Aja Ekadashi 2024: ఆర్ధిక ఇబ్బందులా, అప్పులు తీరాలా అజ ఏకాదశి రోజున ఇలా పూజించండి..

హిందూ మతంలో అజ ఏకాదశి ఉపవాసానికి చాలా ప్రాముఖ్యత ఉంది. ఈ ఏకాదశి రోజున అరుదైన యాదృచ్ఛికాలు సంభవించినప్పుడు, దాని ప్రాముఖ్యత మరింత పెరుగుతుంది. ఈ యాదృచ్చిక సమయంలో చేసే పూజలు, వ్రతాలు విశేష ఫలితాలను ఇస్తుందని నమ్మకం. అజ ఏకాదశి రోజున గ్రహాలు, నక్షత్రాలు, రాశులు ప్రత్యేక కలయికలు తరచుగా జరుగుతాయి. ఈ సమయం దైవ పూజకు అనువైన సమయంగా పరిగణించబదుతుంది. ఈ యాదృచ్ఛిక సంఘటనలు ప్రజల జీవితంపై ప్రభావాన్ని పెంచుతాయి. కొన్ని సాధారణ కలయికలలో సిద్ధి యోగం, రవి యోగంతో పాటు శుభ రాశులు ఉన్నాయి.

పంచాంగం ప్రకారం శ్రావణ మాసంలోని కృష్ణ పక్ష ఏకాదశి తిధి ఆగస్టు 29న ఉదయం 01:19 గంటలకు ప్రారంభమై ఆగస్టు 30న ఉదయం 01:37 గంటలకు ముగుస్తుంది. ఉదయతిథి ప్రకారం, అజ ఏకాదశి వ్రతం ఆగస్టు 29వ తేదీ గురువారం నాడు ఆచరించాలి. ఈ ఏడాది ఏకాదశి విశేషమేమిటంటే అజ ఏకాదశి రోజున 3 మంగళకరమైన యాదృచ్ఛికాలు ఏర్పడుతున్నాయి.

ఈ యాదృచ్ఛిక సమయంలో చేయాల్సిన పూజ

మొదటి యాదృచ్ఛికం ఏమిటంటే విష్ణువు అజ ఏకాదశి ఉపవాసం గురువారం రోజు వచ్చింది. పురాణ గ్రంధాల ప్రకారం గురువారం విష్ణువు ఆరాధనకు, ఉపవాసానికి విశిష్టమైన రోజుగా పరిగణించబడుతుంది. రెండవ యాదృచ్ఛికం అజ ఏకాదశి తిధి రోజున సర్వార్థ సిద్ధి యోగం ఏర్పడుతోంది. ఈ యోగ సమయం ఆగస్టు 29న సాయంత్రం 4:39 గంటలకు ప్రారంభమై ఆగస్టు 30వ తేదీ ఉదయం 5:58 గంటలకు ముగుస్తుంది. మూడవ యాదృచ్ఛికం ఏమిటంటే ఉపవాసం రోజున ఉదయం సిద్ధి యోగం ఏర్పడుతుంది. ఇది సాయంత్రం 6:18 వరకు ఉంటుంది. అంటే ఈ యాదృచ్ఛికాలలో పూజించిన భక్తులు శ్రీ మహా విష్ణువు విశేష అనుగ్రహాన్ని పొందుతారు.

అజ ఏకాదశి పూజా విధానం

1. అజ ఏకాదశి నాడు ఉదయాన్నే బ్రహ్మ ముహూర్తంలో స్నానం చేసి శుభ్రమైన బట్టలు ధరించాలి.
2. ఉదయాన్నే సూర్య నారాయణుడిని ధ్యానించి, రాగి పాత్రలోని నీటిని అర్ఘ్యంగా సూర్యనారాయణకు సమర్పించండి.
3. అజ ఏకాదశి రోజున శ్రీ హరి విష్ణువు, లక్ష్మిదేవి విగ్రహాన్ని ఒక పీటంపై ప్రతిష్టించండి.
4. శ్రీ హరి విష్ణువు, లక్ష్మిదేవిని పూజించండి. పసుపు పువ్వులు, పసుపు బట్టలు, పసుపు పండ్లు, పసుపు మిఠాయిలను సమర్పించండి.
5. అనంతరం ధూపం లేదా అగరుబత్తీలు వెలిగించి హారతి ఇవ్వండి. అనంతరం ఏకాదశి వ్రత కథను చదవండి.
6. చివరగా శ్రీ మహా విష్ణువుకు సమర్పించిన నైవేద్యాన్ని తర్వాత ప్రజలకు ప్రసాదంగా పంచిపెట్టి దానిని తర్వాత కుటుంబ సభ్యులు సేవించండి.
7. పూజ ముగిసిన తరువాత పేదలకు, ఆపన్నులకు ధన, ధాన్యం, వస్త్రాలు, పండ్లు మొదలైన వాటిని దానం చేయవచ్చు.

అజ ఏకాదశి ఉపవాసం విరమణ సమయం

ఎవరైనా అజ ఏకాదశి వ్రతాన్ని పాటించినట్లయితే ఆగస్ట్ 30వ తేదీ శుక్రవారం ఉపవాసాన్ని విరమించాల్సి ఉంటుంది. ఈ రోజు ఉదయం 7.49 నుండి 8.31 గంటల వరకు పారణ చేయవచ్చు. శుభ సమయంలో ఏకాదశి వ్రతాన్ని విరమించిన తర్వాత మాత్రమే ఉపవాసం సంపూర్ణంగా పరిగణించబడుతుంది. వ్రతం పూర్తి చేసిన తర్వాత మాత్రమే పూర్తి ఫలితాలు పొందుతారు. భగవంతుని అనుగ్రహం లభిస్తుంది.

అజ ఏకాదశి ప్రాముఖ్యత

సనాతన ధర్మం ఆచారాల ప్రకారం అజ ఏకాదశి వ్రతాన్ని ఆచరించిన వ్యక్తికి పేదరికం ఖచ్చితంగా తొలగిపోతుందని నమ్ముతారు. ఇంటికి ఆనందం, శ్రేయస్సు వస్తాయి. ఆర్థిక సంక్షోభం లేదా అప్పుల భారం ఉన్నవారు అజ ఏకాదశి వ్రతాన్ని ఆచరించాలి. శ్రీ హరి అనుగ్రహం వల్ల మనిషికి ఆర్థిక సంక్షోభం నుండి విముక్తి లభిస్తుంది. అజ ఏకాదశి రోజున ఉపవాసం ఉండటం వల్ల పిల్లలు సంతోషంగా ఉంటారు, కష్టాలు తొలగిపోతాయి. ఆచారాల ప్రకారం విష్ణుమూర్తిని పూజించడం వల్ల పాపాలు నశించి, మరణానంతరం స్వర్గప్రాప్తి కలుగుతుంది.

మరిన్ని ఆధ్యాత్మిక వార్తల  కోసం ఇక్కడ క్లిక్ చేయండ్

గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు