Astrology: విదేశీ యోగం ఎవరికి, ఎలా వస్తుందో తెలుసా?

చాలా మంది విదేశాలకు వెళ్లేందుకు ప్రయత్నిస్తుంటారు. కానీ, వారు ఎన్ని ప్రయత్నాలు చేసినా కుదరదు. అయితే, కొందరు మాత్రం ఎలాంటి ఆలోచనలు లేకపోయినప్పటికీ అన్నీ కలిసి వచ్చి వారు విదేశాలకు వెళుతుంటారు. జ్యోతిష్య శాస్త్రం ప్రకారం.. ఇవన్నీ గ్రహాల ప్రభావంతో జరుగుతుంటాయని చెబుతారు. ఆయా గ్రహాల కదలికలు, యోగాల ప్రభావంతో విదేశీయాణం ఆదరపడి ఉంటుందంటున్నారు.

విదేశీ యోగం ఎవరికి? ఎప్పుడు?

రాహువు వ్యయంలో ఉన్నప్పుడు, బందనయోగం ఏర్పడి, శుభగ్రహ దృష్టి ఉంటే.. వ్యక్తి తన కుటుంబాన్ని వదలి, దూర ప్రాంతాలా లేదా విదేశాలకు వెళ్లే అవకాశాలు ఎక్కువగా ఉంటాయి. అష్టమ, నవమాధిపతుల యుతి ఉన్నా, విదేశీ యాత్ర జరుగుతుంది. చతుర్థభావంలో పాపగ్రహం ఉన్నా, చతుర్ధాధిపతి పాపగ్రహ యుతి కలిగి, చంద్రుడు కూడా పాపగ్రహంతో కలిసి ఉన్నప్పుడు, చదువు కోసం లేదా వ్యక్తిగత కారణాలతో విదేశీ యాత్ర సాధారణంగా జరుగుతుంది.

దశమాధిపతికి లేదా షష్టమాధిపతికి సంబంధం ఉన్నా, లేదా దశమభావంపై షష్టమాధిపతి ప్రభావం ఉన్నా, ఆ వ్యక్తి విదేశాలలో ఉద్యోగం చేసే అవకాశాలు ఎక్కువ. వ్యయాధిపతి వ్యయంలో లేదా కోణంలో ఉన్నా, ధనార్జన కోసం కూడా వ్యక్తి విదేశాలకు వెళ్ళే అవకాశం ఉంటుంది.

వివాహ సంబంధాలు:

సప్తమభావాధిపతి, లగ్నాధిపతి, ద్వాదశభావంలోని సంబంధాలు ఉంటే, వ్యక్తి విదేశాలలో వివాహం చేసుకోవడం సాధ్యమే. సప్తమాధిపతికి, దశమాధిపతికి సంబంధం ఉన్నా, వీరు విదేశాలలో ఉద్యోగం చేసే అవకాశాలు కూడా ఉంటాయి.

వ్యాపార, విద్యా ప్రయాణాలు:

నవమస్ధానంపై లేదా నవమాధిపతిపై శని ప్రభావం ఉంటే, వ్యాపార నిమిత్తం విదేశీ యాత్ర సాధారణం. గూరువు ప్రభావం ఉంటే, విద్య కోసం లేదా దేవాలయ దర్శనం కోసం విదేశాలకు వెళ్లే అవకాశాలు ఎక్కువ.

ఆధ్యాత్మిక ప్రయాణాలు:

నవమస్ధానంలో గురూ, శని సంబంధం ఉంటే, స్వాములు, అవధూతులు, మత ప్రచారకులు, ఆధ్యాత్మిక కార్యకలాపాల కోసం విదేశీ యాత్ర చేస్తారు.

ధనార్జన కోసం విదేశీ యాత్ర:

చరలగ్నం, లగ్నాధిపతి, నవాంశం చరలగ్నంలో ఉంటే, ఆ జాతకుడు విదేశీ యాత్రల ద్వారా ధనార్జన చేస్తారు. నవమస్ధానంలో శుక్రుడు, గురువు, బుధుడు, శని ఉంటే, ఆ వ్యక్తి విదేశాలలో పెద్ద స్థిర నివాసం ఏర్పరచి, అశేషమైన ధన సంపాదన సాధిస్తారు.

అయితే, విదేశీయాత్ర, ధనార్జన, ఉద్యోగం, వివాహం, ఆధ్యాత్మిక కార్యకలాపాల వంటి ఫలితాలు గ్రహాల, నక్షత్రాల, రాశుల కదలికల‌పై ఆధారపడి ఉంటాయి. కానీ, కుటుంబ పరిస్థితులు, ఆర్థిక స్థితులు, పూర్వపుణ్య బలం లేకుంటే మాత్రమే, గ్రహాలు, నక్షత్రాలు పూర్తిగా సహాయపడవు. దైవ అనుగ్రహం, సానుకూల ఫలితాలు కూడా అవసరం.

Note: ఈ వార్తలోని సమాచారం మత విశ్వాసాలు, జ్యోతిష్యశాస్త్రంపై ఆధారపడి ఉంది. దీనిని TV9 ధృవీకరించదు.