Pink Ball Test: భారత్‌లో తొలి పింక్ బాల్ టెస్ట్.. శ్రీలంకతో ఫిక్స్ చేసేందుకు బీసీసీఐ ప్లాన్.. ఎప్పుడు, ఎక్కడంటే?

Venkata Chari

Venkata Chari |

Updated on: Feb 02, 2022 | 12:55 PM

IND vs SL: భారత క్రికెట్ కంట్రోల్ బోర్డ్ (BCCI) ఈ సంవత్సరం టీమిండియా మొదటి డే-నైట్ టెస్ట్ కోసం ప్లాన్ చేస్తోంది. శ్రీలంకతో జరగనున్న టెస్టు సిరీస్‌లో గులాబీ బంతి(Pink Ball Test)తో మ్యాచ్ జరిగే అవకాశం ఉందని వార్తలు వెలువడుతున్నాయి.

Pink Ball Test: భారత్‌లో తొలి పింక్ బాల్ టెస్ట్.. శ్రీలంకతో ఫిక్స్ చేసేందుకు బీసీసీఐ ప్లాన్.. ఎప్పుడు, ఎక్కడంటే?
India Vs Sri Lanka

IND vs SL: భారత క్రికెట్ కంట్రోల్ బోర్డ్ (BCCI) ఈ సంవత్సరం టీమిండియా మొదటి డే-నైట్ టెస్ట్ కోసం ప్లాన్ చేస్తోంది. శ్రీలంకతో జరగనున్న టెస్టు సిరీస్‌లో గులాబీ బంతి(Pink Ball Test)తో మ్యాచ్ జరిగే అవకాశం ఉందని వార్తలు వెలువడుతున్నాయి. ఈ నివేదికలో బెంగళూరులో శ్రీలంక(IND vs SL) జట్టుతో పింక్ బాల్ టెస్ట్ నిర్వహించాలని బోర్డు పరిశీలిస్తున్నట్లు తెలుస్తోంది. ఫిబ్రవరి చివరి వారంలో శ్రీలంక జట్టు భారత పర్యటనకు రానుంది. ఫిబ్రవరి 25 నుంచి మార్చి 18 మధ్య ఇరు దేశాల మధ్య 2 టెస్టులు, 3 టీ20 మ్యాచ్‌లు జరగనున్నాయి. ఫిబ్రవరి 25 నుంచి తొలి టెస్టు మ్యాచ్ జరగనుంది. ఈ షెడ్యూల్‌లో మార్పు వచ్చే అవకాశం ఉన్నప్పటికీ.. టెస్టు సిరీస్‌ కంటే ముందే టీ20 సిరీస్‌ నిర్వహించాలని శ్రీలంక బోర్డు భావిస్తోంది.

టీ20 మ్యాచ్‌లతో టూర్‌ను ప్రారంభించే అవకాశం ఉందని వార్తలు వస్తున్నాయి. మొదటి రెండు టీ20 మ్యాచ్‌లు ధర్మశాలలో జరగనున్నాయి. మూడో టీ20ని మొహాలీలో నిర్వహించే ఛాన్స్ ఉంది. లక్నోను ప్రస్తుతానికి టీ20 వేదిక నుంచి తొలగించవచ్చు. పింక్ బాల్ టెస్ట్ కూడా ప్లాన్ చేయబడింది. కానీ, మంచు కారణంగా మొహాలీలో నిర్వహించడం సాధ్యం కాదు. అయితే, దేశంలో కోవిడ్ పరిస్థితిపై బీసీసీఐ ఓ కన్నేసి ఉంచింది. త్వరలో మొత్తం మారిన షెడ్యూల్‌ను వెల్లడించనున్నారు.

లేటెస్ట్ న్యూస్ హైలెట్స్ చూడండి

ముందుగా నిర్ణయించిన షెడ్యూల్ ప్రకారం భారత్-శ్రీలంక మధ్య రెండు టెస్టులు ఆ రోజే జరగాల్సి ఉంది. భారత పర్యటన ప్రారంభంలోనే శ్రీలంక తొలి టెస్టును బెంగళూరులోని ఎం. చిన్నస్వామిలో, రెండో టెస్టును మొహాలీలో ఆడాల్సి ఉంది. అయితే ప్రస్తుతం షెడ్యూల్‌లో మార్పు వచ్చే అవకాశం ఉందని భావించిన బీసీసీఐ డే-నైట్ టెస్టును కూడా నిర్వహించే ఆలోచనలో ఉంది. మొహాలీలో రాత్రి మంచు పాత్రను పరిగణనలోకి తీసుకుంటే, బెంగళూరులో టెస్టు డే-నైట్ అయ్యే అవకాశం ఉంది.

భారత్ వర్సెస్ శ్రీలంక షెడ్యూల్:

1వ టెస్టు: ఫిబ్రవరి 25, బెంగళూరు

2వ రెండో టెస్టు: మార్చి 5, మొహాలీ

1వ టీ20: మార్చి 13, మొహాలీ

2వ టీ20: మార్చి 15, ధర్మశాల

3వ టీ20: మార్చి 18, లక్నో

Also Read: Kohli vs BCCI: ఇది చాలా చిన్న సమస్య.. కోల్డ్‌వార్‌ ఆపితే భారత క్రికెట్‌కు మంచిది: మాజీ ప్లేయర్ కీలక వ్యాఖ్యలు

IPL 2022: ఏ ఫ్రాంచైజీ వాలెట్‌లో ఎంత డబ్బు ఉంది.. ఇంకెంతమంది ప్లేయర్లు కావాలంటే?

Follow us on

Related Stories

Most Read Stories

Click on your DTH Provider to Add TV9 Telugu