August 2024 Horoscope: వారికి వ్యక్తిగత కష్టనష్టాల నుంచి విముక్తి.. 12 రాశుల వారికి ఆగస్టు మాసఫలాలు
మాస ఫలాలు (ఆగస్టు 1 నుంచి ఆగస్టు 31, 2024 వరకు): కీలక గ్రహాలు అనుకూలంగా ఉన్నందువల్ల మేష రాశి వారికి ఈ నెల ఆదాయం బాగా పెరగడానికి ఆర్థిక సంబంధమైన కష్టనష్టాల నుంచి బయటపడడానికి బాగా అవకాశం ఉంది. వృషభ రాశి వారికి ఈ నెల శుభ ఫలితాలే ఎక్కువగా అనుభవానికి వస్తాయి. మిథున రాశి వారి కుటుంబ జీవితం ఒడిదుడుకులు లేకుండా సాఫీగా సాగిపోతుంది. మేష రాశి మొదలు మీన రాశి వరకు 12 రాశుల వారికి ఆగస్టు మాసఫలాలు ఎలా ఉన్నాయో ఇప్పుడు చూద్దాం..
మాస ఫలాలు (ఆగస్టు 1 నుంచి ఆగస్టు 31, 2024 వరకు): కీలక గ్రహాలు అనుకూలంగా ఉన్నందువల్ల మేష రాశి వారికి ఈ నెల ఆదాయం బాగా పెరగడానికి ఆర్థిక సంబంధమైన కష్టనష్టాల నుంచి బయటపడడానికి బాగా అవకాశం ఉంది. వృషభ రాశి వారికి ఈ నెల శుభ ఫలితాలే ఎక్కువగా అనుభవానికి వస్తాయి. మిథున రాశి వారి కుటుంబ జీవితం ఒడిదుడుకులు లేకుండా సాఫీగా సాగిపోతుంది. మేష రాశి మొదలు మీన రాశి వరకు 12 రాశుల వారికి ఆగస్టు మాసఫలాలు ఎలా ఉన్నాయో ఇప్పుడు చూద్దాం..
1 / 13
మేషం (అశ్విని, భరణి, కృత్తిక 1): గురు, కుజ, శని, రవి, శుక్ర, బుధుల సంచారం బాగా అనుకూలంగా ఉన్నందువల్ల ఆదాయం బాగా పెరగడానికి ఆర్థిక సంబంధమైన కష్టనష్టాల నుంచి బయటపడడానికి బాగా అవకాశం ఉంది. మొత్తం మీద ఈ నెలంతా చీకూ చింతా లేకుండా గడిచిపోతుందని చెప్పవచ్చు. ఏ ప్రయ త్నం తలపెట్టినా తప్పకుండా సఫలమయ్యే అవకాశం ఉంది. కుటుంబ సుఖ సంతోషాల కోసం ఎక్కువగా ఖర్చు చేసే సూచనలున్నాయి. దాంపత్య జీవితంలో అన్యోన్యత పెరుగుతుంది. గృహ, వాహన యోగాలు పట్టడం జరుగుతుంది. పిల్లల చదువులు సాఫీగా సాగిపోతాయి. కుటుంబ పరంగా ఎక్కువగా శుభవార్తలే వింటారు. వృత్తి, వ్యాపారాల్లో మీ వ్యూహాలు, పథకాలు సత్ఫలితా లనిస్తాయి. ఆరోగ్యం సజావుగా సాగిపోతుంది. ఉద్యోగంలో ఆదరణ పెరుగుతుంది. నిరు ద్యోగులకు విదేశాల నుంచి కూడా ఆఫర్లు అందుతాయి. మిత్రుల వల్ల మోసపోయే సూచనలున్నాయి. ప్రేమ వ్యవహారాలు హ్యాపీగా సాగిపోతాయి. సుబ్రహ్మణ్య స్వామిని ఆరాధించడం వల్ల మరింత బాగుంటుంది.
2 / 13
వృషభం (కృత్తిక 2,3,4, రోహిణి, మృగశిర 1,2): ఈ రాశివారికి గురు, కుజ, శుక్ర, బుధ, రవులతో పాటు రాహువు కూడా బాగా అనుకూలంగా ఉండడం జరుగుతోంది. అందువల్ల శుభ ఫలితాలే ఎక్కువగా అనుభవానికి వస్తాయి. దశమ స్థానంలో శని వక్ర సంచారం వల్ల పని భారం బాగా పెరిగే అవకాశం ఉన్నప్పటికీ, ఆశించిన ప్రతిఫలం తప్పకుండా లభిస్తుంది. దీర్ఘకాలిక అనారోగ్యం నుంచి కూడా బయటపడడం జరుగుతుంది. బంధుమిత్రుల వల్ల అనేక విధాలుగా ప్రయోజనం పొందుతారు. సాధారణంగా ఎటు వంటి ప్రయత్నం తలపెట్టినా కలిసి వస్తుంది. ముఖ్యమైన వ్యవహారాలను తేలికగా పూర్తి చేస్తారు. గృహ, వాహన సౌకర్యాలు అమరే అవకాశం ఉంది. ఆర్థిక ప్రయత్నాల్లో విజయం సాధిస్తారు. వృత్తి, ఉద్యోగాల పరంగా శుభవార్తలు వింటారు. ఉద్యోగంలో స్థిరత్వం లభిస్తుంది. వ్యాపారాల్లో తీరిక ఉండని పరిస్థితి ఏర్పడుతుంది. ఇంటా బయటా అనుకూలతలకు లోటుండదు. కుటుంబ జీవితం హ్యాపీగా సాగిపోతుంది. ఆదిత్య హృదయం పఠించడం వల్ల ఆత్మ విశ్వాసం పెరుగుతుంది.
