PAK: వామ్మో.. ఆయన చాలా మొండోడు.. కలిసి పనిచేస్తే తలనొప్పే.. బాబర్‌పై మాజీ చీఫ్ సెలెక్టర్ విమర్శలు

పాకిస్థాన్ మాజీ చీఫ్ సెలక్టర్ మహ్మద్ వసీం వైట్ బాల్ కెప్టెన్ బాబర్ అజామ్ గురించి కీలక విషయాలు వెల్లడించాడు. అతను చాలా మొండి పట్టుదలగలవాడని, దీని కారణంగా జట్టులో ఎలాంటి మార్పులు జరగలేదంటై వాసిమ్ ఆరోపించాడు. పాకిస్థాన్ క్రికెట్ ప్రస్తుతం క్లిష్ట సమయాల్లో ఉంది. జట్టు ప్రతి ఫార్మాట్‌లో చాలా పేలవంగా తయారైంది. 2023 ODI ప్రపంచ కప్‌లో బాబర్ ఆజం సేన సెమీ-ఫైనల్‌కు చేరుకోవడంలో విఫలమైనప్పుడు ఇది ప్రారంభమైంది.

వన్డే ప్రపంచకప్ తర్వాత, టీ20 ప్రపంచకప్ 2024లో కూడా జట్టు ఓడిపోయింది. నాన్-టెస్ట్ ఆడే దేశం అమెరికాపై జట్టు ఓడిపోయింది. ఇప్పుడు బంగ్లాదేశ్‌తో టెస్టు సిరీస్‌ను కూడా కోల్పోవాల్సి వస్తోంది. PCB కూడా కొన్ని ప్రధాన మార్పులు చేసింది. జట్టు నుంచి షాహీన్ ఆఫ్రిదిని తొలగించింది.

బాబర్ మొండివాడు: వసీం

2020లో తొలిసారిగా బాబర్ పాకిస్థాన్ కెప్టెన్‌గా నియమితులయ్యాడు. అయితే ఆ తర్వాత, 2023 వన్డే ప్రపంచకప్ ఓటమిలో అతని కెప్టెన్సీపై ప్రశ్నలు తలెత్తాయి. ఓటమి తర్వాత అతడిని కెప్టెన్సీ నుంచి తప్పించి షాహీన్‌ను కెప్టెన్‌గా నియమించారు. అయితే టీ20 ప్రపంచకప్‌నకు వెళ్లకముందే మళ్లీ కెప్టెన్‌గా ఎంపికయ్యాడు. ఇంతలో, మాజీ పీసీబీ చీఫ్ సెలెక్టర్ వసీం కీలక విషయాలు తెలిపాడు. జట్టులో మార్పుల కోసం తాను బాబర్ అజామ్‌ను నిరంతరం అడిగేవాడినని, అయితే అలాంటిదేమీ జరగదని కెప్టెన్ చాలా మొండిగా చెప్పేవాడు.

ఇవి కూడా చదవండి

బ్లూ ఆధార్‌ కార్డును ఎవరికి జారీ చేస్తారు? దరఖాస్తు చేయడం ఎలా?

బ్యాంకింగ్‌ చట్టాల్లో మార్పు..నామినీల నమోదులో కేంద్రం కీలక మార్పు

ప్రపంచంలోనే అత్యంత ఎక్కువ దూరం ప్రయాణించే రైలు ఏదో తెలుసా?

మద్యం ప్రియులకు షాకింగ్‌న్యూస్‌.. పెరగనున్న బీర్ల ధరలు!

బాబర్‌ను అర్థం చేసుకోవడం తలనొప్పి లాంటిదని పీసీబీ చీఫ్ సెలక్టర్ వసీం వెల్లడించారు. అతను చాలా మొండి పట్టుదలగలవాడు. జట్టులో మార్పులు తీసుకురావడానికి నేను చాలాసార్లు పరిమితులను దాటాను. కానీ అతను మారడానికి అస్సలు అంగీకరించలేదు. కొంతమంది ఆటగాళ్లను జట్టుకు క్యాన్సర్‌గా మాజీ కోచ్ చాలాసార్లు అభివర్ణించాడని అతను వెల్లడించాడు. ఆ ఆటగాళ్లను కూడా తొలగించేందుకు ప్రయత్నించినా కెప్టెన్‌ మద్దతు లభించలేదు.

నేను ఇక్కడ ఎవరి పేరునూ తీసుకోదలచుకోలేదని, అయితే జట్టుకు క్యాన్సర్‌గా మారిన ఆటగాళ్ల పేర్లను నలుగురు కోచ్‌లు నాకు చెప్పారని వసీం చెప్పాడు. వాళ్లు జట్టులో భాగమైతే జట్టు ఎప్పటికీ గెలవదు. నేను వారిని జట్టు నుంచి తొలగించడానికి ప్రయత్నించాను. కానీ మేనేజ్‌మెంట్ వారిని వెనక్కి పిలిపించిందంటూ చెప్పుకొచ్చాడు.

ఇమాద్‌కు మోకాలి గాయం ఉందని, అయితే అతను దానిని సంవత్సరాల తరబడి దాచిపెట్టాడని వసీమ్ ఆరోపించాడు. ఆజం ఖాన్ ఫిట్‌నెస్ గురించి కూడా మాట్లాడుకున్నాం. దీంతో అతడిని జట్టు నుంచి తప్పించారు.

మరిన్ని క్రీడా వార్తల కోసం ఇక్కడ క్లిక్ చేయండి..