దీపక్ చాహర్‌కి కరోనా.. వైరల్ అవుతోన్న పాత సంభాషణ

చెన్నై సూపర్‌కింగ్స్‌ జట్టులో మొత్తం 13 మందికి కరోనా పాజిటివ్‌గా నిర్ధారణ అయిన విషయం తెలిసిందే. అందులో క్రికెటర్ దీపక్ చాహర్ ఒకరు.

TV9 Telugu Digital Desk | Edited By: |
Updated on: Aug 30, 2020 | 3:07 PM

Deepak Chahar’s old chat: చెన్నై సూపర్‌కింగ్స్‌ జట్టులో మొత్తం 13 మందికి కరోనా పాజిటివ్‌గా నిర్ధారణ అయిన విషయం తెలిసిందే. అందులో క్రికెటర్ దీపక్ చాహర్ ఒకరు. దీంతో చెన్నై టీమ్ మొత్తం బలవంతంగా క్వారంటైన్‌లోకి వెళ్లాల్సి వచ్చింది. అంతేకాదు ఐపీఎల్‌ షెడ్యూల్‌ను బీసీసీఐ హోల్డ్‌లో ఉంచింది. ఈ నేపథ్యంలో దీపక్, రాహుల్ చాహర్ మధ్య రెండు వారాల క్రితం జరిగిన ఓ సంభాషణ వైరల్‌గా మారింది.

ఆగష్టు 14న చెన్నైలో ప్రీ సీజన్ ట్రైనింగ్ క్యాంప్‌లో భాగంగా కొన్ని ఫొటోలను తీసుకున్న దీపక్‌, వాటిని సోషల్ మీడియాలో షేర్ చేశారు. అందులో చాహర్‌తో పాటు ఎంఎస్ ధోని, సురేష్ రైనా, కరణ్ శర్మ, పియూష్ చావ్లా తదితరులు ఉన్నారు. వారందరూ మాస్క్‌ పెట్టుకోకపోవడంతో పాటు సోషల్ డిస్టేన్స్ కూడా పాటించలేదు. ఇక ఈ ఫొటోకు దీపక్ సోదరుడు రాహుల్‌(ప్రస్తుతం ముంబయి ఇండియన్స్‌ టీమ్‌లో ఉన్నాడు).. ”నీ మాస్క్ ఎక్కడుంది బ్రదర్‌. భౌతిక దూరం ఎక్కడ..?” అని కామెంట్ పెట్టారు. దానికి దీపక్ స్పందిస్తూ.. ”మా అందరికీ రెండు సార్లు జరిపిన పరీక్షల్లో నెగిటివ్‌గా తేలింది. కుటుంబంతో ఉన్నప్పుడు మేము మాస్క్ ధరించం” అని కామెంట్ పెట్టారు. ఇక ఈ కన్వర్జేషన్ ఇప్పుడు వైరల్‌గా మారగా.. నెగిటివ్ వచ్చినా కరోనా బారిన పడకుండా ఉండేందుకు కోవిడ్ నిబంధనలను పాటించడం ఉత్తమమని పలువురు అభిప్రాయపడుతున్నారు.