RCB vs GG-WPL 2023: ఆర్‌సీబీపై టాస్ గెలిచి బ్యాటింగ్ ఎంచుకున్న గుజరాత్ జెయింట్స్.. తుది జట్టు వివరాలివే..
టోర్నీలో భాగంగా ఇప్పటికే ఆడిన పిచ్‌ కావడంతో మొదట బ్యాటింగ్‌కు మొగ్గు చూపుతున్నామని గుజరాత్ సారథి స్నేహ్ రాణా..
Updated on: Mar 08, 2023 | 7:39 PM
ఉమెన్స్ ప్రీమియర్‌ లీగ్ టోర్నీ ఆరో మ్యాచ్‌లో గుజరాత్ జెయింట్స్, రాయల్ ఛాలెంజర్స్‌ బెంగళూరు తలపడుతున్నాయి. ఈ క్రమంలో తొలుత టాస్ గెలిచిన గుజరాత్ బ్యాటింగ్ ఎంచుకుంది. టోర్నీలో భాగంగా ఇప్పటికే ఆడిన పిచ్‌ కావడంతో మొదట బ్యాటింగ్‌కు మొగ్గు చూపుతున్నామని గుజరాత్ సారథి స్నేహ్ రాణా పేర్కొంది. ఈ సందర్భంగా మాట్లాడిన స్నేహ్ రాణా.. టీమ్ కెప్టెన్‌గా నాయకత్వాన్ని తాను ఆస్వాదిస్తున్నానని, జట్టులో ఎలాంటి మార్పులు చేయలేదని తెలిపింది. ఇంకా తమకు బ్యాటింగ్ డెప్త్‌ ఉందని ధీమా వ్యక్తం చేసింది.
మరోవైపు పిచ్‌ను పరిగణనలోకి తీసుకుంటే మొదట బ్యాటింగ్, బౌలింగ్‌లో ఏదైనా ఫర్వాలేదని రాయల్ ఛాలెంజర్స్‌ బెంగళూరు కెప్టెన్‌ స్మృతి మంధాన తెలిపింది. అయితే మొదట బ్యాటింగ్ చేస్తే బాగుండేదని పేర్కొంది. ఒక బౌలింగ్‌ విభాగంగా తాము చర్చించుకున్నామని వెల్లడించింది. ‘తొలి రెండు మ్యాచులు మేం అనుకున్న మేరకు రాణించలేదు. ఫైనల్‌ లేదా ఎలిమినేటర్‌కు ముందు ఎనిమిది మ్యాచులు ఉన్నాయి. ఆ ప్రకారం చూస్తే ఇది మాకు చాలా కీలక మ్యాచ్‌. దిశా ఆడటం లేదు. ఆమె స్థానంలో పూనమ్‌ జట్టులోకి వచ్చింది’ అని మంధాన తెలిపింది.
? Toss Update ?@GujaratGiants have elected to bat against @RCBTweets.
Follow the match ▶️ https://t.co/QeECVTM7rl #TATAWPL | #GGvRCB pic.twitter.com/yNaZDKYdHT
— Women’s Premier League (WPL) (@wplt20) March 8, 2023
రాయల్ ఛాలెంజర్స్‌ బెంగళూరు: స్మృతి మంధాన, సోఫీ డివైన్‌, దిశా కసత్‌, ఎలిస్‌ పెర్రీ, హీథర్‌ నైట్‌, రిచా ఘోష్, కనికా అహుజా, శ్రేయాంక పాటిల్‌, మేఘన్‌ షూట్‌, రేణుకా సింగ్‌, ప్రీతి బోస్‌, పూనమ్‌ కెమ్నార్‌
గుజరాత్ జెయింట్స్: సోఫీ డంక్లీ, మేఘన, హర్లీన్‌ డియోల్‌, యాష్లే గార్డ్‌నర్‌, సుష్మా వర్మ, దయాలన్ హేమలత, అనబెల్‌ సుథర్‌ల్యాండ్‌, స్నేహ్ రాణా, తనుజా కన్వార్‌, కిమ్‌ గార్త్‌, మాన్సీ జోషీ
