Watch Video: వరల్డ్ రికార్డు.. ఒకే ఓవర్‌లో 43 పరుగులు, 6 సిక్సర్లు.. ప్రత్యర్ధి బౌలర్‌కు చుక్కలు.!
సాధారణంగా ఒక ఓవర్‌లో 20 పరుగులు, లేదా 30 పరుగులు రాబట్టడం మనం చూసే ఉంటాం. మహా అయితే 6 బంతులు 6 సిక్సర్లు...
సాధారణంగా ఒక ఓవర్‌లో 20 పరుగులు, లేదా 30 పరుగులు రాబట్టడం మనం చూసే ఉంటాం. మహా అయితే 6 బంతులు 6 సిక్సర్లు కొట్టి 36 పరుగులు రాబట్టిన బ్యాటర్లు ఉన్నారు. కానీ మీరెప్పుడైనా ఒకే ఓవర్‌లో 43 పరుగులు వచ్చిన మ్యాచ్‌ను చూశారా.? ఆ ఓవర్‌లో బ్యాటర్లు సిక్సర్ల వర్షం కురిపించారు. తద్వారా ప్రపంచ రికార్డు నెలకొల్పారు. లిస్ట్-ఏ-క్రికెట్‌లో ఈ ఫీట్ 2018లో సరిగ్గా ఇదే రోజున నమోదైంది. దేశవాళీ టోర్నీలో న్యూజిలాండ్‌కు చెందిన జో కార్టర్, బ్రెట్ హాంప్టన్ ఈ అద్భుతాన్ని సృష్టించారు. ఆ మ్యాచ్ విశేషాలేంటో ఇప్పుడు చూసేద్దాం..
న్యూజిలాండ్ దేశవాళీ టోర్నీ ఫోర్డ్ ట్రోఫీలో సెంట్రల్ డిస్ట్రిక్ట్స్‌తో జరిగిన మ్యాచ్‌లో జో కార్టర్, బ్రెట్ హాంప్టన్‌లు కలిసి ఒకే ఓవర్‌లో 43 పరుగులు రాబట్టారు. వీరి విధ్వంసానికి బలైన బౌలర్ విలియం లుడిక్. మొత్తం 8 బంతులు వేసిన లుడిక్ 6 సిక్సర్లు, ఓ ఫోర్ సమర్పించాడు. ఈ మ్యాచ్‌లో నార్తన్ డిస్ట్రిక్ట్స్ మొదట బ్యాటింగ్ దిగినప్పటికీ.. తొలి 5 వికెట్లు 95 పరుగులకే కోల్పోయింది. అయితే ఆరో నెంబర్‌లో బ్యాటింగ్‌కు వచ్చిన జో కార్టర్, ఏదో నెంబర్‌లో వచ్చిన బ్రెట్ హాంప్టన్ మ్యాచ్ స్వరూపాన్ని పూర్తిగా మార్చేశారు. కార్టర్ 77 బంతుల్లో 4 ఫోర్లు, 8 సిక్సర్లతో 102 పరుగులు చేయగా.. హాంప్టన్ 66 బంతుల్లో 5 ఫోర్లు, 6 సిక్సర్లతో 95 పరుగులు చేశాడు. వీరిద్దరూ బ్యాటింగ్ చేస్తున్న సమయంలో.. లుడిక్ తన కోటాలో చివరి ఓవర్ వేయడానికి 46వ ఓవర్‌లో రాగా.. కార్టర్, హాంప్టన్‌లు చిన్న సైజ్ విధ్వంసం సృష్టించారు.
ఆ ఓవర్ సాగిందిలా…
1st Ball – 4 Runs
2nd Ball – 6 Runs(No Ball)
2nd Ball – 6 Runs(No Ball)
2nd Ball – 6 Runs
3rd Ball – 1 Run
4th Ball – 6 Runs
5th Ball – 6 Runs
6th Ball – 6 Runs
4, 6+nb, 6+nb, 6, 1, 6, 6, 6 43-run over ✔️ List A world record ✔️ Congratulations Joe Carter and Brett Hampton!#ndtogether #cricketnation pic.twitter.com/Kw1xgdP2Lg
— Northern Districts (@ndcricket) November 7, 2018
దీనితో విలియం లుడిక్ తన కోటా 10 ఓవర్లలో ఏకంగా 85 పరుగులు ఇచ్చి ఒక వికెట్ తీశాడు. అలాగే ఒక ఓవర్‌లో 43 పరుగుల ఇచ్చి బంగ్లాదేశ్ బౌలర్ అల్లావుద్దీన్ బాబు(2013-14 సీజన్‌లో 39 పరుగులు) లిస్టు-ఏ క్రికెట్‌లో నెలకొల్పిన రికార్డును బద్దలు కొట్టాడు. ఇక ఈ మ్యాచ్‌లో సెంట్రల్ డిస్ట్రిక్ట్స్ జట్టు 25 పరుగుల తేడాతో ఓటమిపాలైంది.
జో కార్టర్, బ్రెట్ హాంప్టన్‌ల విధ్వంసంతో నార్తర్న్ జట్టు నిర్ణీత ఓవర్లలో ఏడు వికెట్లకు 313 పరుగులు చేసింది. ఇక ఈ టార్గెట్‌ను చేధించే క్రమంలో సెంట్రల్ జట్టు ధీటుగా బ్యాటింగ్ చేసింది. డీన్ ఫాక్స్‌క్రాఫ్ట్ అజేయంగా 120 పరుగులు చేసినా.. మిగిలిన బ్యాటర్లు అతడికి సహకారం అందించకపోవడంతో నిర్ణీత ఓవర్లకు సెంట్రల్ జట్టు తొమ్మిది వికెట్లకు 288 పరుగులు మాత్రమే చేయగలిగింది. తద్వారా 25 పరుగుల తేడాతో ఓటమిపాలైంది.
Also Read:
Dead man’s fingers: భూమి లోంచీ బయటికొచ్చిన చేతి వేళ్లు.. భయంతో వణికిపోయిన జనం.. వీడియో
Viral Video: ఇక్కడ అడుగు పెడితే వందేళ్లు వెనక్కి తీసుకెళ్తుంది.. వీడియో
Viral Video: సిటీ జీవనం నచ్చక కుటుంబంతో సహా అడవిబాట.. కేవలం అదే తింటూ..! వీడియో
Zodiac Signs: ఈ 3 రాశులవారు ఎలప్పుడూ బిజినెస్ మైండెడ్.! అందులో మీరున్నారా..
తల్లి జీబ్రా సాహసం.. సింహాన్ని వెనుక కాళ్లతో తన్నుతూ.. వీడియో చూస్తే ఆశ్చర్యపోతారు.!
