్‌కతా మ్యాచులో మాత్రం చాలా తక్కువ స్కోర్‌కే పరిమితమయ్యారు. అయితే, మంగళవారం సెప్టెంబర్ 28, కోల్‌కతా బౌలర్ల ముందు మాత్రం ఢిల్లీ బ్యాట్లకు పెద్దగా పరుగులు రాలేదు. కోల్ కతా బౌలర్లు త్వరగా ఢిల్లీ బ్యాట్స్ మెన్స్‌ను పెవిలియన్‌కి పంపిచి, తక్కువ స్కోర్‌కే కట్టడి చేశారు. టీమ్ కెప్టెన్ రిషబ్ పంత్ భారీ స్కోర్ చేస్తాడని భావించినా.. విఫలమయ్యాడు. అయితే, రిషబ్ సాధారణంగా తన బ్యాటింగ్‌తో బౌలర్లను భయపెట్టేవాడు. కానీ, ఈ మ్యాచులో కోల్‌కతా వికెట్ కీపర్ దినేష్ కార్తీక్‌ను భయపెట్టాడు.

షార్జాలో జరిగిన మ్యాచ్‌లో, ఢిల్లీ క్యాపిటల్స్ మొదట బ్యాటింగ్ చేసింది. కోల్‌కతా జట్టు బ్యాటింగ్ దారుణంగా ఫ్లాప్ అయింది. ఇంతలో క్రీజులోకి వచ్చిన కెప్టెన్ రిషబ్ పంత్ జట్టు కోసం పరుగులు రాబట్టడానికి ప్రయత్నిస్తున్నాడు. ఈ సమయంలో పంత్ చేసిన ఒక చర్య అందరినీ భయపెట్టింది. 17 వ ఓవర్‌లో పంత్ బ్యాట్‌ను సూపర్ స్పీడ్‌తో తిప్పడంతో వికెట్ కీపర్ దినేష్ కార్తీక్‌కు ప్రాణాంతకం అయ్యేదే. కానీ, ఈ ప్రమాదం నుంచి కార్తీక్ కొద్దిలో తప్పించుకున్నాడు.

వరుణ్ చక్రవర్తి వేసిన తొలి బంతిని పుల్ చేయాలని పంత్ భావించాడు. కానీ, బంతి బ్యాట్ దిగువన తగిలి స్టంప్స్ వైపు రావడం ప్రారంభమైంది. వికెట్ కీపర్ కార్తీక్ బంతిని పట్టుకోవడానికి ముందుకు వంగాడు. అదే సమయంలో, బంతిని ఆపడానికి పంత్ ప్రమాదకరమైన రీతిలో బ్యాట్‌ను వేగంగా తిప్పాడు. ఆ వేగానికి కార్తీక్ కొంచెం ముందుకు వచ్చినట్లైతే తలకు చాలా బలంగా తాకేది. అదృష్టం కార్తీక్‌కు అనుకూలంగా ఉండడంతో ఏం కాలేదు.

ఈ సంఘటన తర్వాత పంత్ వీపర్ కార్తీక్ వద్దకు వెళ్లి క్షమాపణలు చెప్పాడు. దీంతో ఇద్దరు ఆటగాళ్లు ఊపిరి పీల్చుకున్నారు. ఆపై అది చూసి నవ్వడం ప్రారంభించారు.

టాస్ ఓడి బ్యాటింగ్ చేసిన ఢిల్లీ క్యాపిటల్స్ టీం నిర్ణీత 20 ఓవర్లలో 9 వికెట్లు కోల్పోయి 127 పరుగులు చేసింది. దీంతో కోల్‌కతా ముందు 128 పరుగుల లక్ష్యాన్ని ఉంచింది. ఇప్పటి వరకు ఢిల్లీ క్యాపిటల్స్ టీం ఆటకు పూర్తి భిన్నంగా ఆడింది. దీనికి కారణం కోల్‌కతా నైట్ రైడర్స్ టీం బౌలర్లు. అద్భుతంగా బౌలింగ్ చేసి వరుసగా వికెట్లు తీస్తూ ఢిల్లీ బ్యాట్స్‌మెన్లకు చుక్కలు చూపించారు. కోల్‌కతా నైట్ రైడర్స్ టీం బౌలర్లలో ఫెర్గ్యూసన్, సునీల్ నరైన్, వెంకటేష్ అయ్యర్ తలో రెండు వికెట్లు, సౌతీ ఒక వికెట్ పడగొట్టారు.