చంద్రబాబుపై ఫిర్యాదును స్వీకరించిన టీఎస్ పోలీసులు

తెలంగాణ రాష్ట్ర ప్రతిష్టకు, ఇక్కడి ప్రజల మనోభావాలకు భంగం కలిగేలా ఏపీ సీఎం చంద్రబాబు నాయుడు మాట్లాడినందుకు ఆయనపై చర్యలు తీసుకోవాలంటూ వచ్చిన ఫిర్యాదును హైదరాబాద్ ఎస్సార్ నగర్ పోలీసులు స్వీకరించారు. టీఆర్ఎస్ నేత దినేష్ చౌదరి శుక్రవారం స్టేషన్‌కు వచ్చి ఈ మేరకు ఫిర్యాదు ఇవ్వగా.. దానిని స్వీకరించిన పోలీసులు న్యాయ సలహాలతో పాటు ఉన్నతాధికారుల ఆదేశాల మేరకు చర్యలు తీసుకుంటామని, కేసును విచారిస్తామని వెల్లడించారు. కాగా డేటా చోరి వ్యవహారంలో తెలుగు రాష్ట్రాల నేతల మధ్య మాటల యుద్ధం కొనసాగుతోంది. ఈ క్రమంలో అటు ఏపీలో కేసీఆర్‌పై టీడీపీ నేతలు, ఇటు టీఎస్‌లో చంద్రబాబుపై టీఆర్ఎస్ నేతలు కేసులు పెట్టారు.