Pawan Kalyan: ప్రజల నాయకుడు వి. హనుమంతరావు : జనసేన అధినేత పవన్ కళ్యాణ్

Pawan Kalyan – VH: ప్రజల నాయకుడు వి. హనుమంతరావు అని జనసేన అధినేత పవన్ కళ్యాణ్ అన్నారు. ఆయనకు భగవంతుడు సంపూర్ణ ఆరోగ్యం ప్రసాదించాలని కోరుకున్నారు. అనారోగ్యంతో అపోలో ఆస్పత్రిలో చికిత్స పొందుతున్న సీనియర్ రాజకీయవేత్త, తెలంగాణ కాంగ్రెస్ నేత వి. హనుమంతరావు ఆరోగ్యం పట్ల జనసేనాని ఇవాళ ప్రత్యేక ప్రకటనలో భగవంతుడ్ని ప్రార్థిస్తున్నట్టు చెప్పారు. ఆ ప్రకటనలో విహెచ్ గొప్పతనాన్ని కొనియాడారు. వి హనుమంతరావు సంపూర్ణంగా కోలుకొని త్వరలోనే ప్రజాసేవకు ఆయన పునరంకితం కావాలని మనస్ఫూర్తిగా కోరుకుంటున్నానని పవన్ ఈ సందర్భంగా ఆకాంక్షించారు.

కాంగ్రెస్ పార్టీలో నేను ఇష్టపడే రాజకీయ నాయకుల్లో వి. హనుమంతురావు గారు ముఖ్యులు.. అంటూ చెప్పుకొచ్చిన పవన్.. ప్రజా సమస్యలపై పోరాటం చేయడంలోను, ప్రజా వాణిని బలంగా వినిపించడంలోనూ విహెచ్ శైలి ప్రత్యేకమన్నారు. ఆయన సంపూర్ణమైన ఆయురారోగ్యాలతో రాజకీయ సేవ చేయాలని నా తరఫున, జనసేన తరపున ఆ భగవంతుడిని మనస్ఫూర్తిగా కోరుకుంటున్నాను అని పవన్ అన్నారు.

Pawan On VH

Read also: YS Sharmila: ఇక, ప్రతి మంగళవారం వైయస్ఆర్‌టీపీ అధ్యక్షురాలు షర్మిల దీక్ష..! ఎందుకోసం..?