శ్రీవారి భక్తులకు ముఖ్య గమనిక..17న వీఐపీ బ్రేక్‌ దర్శనాల రద్దు

తిరుమల శ్రీవారి భక్తులకు ముఖ్య గమనిక..! ఈ నెల 17న స్వామివారి దర్శనానికి వచ్చే వీఐపీలు ఈ విషయం తప్పక దృష్టిలో ఉంచుకోవాలని టీటీడీ పేర్కొంది. తిరుమల శ్రీవారి ఆలయంలో ఈ నెల 17న సాలకట్ల ఆణివార ఆస్థానం నిర్వహిస్తున్నారు. కాబట్టి, ఆ రోజున వీఐపీ బ్రేక్‌ దర్శనాలు రద్దుచేసినట్లు టీటీడీ ప్రకటించింది. అలాగే, ఈ నెల 16న ఎటువంటి వీఐపీ సిఫారసు లేఖలు అనుమతించబోమని టీటీడీ పేర్కొంది. అలాగే పలు సేవల్ని కూడా రద్దు చేశారు. భక్తులు ఈ విషయాన్ని గమనించాలని టీటీడీ కోరింది. శ్రీవారి సాలకట్ల ఆణివార ఆస్థానం ఉత్సవానికి ప్రత్యేక విశిష్ఠత ఉంది. ఆ రోజున శ్రీవారి మూలవిరాట్టుకు ప్రత్యేకపూజలు నిర్వహిస్తారు. ప్రత్యేకించిన ప్రసాదాలు నివేదిస్తారు.