IND vs PAK: టీ20 ప్రపంచకప్‌లో చరిత్ర సృష్టించే అవకాశం మాదే.. రోహిత్ శర్మ కీలక వ్యాఖ్యలు..
T20 World Cup 2022: పాకిస్థాన్‌తో మ్యాచ్‌కు ముందు టీమిండియా కెప్టెన్ రోహిత్ శర్మ స్పందించాడు. టీమ్ ఇండియా చరిత్రను మార్చే అవకాశం ఉందని రోహిత్ అన్నాడు.
Updated on: Oct 22, 2022 | 1:09 PM
టీ20 ప్రపంచ కప్ 2022లో టీమిండియా చరిత్ర మార్చే అవకాశం ఉందని భారత కెప్టెన్ రోహిత్ శర్మ అన్నారు. ఆదివారం మెల్‌బోర్న్ క్రికెట్ గ్రౌండ్‌లో పాకిస్థాన్‌తో జరిగే సూపర్ 12 మ్యాచ్‌తో భారత్ ప్రపంచకప్‌లో తమ ప్రయాణాన్ని ప్రారంభించనుంది. 2007లో తొలి టీ20 ప్రపంచకప్‌ను గెలుచుకున్నప్పటి నుంచి భారత్ ప్రపంచ టైటిల్‌ను గెలవలేదు. ఆస్ట్రేలియాలో జరిగే టీ20 ప్రపంచకప్‌తో భారత్‌కు ఎన్నో ఏళ్లుగా ప్రపంచకప్‌ను గెలవలేని ట్రెండ్‌ను తిప్పికొట్టే అవకాశం లభిస్తుందని కెప్టెన్ రోహిత్ అభిప్రాయపడ్డాడు.
మ్యాచ్‌కు ముందు జరిగిన విలేకరుల సమావేశంలో రోహిత్ మాట్లాడుతూ, “గత తొమ్మిదేళ్లలో మేం ఏ ఐసీసీ ట్రోఫీని గెలవకపోవడం చాలా సవాలుగా మారింది. నేను తప్పు చేయకపోతే భారతదేశం వంటి జట్టుతో ఎల్లప్పుడూ చాలా అంచనాలు, నిరాశలు వస్తుంటాయి. ఈ సారి వాటికి స్వస్తి పలికే అవకాశం మాముందు నిలిచింది” అంటూ చెప్పుకొచ్చాడు.
రోహిత్ మాట్లాడుతూ, “ఈ టోర్నమెంట్‌లో ట్రెండ్‌ని మార్చడానికి, బాగా ఆడటానికి మాకు అవకాశం ఇస్తుంది. మేం మా అత్యుత్తమ క్రికెట్ ఆడాలని మాకు తెలుసు. కాబట్టి మేం ఆ మ్యాచ్‌లో బాగా రాణించాల్సిన సమయంలో ఒక మ్యాచ్ తీసుకుంటాం” అని తెలిపాడు. అలాగే తదుపరి మ్యాచ్‌పైనే ఫోకస్ చేసినట్లు చెప్పుకొచ్చాడు.
2007 నాటి చరిష్మాను 2022లో కూడా చేసే అవకాశం కనిపిస్తోంది. ఇది జట్టుకు చాలా ఛాలెంజింగ్‌గా అభివర్ణించిన రోహిత్, “మేం దీనిని ఒత్తిడి అని పిలవం. కానీ మేం అగ్రస్థానంలో నిలవడం ఖచ్చితంగా సవాలుగా ఉంటుంది” అని పేర్కొన్నాడు.
రోహిత్ మాట్లాడుతూ, “ఇప్పుడు ఇక్కడ బాగా రాణించడానికి అవకాశం వచ్చిందని నేను భావిస్తున్నాను. మనం కొన్ని విషయాలపై దృష్టి పెట్టాలి. తద్వారా ఫలితాలు సక్రమంగా ఉంటాయి” అని తెలిపారు.
