T20 World Cup 2024: జూన్లో టీ20 ప్రపంచకప్ 2024.. పోటీలో 20 జట్లు.. ఫార్మాట్ మార్చిన ఐసీసీ.. తేదీలు ఇవే?
ఈ ఏడాది భారత్లో వన్డే ప్రపంచకప్ జరగనున్న సంగతి తెలిసిందే. వచ్చే ఏడాది అంటే 2024లో ఐసీసీ టీ20 ప్రపంచకప్ జరగనుంది. ఈ మెగా టోర్నీని అమెరికా, వెస్టిండీస్ సంయుక్తంగా ఈ ప్రపంచ మహా సంగ్రామాన్ని నిర్వహించనున్నాయి. T20 ప్రపంచ కప్ చివరి రెండు ఎడిషన్లు అక్టోబర్ నెలలో నిర్వహించారు. కానీ, ఈసారి మాత్రం జూన్ నెలలో నిర్వహించేందుకు ఏర్పాట్లు చురుగ్గా సాగుతున్నాయి.
Updated on: Jul 29, 2023 | 8:13 AM
T20 World Cup 2024: ఈ ఏడాది భారత్లో వన్డే ప్రపంచకప్ జరగనున్న సంగతి తెలిసిందే. వచ్చే ఏడాది అంటే 2024లో ఐసీసీ టీ20 ప్రపంచకప్ జరగనుంది. ఈ మెగా టోర్నీని అమెరికా, వెస్టిండీస్ సంయుక్తంగా ఈ ప్రపంచ మహా సంగ్రామాన్ని నిర్వహించనున్నాయి. ESPNcricinfo, InsideSport వెబ్సైట్ల నివేదికల ప్రకారం, T20 ప్రపంచ కప్ 2024 వచ్చే ఏడాది జూన్ 4 నుంచి 30 వరకు జరుగుతుంది. గత రెండు T20 ప్రపంచ కప్ ఎడిషన్లు అక్టోబర్ నెలలో నిర్వహించారు. కానీ, ఈసారి మాత్రం జూన్ నెలలో నిర్వహించనున్నారు. నివేదికల ప్రకారం, ICC అధికారులు USAలో T20 ప్రపంచ కప్ కోసం వేదికలపై సమీక్ష నిర్వహించారు. ముందుగా నిర్ణయించిన ప్రకారం, టోర్నమెంట్ కరేబియన్, USAలోని 10 వేదికలలో నిర్వహించనున్నారు. యునైటెడ్ స్టేట్స్, మోరిస్విల్లే, డల్లాస్, న్యూయార్క్, ఫ్లోరిడాలో మ్యాచ్లు నిర్వహించనున్నట్లు తెలుస్తోంది.
ఈసారి భిన్నంగా..
గత కొన్ని ఎడిషన్లకు భిన్నంగా 2024లో టీ20 ప్రపంచకప్ జరుగుతోంది. 2024 ప్రపంచకప్లో 16 జట్లకు బదులుగా 20 జట్లు పోటీపడనున్నాయి. మొత్తం 20 జట్లను 5 జట్లు చొప్పున 4 గ్రూపులుగా విభజించారు. ప్రతి గ్రూప్ నుంచి మొదటి రెండు స్థానాల్లో నిలిచిన జట్లు సూపర్ 8 రౌండ్కు అర్హత సాధిస్తాయి. ఇక్కడ ఎనిమిది జట్లను 4 చొప్పున రెండు గ్రూపులుగా విభజించారు.
ఆ తర్వాత ఒక్కో గ్రూపు నుంచి మొదటి రెండు స్థానాల్లో నిలిచిన జట్లు సెమీఫైనల్కు అర్హత సాధిస్తాయి. సెమీఫైనల్లో గెలిచిన జట్టు ఫైనల్ పోరులో నిలుస్తాయి. ప్రస్తుత ఇంగ్లాండ్ జట్టు బ్యాటింగ్ వార్లో డిఫెండింగ్ ఛాంపియన్, గత ఎడిషన్లో జోస్ట్ బట్లర్ నేతృత్వంలోని ఇంగ్లండ్ జట్టు ఫైనల్లో పాకిస్తాన్ను ఓడించి రెండవ T20 ప్రపంచ కప్ టైటిల్ను ఎగరేసుకుపోయింది.
ఎంట్రీ ఇచ్చిన అమెరికా..
ఈ ప్రపంచకప్ గురించిన మరో ఆసక్తికరమైన అంశం ఏమిటంటే.. 2024లో జరిగే టీ20 ప్రపంచకప్లో అమెరికా క్రికెట్ జట్టు కూడా ఆడనుంది. ఆ జట్టు ఆతిథ్య జట్టుగా అర్హత సాధించింది. ICC క్రికెట్ను కొత్త దేశాలకు విస్తరించాలని యోచిస్తోంది. ఈసారి యూఎస్ ఆతిథ్యం ఇవ్వనుంది.
మరిన్ని క్రీడా వార్తల కోసం ఇక్కడ క్లిక్ చేయండి..
