Watch: ఇదో పిచ్చి ఆనందం.. పాక్‎ను కుప్పకూల్చి బంతిని రెండు ముక్కలు చేసిన ఇంగ్లాండ్ బౌలర్లు

Watch: ఇంగ్లాండ్ వేదికగా జరుగుతున్న టెస్టు సిరీస్‌లో పాకిస్థాన్ జట్టుకు తొలి రోజే ఊహించని షాక్ తగిలింది. సుదీర్ఘ కాలం తర్వాత ఇంగ్లాండ్ గడ్డపై టెస్ట్ సిరీస్ గెలవాలని భావించిన పాక్ బ్యాటర్లు మొదటి ఇన్నింగ్స్‌లో తీవ్రంగా నిరాశపరిచారు. ఇంగ్లాండ్ బౌలర్ల ధాటికి క్రీజులో నిలదొక్కుకోలేక చేతులెత్తేశారు. కనీసం 200 పరుగుల మార్కును కూడా దాటలేక కేవలం 171 పరుగులకే ఆలౌట్ అయ్యారు. ఆరంభం నుంచే క్రమం తప్పకుండా వికెట్లు కోల్పోతూ వచ్చిన పాకిస్థాన్, ఆతిథ్య జట్టు పదునైన బౌలింగ్ ఎదుట ఏమాత్రం నిలబడలేకపోయింది.

పాకిస్థాన్ ఇన్నింగ్స్‌ను దెబ్బతీయడంలో ఇంగ్లాండ్ బౌలర్లు ఒలీ రోబిన్సన్, జోష్ టంగ్ మాత్రమే కీలక పాత్ర పోషించారు. ప్రత్యర్థి జట్టులోని మొత్తం 10 వికెట్లను ఈ ఇద్దరు పేసర్లే చెరో ఐదు వికెట్లు తీసి పంచుకోవడం విశేషం. ఒలీ రోబిన్సన్ 18 ఓవర్లు బౌలింగ్ చేసి 51 పరుగులు ఇచ్చి 5 వికెట్లు పడగొట్టగా, జోష్ టంగ్ 9.1 ఓవర్లలో 46 పరుగులు ఇచ్చి 5 వికెట్లు తీశాడు. ఈ ఇద్దరు బౌలర్లు వేసిన పదునైన స్వింగ్, సీమ్ బంతులకు పాక్ బ్యాటింగ్ ఆర్డర్ తలవంచక తప్పలేదు.

View this post on Instagram

A post shared by We Are England Cricket (@englandcricket)

ఇది కూడా చదవండి: Saaniya Chandhok: సచిన్ కోడలు సానియా చందోక్‌లో ఈ టాలెంట్ ఉందా? ఏం చేసిందో తెలిస్తే వావ్ అంటారు

సాధారణంగా టెస్టుల్లో ఒక ఇన్నింగ్స్‌లో ఐదు వికెట్లు తీసిన బౌలర్ ఆ జ్ఞాపకార్థం మ్యాచ్ బంతిని ఇంటికి తీసుకెళ్లడం ఆనవాయితీ. అయితే ఈ మ్యాచ్‌లో ఇద్దరు బౌలర్లు ఐదు వికెట్ల సాధించడంతో ఆ బంతిని ఎవరు ఉంచుకోవాలనే ప్రశ్న ఎదురైంది. ఈ సమస్యకు ఒలీ రోబిన్సన్ ఒక వినూత్న పరిష్కారం ఆలోచించాడు. మ్యాచ్ ముగిసిన తర్వాత బంతిని సమానంగా రెండు ముక్కలుగా కోసి చెరో భాగం తీసుకోవాలని ప్రతిపాదించాడు. తమ అద్భుత ప్రదర్శనను నిరంతరం గుర్తుంచుకోవడానికే ఈ పనిచేసినట్లు రోబిన్సన్ వెల్లడించాడు.

ఇది కూడా చదవండి:Unwanted Records: టెస్ట్ చరిత్రలోనే పరమ చెత్త రికార్డు.. తొలి ఓవర్ తొలి బంతికే అవుటైన ముగ్గురు స్టార్ బ్యాటర్లు

పాకిస్థాన్‌ను తక్కువ పరుగులకే పరిమితం చేసిన అనంతరం మొదటి ఇన్నింగ్స్ ప్రారంభించిన ఇంగ్లాండ్ తొలి రోజు ఆట ముగిసే సమయానికి 2 వికెట్ల నష్టానికి 112 పరుగులు చేసింది. ప్రస్తుతం ఇంగ్లాండ్ జట్టు పాకిస్థాన్ మొదటి ఇన్నింగ్స్ స్కోరు కంటే 59 పరుగులు వెనుకబడి ఉంది. క్రీజులో జో రూట్ 37 పరుగులతో, జోర్డాన్ కాక్స్ 23 పరుగులతో ఆడుతున్నారు. చేతిలో ఎనిమిది వికెట్లు ఉండటంతో ఇంగ్లాండ్ ఈ మ్యాచ్‌పై పూర్తి ఆధిపత్యం సాధించే దిశగా సాగుతోంది.

ఇది కూడా చదవండి: SL vs IND 2nd Test: ఆ రూల్ ఎఫెక్ట్.. 2వ టెస్ట్ కు ముందే ఊహించని షాక్.. ఏకంగా ముగ్గురు ఔట్..!

మరిన్ని క్రికెట్‌ వార్తల కోసం ఇక్కడ క్లిక్‌ చేయండి..