Smart watches: స్మార్ట్ వాచ్ కొనడానికి ఇదే సమయం.. అమెజాన్‌లో 75 శాతం డిస్కౌంట్
మణికట్టుపై స్మార్ట్ వాచ్ ధరించడం నేటి లేటెస్ట్ ఫ్యాషన్. ముఖ్యంగా యువత ఈ ట్రెండ్ ను బాగా ఫాలో అవుతున్నారు. యువతకే కాదండోయ్ పెద్దలకు కూడా ఈ వాచ్ లు ఎంతో ఉపయోగపడతాయి. కేవలం సమయాన్ని తెలుసుకోవడమే కాకుండా ఆరోగ్య పర్యవేక్షణకు కీలకంగా ఉన్నాయి. వీటిలోని అనేక స్మార్ట్ ఫీచర్లతో గుండె స్పందన రేటు, నిద్ర, బీపీ, ఈసీజీ తదితర వాటిని చూసుకోవచ్చు. అమెజాన్ సమ్మర్ సేల్ 2025లో అతి తక్కువ ధరకే ప్రముఖ బ్రాండ్ల స్మార్ట్ వాచ్ లను విక్రయిస్తున్నారు. అయితే ఈ సేల్ ముగింపు దశకు చేరుకుంది. కాబట్టి స్మార్ట్ వాచ్ లను కొనుగోలు చేయాలనుకునేవారికి ఇదే మంచి సమయం. ఈ నేపథ్యంలో అమెజాన్ లో దాదాపు 75 శాతం డిస్కౌంట్ పై అందుబాటులో ఉన్న ఫాసిల్, సామ్సంగ్, అమేజ్ ఫిట్, ఫైర్ బోల్డ్, బోఆట్ వాచ్ ల ప్రత్యేకతలు, ధర వివరాలను తెలుసుకుందాం.
అమెజ్ ఫిట్ బ్యాలెన్స్ స్మార్ట్ వాచ్ లో 1.5 అంగుళాల అమోలెడ్ డిస్ ప్లే బాగుంది. మంచి బ్రైట్ నెస్ తో విజువల్ చక్కగా కనిపిస్తాయి. ఒక్కసారి చార్జింగ్ చేస్తే సుమారు 14 రోజుల పాటు పనిచేస్తుంది. గుండె స్పందన రేటు, ఒత్తిడి, నిద్ర తదితర వాటిని పర్యవేక్షిస్తుంది. బ్లూటూత్ కాలింగ్, అంతర్నిర్మిత మ్యూజిక్ స్టోరేజీ, అలెక్సా వాయిస్ అసిస్టెంట్, జీపీఎస్ ట్రాకింగ్ తదితర ఫీచర్లు ఆకట్టుకుంటున్నాయి. అమెజాన్ సమ్మర్ సేల్ లో 52 శాతం తగ్గింపుపై రూ.14,999కి ఈ వాచ్ అందుబాటులో ఉంది.
1 / 5
బోట్ లూనార్ డిస్కవరీ స్మార్ట్ వాచ్ సుమారు 84 శాతం తగ్గింపుతో రూ.1,299 ధరకు అమెజాన్ లో అందుబాటులో ఉంది. పురుషులతో పాటు మహిళలకూ ఈ వాచ్ చక్కగా సరిపోతుంది. దీనిలో 1.39 అంగుళాల హెచ్ డీ డిస్ ప్లే, డీఐవై వాచ్ ఫేస్, బోట్ కాయిన్స్, వెల్నెస్ క్రూ, ఏడు రోజుల బ్యాటరీ సామర్థ్యం, మ్యాప్ మై ఇండియా ద్వారా నావిగేషన్, ఐపీ 67 రేటింగ్ తదితర ఫీచర్లు ఉన్నాయి. క్యూఆర్ కోడ్ యాక్సెస్ అదనపు ప్రత్యేకత. సమయాన్ని చూసుకోవడంతో పాటు అన్ని రకాల పనులకు ఎంతో ఉపయోగపడుతుంది.
2 / 5
అత్యుత్తమ ఫీచర్లతో ఆకట్టుకుంటున్న స్మార్ట్ వాచ్ లలో ఫైర్ బోల్ట్ ఫీనిక్స్ ప్రో ఒకటి. జాగింగ్ చేస్తున్నా, ప్రయాణంలో ఉన్నా కాల్స్ చక్కగా చేసుకోవచ్చు. చేతికి అందాన్నివ్వడంతో పాటు మీ రోజువారీ పనులకు సహాయ పడుతుంది. దీనిలో 1.39 అంగుళాల టీఎఫ్టీ టచ్ స్కీన్, మన్నికైన మెటల్, 7 రోజుల బ్యాటరీ లైఫ్, గుండె స్పందన, నిద్ర రేటు పర్యవేక్షణ, బ్లూటూత్ కాలింగ్, వాయిస్ అసిస్టెంట్ తదితర ప్రత్యేకతలు ఉన్నాయి. అమెజాన్ లో రూ.1,199కి ఈ వాచ్ ను కొనుగోలు చేయవచ్చు.
3 / 5
మణికట్టుకు అందాన్నివ్వడంతో పాటు ఆరోగ్యాన్ని కాపాడడం పాసిల్ జెన్ 6 స్మార్ట్ వాచ్ ప్రత్యేకత. ప్రయాణంలో కాల్స్ చేసుకోవడం, నిద్ర, ఫిట్ నెస్ పర్యవేక్షణ, దాదాపు 30 నిమిషాల్లో 80 శాతం చార్జింగ్ కావడం, గూగుల్ అసిస్టెంట్, ఫిట్ నెస్, సంగీతం యాప్ లకు మద్దతు తదితర ప్రత్యేకతలు ఉన్నాయి. ఎస్పీవో2, నిద్ర, అడుగులు, గుండె స్పందన రేటును ఎప్పటికప్పుడు పర్యవేక్షిస్తుంది. అమెజాన్ లో దాదాపు 65 శాతం తగ్గింపుతో రూ.8,748కు ఈ వాచ్ అందుబాటులో ఉంది.
4 / 5
సామ్సంగ్ గెలాక్సీ వాచ్ 6 ఆధునిక ఫీచర్లతో ఎంతో ఆకట్టుకుంటోంది. ఆరోగ్యం కాపాడుకోవడం, సమయాన్ని సద్వినియోగం చేసుకోవడానికి ఉపయోగపడుతుంది. దీని ద్వారా రియల్ టైమ్ బీపీ, ఈసీజీ రీడింగ్ లను పొందవచ్చు. క్లాసిక్ రోటేటింగ్ బెజెల్ తో 47 ఎంఎం రౌండ్ డిస్ ప్లే, ఫోన్ లేకుండానే కాల్స్, టెక్ట్సులు, సంగీతం కోసం ఎల్ఈటీని ఎనేబుల్ చేసుకోవడం, ఆరోగ్య పర్యవేక్షణ, స్లీప్ ట్రాకింగ్, సామ్సంగ్ వాలెట్ ఎనేబుల్డ్, పే సిస్టమ్ ద్వారా చెల్లింపులు తదితర ప్రత్యేకతలు ఉన్నాయి. అెమెజాన్ లో 58 శాతం తగ్గింపుపై రూ.21,299కు కొనుగోలు చేయవచ్చు.
