ఆ మ్యాచ్‌లో సీనియర్‌ ఆటగాడితో విరాట్ కోహ్లీ గొడవ.. ఇద్దరి మధ్య దూషణలు తారాస్థాయికి చేరాయి..

Virat Kohli: విరాట్ కోహ్లీ పేరు ప్రస్తుతం హెడ్‌లైన్స్‌లో ఉంది. నిజానికి అతడిని టీమిండియా వన్డే కెప్టెన్సీ నుంచి తప్పించారు. అంతకు ముందే టీ20 కెప్టెన్సీ నుంచి తప్పుకున్నాడు. వాస్తవానికి పరిమిత ఓవర్ల ఫార్మాట్‌లో ఒక్క కెప్టెన్ ఉండాలని బీసీసీఐ కోరుకుంది. అతను రోహిత్ శర్మగా మారాడు. అయితే దూకుడుగా ఉండే విరాట్ కోహ్లీ గతంలో సీనియర్లతో చాలా గొడవలు పడ్డాడు. ఐపీఎల్ 2013లో మైదానంలోనే గౌతమ్‌ గంబీర్‌తో గొడవకు దిగాడు. పరిస్థితి తోపులాటకు దారితీసింది అయితే అంపైర్, తోటి ఆటగాళ్లు వారిని అడ్డుకున్నారు.

ఐపీఎల్ 2013లో కోల్‌కతా నైట్ రైడర్స్, రాయల్ ఛాలెంజర్స్ బెంగళూరు మధ్య మ్యాచ్ జరిగింది. ఇందులో జరిగిన సంఘటన చూసి అభిమానులు ఉలిక్కిపడ్డారు. ఈ మ్యాచ్‌లో టీమిండియా ఇద్దరు పెద్ద క్రికెటర్లు విరాట్ కోహ్లీ, గౌతమ్ గంభీర్ తలపడ్డారు. ఇద్దరు ఆటగాళ్లు దూకుడుగా వ్యవహరించడంతో వారి మధ్య వ్యక్తిగత దూషణలు జరిగాయి. ఇద్దరు ఆటగాళ్లు ఒకరికొకరు తలపడటానికి సిద్దమయ్యారు కానీ ఇతర ఆటగాళ్లు, అంపైర్లు వారిని అడ్డుకున్నారు.

గౌతమ్-విరాట్ గొడవ ఎందుకు జరిగింది? గౌతమ్ గంభీర్, విరాట్ కోహ్లి మధ్య గొడవకు అసలు కారణం ఏంటో తెలియదు కానీ.. విరాట్ కోహ్లి ఔటైన తర్వాత ఈ గొడవ మొదలైంది. బెంగళూరులోని చిన్నస్వామి స్టేడియంలో బెంగళూరు విజయానికి 155 పరుగులు చేయాల్సి ఉండగా విరాట్ కోహ్లీ బ్యాటింగ్‌కు దిగాడు. 10వ ఓవర్లో లక్ష్మీపతి బాలాజీ విరాట్‌ని అవుట్ చేశాడు. వెంటనే గౌతమ్ గంభీర్ అతడిని ఏదో అన్నాడు. ఆపై ఇద్దరూ ఒకరినొకరు దూషించుకోవడం ప్రారంభించారు. ఈ గొడవ తరువాత ఈ ఇద్దరు ఆటగాళ్లకు జరిమానా కూడా విధించారు.

అయితే ఈ గొడవకు కారణాన్ని గౌతమ్ గంభీర్ ఓ ఇంటర్వ్యూలో చెప్పాడు. తమ ఆటగాళ్లు బ్యాటింగ్‌ చేస్తున్నప్పుడు ఆర్‌సీబీ దుర్భాషలాడిందని గౌతమ్ గంభీర్ పేర్కొన్నాడు. దీని తర్వాత RCB బ్యాటింగ్ సమయంలో KKR ఆటగాళ్లు అదే పని చేశారు. విరాట్ కోహ్లీ దీనిని జీర్ణించుకోలేకపోయాడు. గౌతమ్ గంభీర్ మాట్లాడుతూ.. ‘మీరు ఎవరినైనా దుర్భాషలాడితే, వినే శక్తి మీకు కూడా ఉండాలి’ అని చెప్పాడు. మ్యాచ్ గురించి మాట్లాడితే.. ఈ మ్యాచ్‌లో RCB 8 వికెట్ల తేడాతో సునాయాసంగా గెలిచింది. కానీ ఈ లీగ్‌ తర్వాతి మ్యాచ్‌లో కోల్‌కతా బెంగళూరును ఓడించింది.

ఎవ్వరైనా సరే దుబాయ్‌ వెళితే బంగారం కొంటారు..! ఎందుకో ఎప్పుడైనా ఆలోచించారా..?

జ్ఞాపకశక్తి, కంటి చూపు మెరుగ్గా ఉండాలంటే ఈ 5 ఆహారాలు తినకూడదు..! ఎందుకో తెలుసుకోండి..?

వైట్‌ రైస్‌, బ్రౌన్‌ రైస్‌కి తేడాలేంటి..? వైట్‌రైస్‌ కంటే బ్రౌన్‌ రైస్‌ ఎందుకు మంచిది..?