రోహిత్ బ్యాటింగ్ తీరు అమోఘం- క్లార్క్

టీమిండియా వైస్ కెప్టెన్, ఓపెనర్ రోహిత్ శర్మ ఈ  వరల్డ్ కప్‌లో భీకర ఫామ్‌లో ఉన్న విషయం తెలిసిందే.  ఇప్పటికే టోర్నీలో టాప్ స్కోరర్‌గా ఉన్న రోహిత్ ఏకంగా 5 సెంచరీలతో వరల్డ్ కప్ చరిత్రలోనే నయా రికార్డును క్రియేట్ చేశాడు. దీంతో హిట్ మ్యాన్ బ్యాటింగ్ తీరు పట్ల పలవురు మాజీ ఆటగాళ్లు హర్షం వ్యక్తం చేస్తున్నారు. తాజాగా అందులో ఆసీస్ మాజీ కెప్టెన్ మైఖేల్ క్లార్క్ చేరాడు.

రోహిత్ ను అడ్డుకునే బౌలరే లేరంటూ కితాబిచ్చాడు. లీగ్‌ దశలో 15 పాయింట్లతో అగ్రస్థానంలో ఉన్న టీమిండియా ఇప్పటికే ఫైనల్స్‌ కోసం ఒక అడుగు ముందుకేసిందని అభిప్రాయపడ్డాడు. భారత జట్టు వరుసగా మూడు మ్యాచ్‌ల్లో గెలిచి ఆత్మవిశ్వాసంతో ఉంటే.. మూడు మ్యాచ్‌ల్లో ఓడిపోయిన కివీస్‌ జట్టులో ఆత్మవిశ్వాసం లోపించిందని వ్యాఖ్యానించాడు. టీమిండియా ఎంత బాగా ఆడుతున్నా న్యూజిలాండ్‌ని తక్కువ అంచనా వేయొద్దని చెప్పాడు. మంచి ప్రదర్శన చేసి ఫైనల్‌ చేరాలని ఆకాక్షించాడు.