బద్రినాథ్ యాత్ర సన్నాహాలు పూర్తి.. ఈ నెల 12 నుంచి ప్రారంభం.. రోజుకి పరిమిత సంఖ్యలో అనుమతి..

హిందువులు అంతా ఎంతో భక్తితో ఎదురు చూసే ఛార్ ధామ్ యాత్ర మొదలు కావడానికి కొన్ని రోజులు మాత్రమే ఉన్నాయి. మరో 8 రోజుల్లో ఈ పవిత్ర యాత్ర అంటే ఈ నెల 10 వ తేదీ నుంచి ప్రారంభంకానుంది. దీంతో భక్తుల్లో విపరీతమైన ఉత్సాహం నెలకొంది. దీంతో పాటు మే 12 నుంచి బద్రీనాథ్ ధామ్ యాత్ర ప్రారంభం కానుండడంతో యాత్రికుల సౌకర్యార్థం ఏర్పాట్లు ముమ్మరంగా సాగుతున్నాయి. ప్రాథమిక ఏర్పాట్లను మెరుగుపరచడంతో పాటు భక్తుల సౌకర్యార్థం కొత్త ఆస్తా పథాన్ని కూడా నిర్మించారు.

చార్ ధామ్ యాత్రకు సన్నాహాలు పూర్తి

భక్తుల సౌకర్యార్ధం ఈ యాత్ర ప్రయాణానికి సంబంధించిన అన్ని ఫార్మాలిటీలను పరిపాలన యంత్రాంగం పూర్తి చేసింది. గత సంవత్సరం వరకు చార్ ధామ్ యాత్ర సమయంలో, హెలి సేవ కేదార్‌నాథ్, హేమకుండ్‌లకు మాత్రమే అందుబాటులో ఉంది. అయితే ఈ ఏడాది నుంచి భక్తులు హెలికాప్టర్ ద్వారా కూడా బద్రీనాథ్ చేరుకోవచ్చు. కేదార్‌నాథ్, గంగోత్రి , యమునోత్రి తలుపులు మే 10న తెరుచుకోనుండగా, బద్రీనాథ్ తలుపులు మే 12న తెరుచుకోనున్నాయి.

యాత్రికులు కొత్త విశ్వాస మార్గం ద్వార ప్రయాణం

ఈ ఏడాది బద్రీనాథ్ ధామ్ యాత్రకు సంబంధించిన మాస్టర్ ప్లాన్ పనులు శరవేగంగా జరుగుతున్నాయి. ప్రయాణానికి సంబంధించి ఆస్తా మార్గంలో కూడా కొన్ని మార్పులు చేశారు. బద్రీనాథ్ ధామ్‌కు వెళ్లే పాత ఆస్తా మార్గం కూలిపోవడంతో యాత్రికుల సౌకర్యార్థం సాకేత్ తిరాహే నుంచి అలకనంద ఒడ్డు మీదుగా దాదాపు 100 మీటర్ల కొత్త రహదారిని నిర్మిస్తున్నారు. ఈ మార్గాన్ని నగర పంచాయతీ బద్రీనాథ్ ఖరారు చేస్తున్నారు. అదే సమయంలో బమని గ్రామం నుంచి బద్రీనాథ్ ధామ్‌కు వెళ్లేందుకు దాదాపు 300 మీటర్ల కొత్త రహదారిని నిర్మిస్తున్నారు. రివర్ ఫ్రంట్ పనుల కారణంగా పాత మార్గం ధ్వంసమైంది.

ఇవి కూడా చదవండి

రేపు చంద్రుడిపైకి పాకిస్థాన్ మూన్ మిషన్.. చైనాతో కలిసి ప్రయోగం..

తెలుగు రాష్ట్రాల్లో పెరగనున్న ఎండ తీవ్రత, వడగాల్పులు..

సూర్యాస్తమయం వేళ పొరపాటున కూడా ఈ పనులు చేయకండి..

ప్రతి ఏడాది కార్తీక పున్నమి రోజున పెరిగే శివలింగం..

బద్రీనాథ్ ధామ్ కాంప్లెక్స్ చుట్టూ హోటళ్లు, ధర్మశాల, నివాస గృహాలు ఉన్నాయి. వీటిని ఇప్పుడు తొలగించారు. సాకేత్ తిరహా నుంచి కొత్త రోడ్డు నిర్మాణ పనులు చివరి దశలో ఉన్నాయి. అదే సమయంలో బద్రీనాథ్ ధామ్ యాత్రకు సన్నాహాలు జోరుగా సాగుతున్నాయి. అధికార యంత్రాంగం ఏర్పాట్లు చేస్తుండగా ఆలయ అలంకరణ, శుభ్రత తదితర పనులను బీకేటీసీ ప్రారంభించారు.

19 లక్షల మంది భక్తులు నమోదు చేసుకున్నారు

ఉత్తరాఖండ్‌లో ఇప్పటివరకు 19 లక్షల మందికి పైగా చార్ ధామ్ యాత్ర కోసం రిజిస్టర్ చేసుకున్నారు. గతేడాది 55 లక్షల మంది చార్ ధామ్‌ సందర్శనకు నమోదు చేసుకున్నారు. దీనిని దృష్టిలో ఉంచుకుని ఉత్తరాఖండ్ పోలీసులు, పర్యాటక శాఖ మొదటిసారిగా చార్ ధామ్ యాత్రలో రోజువారీ భక్తుల సంఖ్యను పరిమితం చేసింది. ఈ మేరకు ఏర్పాట్లు చకచకా చేస్తున్నారు.

రోజుకి పరిమితలో సందర్శన యాత్రికుల సంఖ్య

సమాచారం ప్రకారం ఒక రోజులో 15 వేల మంది యాత్రికులు కేదార్‌నాథ్ ధామ్‌ను, 16 వేల మంది బద్రీనాథ్ ధామ్‌ను, 9 వేల మంది యాత్రికులు యమునోత్రిని, 11 వేల మంది యాత్రికులు గంగోత్రిని సందర్శించగలుగుతారు. ఒక రోజు అంటే రోజుకు 51 వేల మంది చార్ ధామ్‌ను సందర్శించే అవకాశం ఉంటుంది. గతేడాది ఒక్కరోజే 60 వేల మందికి పైగా యాత్రికులు దర్శనానికి వచ్చారు.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..