అందంలో స్టార్ హీరోయిన్స్ కు ఏమాత్రం తీసిపోదు.. దోచెయ్ సినిమాలో చైతూ చెల్లెలు గుర్తుందా.?

అక్కినేని యంగ్ హీరో నాగ చైతన్య వరుస విజయాలతో దూసుకుపోతున్నాడు. సినిమా సినిమాకు వేరియేషన్స్ చూపిస్తూ తన ప్రతిభను చాటుకుంటున్నాడు చైతూ. మొన్నామధ్య తండేల్ సినిమాతో మంచి విజయాన్ని అందుకున్నాడు. చందు మొండేటి దర్శకత్వంలో వచ్చిన ఈ సినిమాలో మత్యకారుడిగా కనిపించాడు నాగ చైతన్య

Actress

Rajeev Rayala |
Updated on: Dec 21, 2025 | 11:40 PM

అక్కినేని వారసుడిగా ఇండస్ట్రీలోకి అడుగుపెట్టిన నాగచైతన్య.. తన కెరీర్‌లో ఎప్పుడూ వైవిధ్యమైన కథలకే గ్రీన్ సిగ్నల్ ఇస్తూ వచ్చాడు. విభిన్నమైన కథలను ఎంచుకుంటూ సినిమాలు చేస్తూ దూసుకుపోతున్నాడు ఈ కుర్ర హీరో. ఇటీవలే తండేల్ సినిమాతో హిట్ అందుకున్న నాగ చైతన్య ఇప్పుడు మరో ఆసక్తికర సినిమాతో ప్రేక్షకుల ముందుకు రానున్నాడు. ఇక నాగ చైతన్య నటించిన విభిన్నమైన సినిమాల్లో ‘దోచేయ్’ సినిమా ఒకటి. 2015లో విడుదలైన ఈ సినిమా.. బాక్సాఫీస్ వద్ద ఫెయిల్ అయినప్పటికీ.. చైతూను కొత్తగా చూపించింది. బాలీవుడ్ అందాల భామ కృతి సనన్ హీరోయిన్‌గా నటించిన ఈ మూవీలో చైతూకు చెల్లిగా నటించిన అమ్మాయి గుర్తుందా.? లలితా క్యారెక్టర్‌లో ఆమె నటనకుగానూ మంచి మార్కులు పడ్డాయి. మరి ఇంతకీ ఆమె ఎవరు.? ఇప్పుడేం చేస్తుందో తెలుసుకుందామా..

ఆ అమ్మాడి మరెవరో కాదు.. తనయ సచ్‌దేవా. ముంబైలో పుట్టి పెరిగిన ఈ చిన్నది.. పలు హిందీ, తెలుగు చిత్రాల్లో నటించింది. సినీ ఇండస్ట్రీకి రాకముందు మోడలింగ్ ద్వారా పలు పాపులర్ యాడ్స్‌లో నటించింది. ‘కహి సుని’ అనే టీవీ సిరీస్‌తో మంచి గుర్తింపు తెచ్చుకున్న తనయ.. హిందీలో ‘పరచేడ్’ అనే బోల్డ్ మూవీతో బీ-టౌన్‌కు పరిచయమైంది. ఆ తర్వాత తెలుగులో ‘దోచేయ్’ చిత్రంతో అరంగేట్రం చేసింది. పలు ప్రైవేటు ఆల్బమ్ సాంగ్స్‌తో పాటు ఓపీఎస్, లవ్ స్కాండల్స్ & డాక్టర్స్ లాంటి వెబ్ సిరీస్‌లలో అలరించింది ఈ ముద్దుగుమ్మ.

ఇక సోషల్ మీడియాలో తరచూ యాక్టివ్‌గా ఉండే ఈ భామ.. లేటెస్ట్ అప్‌డేట్స్, హాట్ హాట్ పోజులతో కుర్రాళ్లకు హీట్ పెంచుతోంది. హీరోయిన్ లాంటి ఈ అందాల భామ ఎందుకు పెద్దగా అవకాశాలు అందుకోలేకపోతుంది అంటూ నెటిజన్స్ ఆశ్చర్యం వ్యక్తం చేస్తున్నారు. కాగా ఈ అమ్మడు షేర్ చేసిన లేటెస్ట్ ఫోటోలు సోషల్ మీడియాలో కాక రేపుతున్నాయి. ఆ ఫోటోల పై మీరూ ఓ లుక్కేయండి.