Video: వీడియో ఆఫ్ ది డే! రోహిత్ కొడుకును ముద్దాడిన అనుష్క శర్మ.. మళ్ళీ మళ్ళీ జరగని క్యూట్-రేర్ మూమెంట్! 

టీమిండియా కెప్టెన్ రోహిత్ శర్మ కుమారుడు అహాన్‌ను బాలీవుడ్ నటి, విరాట్ కోహ్లీ సతీమణి అనుష్క శర్మ ముద్దాడిన వీడియో ఇప్పుడు నెట్టింట వైరల్ అవుతోంది. ఐసీసీ ఛాంపియన్స్ ట్రోఫీ 2025లో భాగంగా భారత్-న్యూజిలాండ్ మ్యాచ్ సందర్భంగా ఈ ఘటన చోటు చేసుకుంది. ఈ మ్యాచ్ విరాట్ కోహ్లీకి 300వ వన్డే కావడంతో, అనుష్క ప్రత్యేకంగా హాజరైంది. అలాగే, రోహిత్ శర్మ సతీమణి రితికా సజ్దే కూడా స్టేడియంలో కనిపించింది.

మ్యాచ్ జరుగుతుండగా, అనుష్క శర్మ రితికాను పలకరించడంతో పాటు, ఆమె ఒడిలో ఉన్న అహాన్‌ను ముద్దాడింది. చిన్నారిని చూసి సంతోషపడిన అనుష్క, అతని ఆరోగ్య పరిస్థితిని తెలుసుకుంది. ప్రస్తుతం దీనికి సంబంధించిన వీడియో సామాజిక మాధ్యమాల్లో వైరల్ అవుతోంది. కోహ్లీ, రోహిత్ అభిమానులు ఈ వీడియోను “వీడియో ఆఫ్ ది డే” అంటూ షేర్ చేసుకుంటున్నారు.

ఒకప్పుడు టీమిండియా కెప్టెన్‌గా ఉన్న విరాట్ కోహ్లీ, రోహిత్ శర్మ మధ్య విభేదాలు ఉన్నట్లు తరచూ వార్తలు వచ్చేవి. మైదానంలో ఇద్దరి మధ్య సమన్వయం లోపించడం, ఒకరినొకరు సరైన రీతిలో మద్దతు ఇవ్వకపోవడం ఈ వార్తలకు బలం చేకూర్చాయి. అంతేకాకుండా, వారి భార్యలైన అనుష్క శర్మ, రితికా సజ్దేలు కూడా మంచి అనుబంధం లేకుండా ఉండటంతో ఈ వివాదాలు మరింత చర్చనీయాంశమయ్యాయి. ఆ సమయంలో అనుష్క, రితికా సోషల్ మీడియాలో ఒకరినొకరు అన్‌ఫాలో చేయడం కూడా ఈ ఊహాగానాలను పెంచింది.

రోహిత్ శర్మ కెప్టెన్సీ బాధ్యతలు చేపట్టిన తర్వాత కోహ్లీతో సంబంధాలు మెరుగుపడ్డాయి. దాంతో అనుష్క శర్మ, రితికా సజ్దేలు కూడా సన్నిహితంగా మారినట్లు తెలుస్తోంది. ప్రస్తుతానికి ఇద్దరూ స్నేహితుల్లా కలిసి కనిపించడమే కాకుండా, స్టేడియంలోనూ వారి మధ్య సాన్నిహిత్యం స్పష్టంగా కనిపిస్తోంది. గతంలో రితికా, కోహ్లీ మేనేజర్‌గా పనిచేయడం వల్ల వారిద్దరి మధ్య మంచి అనుబంధం ఏర్పడింది. అయితే అదే అనుష్కకు నచ్చలేదనే పుకార్లు కూడా వినిపించాయి.

కానీ ఇప్పుడు విరాట్-రోహిత్ స్నేహితులుగా మారడంతో పాటు, వారి సతీమణులు కూడా అనుబంధాన్ని పెంచుకోవడం అభిమానులను ఆనందానికి గురిచేస్తోంది. భారత జట్టు విజయాలతో పాటు, ఆటగాళ్ల మధ్య బంధం కూడా మరింత బలపడుతుండటాన్ని ఫ్యాన్స్ సంతోషంగా స్వాగతిస్తున్నారు. గతేడాదే రోహిత్ శర్మకు కొడుకు పుట్టిన విషయం తెలిసిందే. ఇప్పుడు అహాన్‌ను ముద్దాడిన అనుష్క వీడియో వైరల్ కావడంతో, కోహ్లీ-రోహిత్ మధ్య ఎటువంటి మనస్పర్థలు లేవనే విషయం మరోసారి స్పష్టమైంది.

Anushka Sharma and Ritika Sajdeh together and Anushka met Ahaan at Dubai stadium today. 🥹

– CUTEST VIDEO OF THE DAY. ❤️pic.twitter.com/VGEH1S6xas

— Tanuj Singh (@ImTanujSingh) March 2, 2025

మరిన్ని క్రీడా వార్తల కోసం ఇక్కడ క్లిక్ చేయండి.