Team India: ఇక వన్డే, టీ20 సమరం.. టీమిండియా తదుపరి సిరీస్ వివరాలు, పూర్తి షెడ్యూల్ ఇదిగో

5 మ్యాచ్‌ల బోర్డర్ గవాస్కర్ ట్రోఫీ టెస్ట్ సిరీస్‌ను ఆస్ట్రేలియా  3-1తో కైవసం చేసుకుంది. ఈ సిరీస్‌ను నిలబెట్టుకోవడంలో టీమిండియా ఘోరంగా  విఫలమైంది. జట్టు ఈ పేలవ ప్రదర్శనకు బ్యాటింగ్ విభాగమే ప్రధాన కారణమనడంలో సందేహం లేదు. మొత్తం సిరీస్‌లో టీమిండియా పేసర్లు ఇచ్చిన ఫైట్‌ను బ్యాటింగ్ విభాగం ఇవ్వలేదు. తద్వారా ఈ ప్రతిష్టాత్మక సిరీస్‌ను వరుసగా మూడోసారి గెలుచుకోవడంలో భారత జట్టు విఫలమైంది. తాజాగా ఆస్ట్రేలియా పర్యటనను ముగించుకున్న టీమిండియా తదుపరి ఏ సిరీస్‌తో ఆడనుందనే వివరాలు ఇలా ఉన్నాయి. ఓటమితో ఆస్ట్రేలియన్ టూర్‌ను ముగించిన టీమిండియా ఇప్పుడు పరిమిత ఓవర్ల ఫార్మాట్‌లో ఇంగ్లండ్‌తో తలపడనుంది. ఈ సిరీస్ కోసం ఇంగ్లండ్ జట్టు భారత్‌కు రానుంది. ఇరు జట్ల మధ్య ఐదు మ్యాచ్‌ల టీ20 సిరీస్ తో పాటు మూడు మ్యాచ్‌ల వన్డే సిరీస్ ఉంటుంది. ముందుగా టీ20 సిరీస్ జరుగుతుండగా, సిరీస్‌లో మొదటి మ్యాచ్ జనవరి 22న జరగనుంది. ఈ సిరీస్‌కు ఇంగ్లండ్‌ జట్టును ఇప్పటికే ప్రకటించారు. ఆతిథ్య భారత జట్టును ఇంకా ప్రకటించలేదు.

టీ20 సిరీస్‌లో తొలి మ్యాచ్ జనవరి 22న కోల్‌కతాలో జరగనుంది. ఈ సిరీస్‌లో చివరి మ్యాచ్ ఫిబ్రవరి 2న ముంబైలో జరగనుంది. దీని తర్వాత ఫిబ్రవరి 6 నుంచి ఫిబ్రవరి 12 వరకు మూడు వన్డేల సిరీస్ జరగనుంది. తొలి వన్డే నాగ్‌పూర్‌లో, రెండో వన్డే కటక్‌లో, మూడో వన్డే అహ్మదాబాద్‌లో జరుగుతాయి. ఆ తర్వాత ప్రస్తుతం జరుగుతున్న ఛాంపియన్స్ ట్రోఫీ కూడా వన్డే పద్ధతిలో జరగనుంది. ఇలాంటి పరిస్థితుల్లో ఇరు జట్లకు ఈ సిరీస్ మంచి ప్రాక్టీస్‌గా మారనుంది.

టీ20 సిరీస్ షెడ్యూల్

• తొలి టీ20: 22 జనవరి- కోల్‌కతా
• రెండో టీ20: 25 జనవరి- చెన్నై
• మూడో టీ20: 28 జనవరి- రాజ్‌కోట్
• నాలుగో టీ20: 31 జనవరి- పూణె
• ఐదో టీ20: 2 ఫిబ్రవరి- ముంబై

వన్ డే సిరీస్ షెడ్యూల్

• మొదటి వన్డే: ఫిబ్రవరి 6-నాగ్‌పూర్
• రెండో వన్డే: ఫిబ్రవరి 9- కటక్
• మూడో వన్డే: 12 ఫిబ్రవరి- అహ్మదాబాద్

వన్డే సిరీస్ కోసం ఇంగ్లండ్ జట్టు:

జోస్ బట్లర్ (కెప్టెన్), జోఫ్రా ఆర్చర్, గస్ అట్కిన్సన్, జాకబ్ బెథెల్, హ్యారీ బ్రూక్, బ్రైడెన్ కార్సే, బెన్ డకెట్, జేమీ ఓవర్టన్, జామీ స్మిత్, లియామ్ లివింగ్‌స్టోన్, ఆదిల్ రషీద్, జో రూట్, సాకిబ్ మహమూద్, ఫిల్ సాల్ట్ , మార్క్ వుడ్.

ఇవి కూడా చదవండి

యాక్షన్ సినిమాలంటే ఇష్టమా? ఓటీటీలో మరో మలయాళ సూపర్ హిట్ సినిమా

'ఆయన సినిమాలో హీరోయిన్‌గా బ్రాహ్మణికి ఆఫర్.. కానీ'.. బాలకృష్ణ

'ఆ సౌత్ డైరెక్టర్ అర్ధరాత్రి ఫోన్ చేసి హోటల్‌కు రమ్మన్నాడు'..

బాయ్‌ఫ్రెండ్‌తో తిరుమల శ్రీవారిని దర్శించుకున్న జాన్వీ.. ఫొటోస్

టీ20 సిరీస్ కోసం ఇంగ్లండ్ జట్టు:

జోస్ బట్లర్ (కెప్టెన్), రెహాన్ అహ్మద్, జోఫ్రా ఆర్చర్, గుస్ అట్కిన్సన్, జాకబ్ బెతెల్, హ్యారీ బ్రూక్, బ్రైడెన్ కోర్స్, బెన్ డకెట్, జామీ ఓవర్టన్, జామీ స్మిత్, లియామ్ లివింగ్‌స్టోన్, ఆదిల్ రషీద్, సాకిబ్ మహమూద్, ఫిల్ సాల్ట్ , మార్క్ వుడ్.

మరిన్ని క్రీడా వార్తల కోసం ఇక్కడ క్లిక్ చేయండి..