IND vs NZ: సిరీస్పై కన్నేసిన రోహిత్ సేన.. 13 ఏళ్లుగా స్వదేశంలో తగ్గేదేలే అంటోన్న భారత్.. కీలక మార్పుతో బరిలోకి..
India vs New Zealand, 2nd ODI: తొలి మ్యాచ్లో భారత ఓపెనర్ శుభ్మన్ గిల్ డబుల్ సెంచరీ సాధించాడు. వన్డే క్రికెట్లో భారత్ నుంచి డబుల్ సెంచరీ సాధించిన ఐదో ఆటగాడిగా నిలిచాడు. అయితే భారత జట్టు మిడిల్ ఆర్డర్ విఫలమైంది.
Updated on: Jan 21, 2023 | 9:53 AM
India vs New Zealand, 2nd ODI: భారత క్రికెట్ జట్టు ఈరోజు రాయ్పూర్లో న్యూజిలాండ్తో రెండో వన్డే ఆడనుంది. హైదరాబాద్లో జరిగిన తొలి మ్యాచ్లో న్యూజిలాండ్ను ఓడించిన టీమిండియా మూడు వన్డేల సిరీస్లో 1-0 ఆధిక్యంలో నిలిచింది. ఇప్పుడు టీమ్ ఇండియా దృష్టి సిరీస్ను సాధించడంపైనే ఉంచింది. అదే సమయంలో, న్యూజిలాండ్ జట్టు తిరిగి సిరీస్లోకి వచ్చి ఈ మ్యాచ్లో గెలిచి 1-1తో సమం చేయాలని కోరుకుంటుంది. అయినప్పటికీ, న్యూజిలాండ్కు ఇది అంత సులభం కాదు. ఎందుకంటే తమ ప్రధాన ఆటగాళ్లు లేకుండా బరిలోకి దిగనుంది. మొదటి మ్యాచ్లో చివరి ఓవర్లో విజయం సాధించిన టీమ్ ఇండియాకు గొప్ప విశ్వాసం వచ్చింది.
తొలి మ్యాచ్లో భారత ఓపెనర్ శుభ్మన్ గిల్ డబుల్ సెంచరీ సాధించాడు. వన్డే క్రికెట్లో భారత్ నుంచి డబుల్ సెంచరీ సాధించిన ఐదో ఆటగాడిగా నిలిచాడు. అయితే భారత జట్టు మిడిల్ ఆర్డర్ విఫలమైంది. అదే సమయంలో, బౌలర్లు కూడా నిరాశపరిచారు. ఎందుకంటే 349 పరుగులు చేసిన తర్వాత కూడా టీమ్ ఇండియా కేవలం 12 పరుగుల తేడాతో విజయం సాధించగలిగింది.
టీమ్ ఇండియా ప్లేయింగ్-11లో మార్పులు?
రెండో మ్యాచ్లో 11 మంది ఆటగాళ్లతో వెళ్లాలన్నది రోహిత్ ముందున్న సవాలు. జట్టు గెలిచినప్పుడు, కెప్టెన్ విన్నింగ్ కాంబినేషన్లో మార్పులు చేయడం మానుకుంటాడు. కానీ రెండో మ్యాచ్లో రాహుల్ ద్రవిడ్, రోహిత్ జోడీ కొన్ని కీలక మార్పులు చేయనున్నట్లు తెలుస్తోంది. మొదటి మ్యాచ్లో బ్యాటింగ్ను పటిష్టం చేసేందుకు శార్దూల్ ఠాకూర్ ప్లేయింగ్-11లో ఎంపికైనప్పటికీ అతను చాలా ఖరీదైన వాడిగా నిరూపించుకున్నాడు. శార్దూల్ 7.2 ఓవర్లలో 54 పరుగులిచ్చి రెండు వికెట్లు తీశాడు.
అతని స్థానంలో రోహిత్ ఫాస్ట్ బౌలర్ ఉమ్రాన్ మాలిక్కు అవకాశం ఇవ్వవచ్చని తెలుస్తోంది. ఉమ్రాన్ వేగం బ్యాట్స్మెన్కు ఇబ్బంది కలిగిస్తుంది. ఈ విషయాన్ని ఆయన చాలాసార్లు నిరూపించాడు. తాజాగా శ్రీలంక సిరీస్లో ఉమ్రాన్ తన స్పీడ్తో ఆకట్టుకున్నాడు. ఇలాంటి పరిస్థితుల్లో శార్దూల్కు బదులు ఉమ్రాన్కు ప్లేయింగ్-11లో అవకాశం దక్కవచ్చు. టీమ్ ఇండియాలో మరో మార్పు వచ్చే అవకాశం కనిపించడం లేదు.
న్యూజిలాండ్ ప్లేయింగ్-11..
తొలి మ్యాచ్లో న్యూజిలాండ్ బౌలర్లు ఘోరంగా దెబ్బతిన్నారు. బ్యాటింగ్లో కూడా జట్టు పెద్దగా రాణించలేకపోయింది. చివరికి మైఖేల్ బ్రేస్వెల్, మిచెల్ సాంట్నర్ల తుఫాను ఇన్నింగ్స్ జట్టును విజయానికి చేరువ చేసింది. అయితే కివీస్ జట్టు గెలవలేకపోయింది. కేన్ విలియమ్సన్ వంటి ఒక ఎండ్లో నిలిచే బ్యాట్స్మన్ జట్టులో లేరు. ఈ సిరీస్లో జట్టుకు కెప్టెన్గా వ్యవహరిస్తున్న టామ్ లాథమ్ రెండో మ్యాచ్లో ఎలాంటి టీంతో బరిలోకి దిగుతారో చూడాలి. అయితే ఈ జట్టులో మార్పు వచ్చే అవకాశం ఉంది. గాయం కారణంగా ఇష్ సోధి తొలి మ్యాచ్ ఆడలేదు. అతను రెండో మ్యాచ్లో ప్లేయింగ్-11లో చేరవచ్చు.
రెండు జట్లు..
భారత ప్రాబబుల్ ప్లేయింగ్ 11: రోహిత్ శర్మ (కెప్టెన్), శుభమన్ గిల్, విరాట్ కోహ్లీ, సూర్యకుమార్ యాదవ్, ఇషాన్ కిషన్ (వికెట్ కీపర్), హార్దిక్ పాండ్యా, వాషింగ్టన్ సుందర్, ఉమ్రాన్ మాలిక్, కుల్దీప్ యాదవ్, మహ్మద్ షమీ, మహ్మద్ సిరాజ్
న్యూజిలాండ్ ప్రాబబుల్ ప్లేయింగ్ 11: టామ్ లాథమ్ (కీపర్/కెప్టెన్), ఫిన్ అలెన్, డెవాన్ కాన్వే, హెన్రీ నికోల్స్, డారిల్ మిచెల్, గ్లెన్ ఫిలిప్స్, మిచెల్ బ్రేస్వెల్, మిచెల్ సాంట్నర్, ఇష్ సోధి, లాకీ ఫెర్గూసన్, బ్లెయిర్ టిక్నర్.
మరిన్ని క్రికెట్ వార్తల కోసం ఇక్కడ క్లిక్ చేయండి..