3 / 13
మిథునం (మృగశిర 3,4, ఆర్ద్ర, పునర్వసు 1,2,3): శుక్ర, బుధ, రవుల బలం ఎక్కువగా ఉన్నందువల్ల కొన్ని ముఖ్యమైన వ్యవహారాల్లో తేలికగా పూర్తయి ఊరట లభిస్తుంది. ఆర్థిక వ్యవహారాలు ఈ నెల ప్రథమార్థం కంటే ద్వితీయార్థం మరింత అనుకూలంగా ఉండే అవకాశం ఉంది. కుటుంబ జీవితం ఒడిదుడుకులు లేకుండా సాఫీగా సాగిపోతుంది. అనుకున్న పనులు అనుకున్నట్టు పూర్తవుతాయి. అనేక విధాలుగా ఆదాయం పెరు గుతుంది. రావలసిన డబ్బు కూడా సమయానికి అందుతుంది. దైవ కార్యాలు, శుభ కార్యాల శ్రద్ధ పెరుగుతుంది. మంచి పరిచయాలు ఏర్పడతాయి. ఆరోగ్యం సజావుగా సాగిపోతుంది. అనుకో కుండా కొన్ని శుభవార్తలు వింటారు. శుభ పరిణామాలు చోటు చేసుకుంటాయి. విదేశీయానానికి మార్గం సుగమం అవుతుంది. పెళ్లి ప్రయ త్నాల్లో ఆశించిన సమాచారం అందుతుంది. కొద్ది ప్రయత్నంతో అధిక లాభాలు అందుతాయి. ఆహార, విహారాల్లో జాగ్రత్తగా ఉండడం మంచిది. ప్రేమ వ్యవహారాలు కొత్త పుంతలు తొక్కుతాయి. వీలైనప్పుడల్లా శివార్చన చేయించడం మంచిది.
4 / 13
కర్కాటకం (పునర్వసు 4, పుష్యమి, ఆశ్లేష): గురు, కుజ, బుధ, శుక్ర, రవుల బలంగా బాగా అనుకూలంగా ఉన్నందువల్ల నెలంతా విజయ వంతంగా సాగిపోతుంది. ముఖ్యమైన వ్యవహారాలు, పనులన్నీ సునాయాసంగా పూర్తవుతాయి. ముఖ్యంగా ధన స్థానం శుభ గ్రహాలతో ఉన్నందువల్ల ఆదాయం దిన దినాభివృద్ధి చెందుతుంది. ఆర్థిక పరిస్థితికి లోటుండదు. ఆదాయ ప్రయత్నాలన్నీ సత్ఫలితాలనిస్తాయి. ఆర్థిక సమస్యలు చాలావరకు తగ్గుముఖం పడతాయి. ఇంటా బయటా ప్రాధాన్యం పెరుగుతుంది. ఉద్యోగంలో మంచి గుర్తింపు లభిస్తుంది. రాజకీయ ప్రముఖులతో పరిచయాలు పెరుగుతాయి. వృత్తి, ఉద్యోగాలు సానుకూలంగా సాగిపోతాయి. వ్యాపారాలు జోరందుకుంటాయి. కుటుంబ జీవితంలో సుఖ సంతో షాలు పెరుగుతాయి. అష్టమ స్థానంలో ఉన్న శనీశ్వరుడి వల్ల మానసిక ఒత్తిడి ఎక్కువగా ఉంటుంది. ప్రేమ వ్యవహారాల్లో సఖ్యత, సాన్నిహిత్యం పెరుగుతాయి. పిల్లల నుంచి శుభవార్తలు వింటారు. ఆరోగ్యం నిలకడగా ఉంటుంది. విష్ణు సహస్ర నామ పఠనం వల్ల మనోబలం పెరుగుతుంది.
5 / 13
సింహం (మఖ, పుబ్బ, ఉత్తర 1): రాశ్యదిపతి రవి, బుధ, గురు, కుజ, శుక్రులు బాగా అనుకూలంగా ఉన్నందువల్ల అనుకున్న పనులు అనుకున్నట్టు పూర్తవుతాయి. ఎటువంటి ప్రయత్నం తలపెట్టినా విజయవంతం అవు తుంది. ఇంటా బయటా అనుకూలతలు పెరుగుతాయి. ఆర్థిక పరిస్థితి గత నెలకంటే మెరుగ్గా ఉంటుంది. శత్రువులు కూడా మిత్రులుగా మారి సహాయ సహకారాలందిస్తారు. ఒకటి రెండు ముఖ్యమైన వ్యక్తిగత సమస్యల నుంచి బయటపడతారు. ఉద్యోగంలో ఒత్తిడి బాగా తగ్గుతుంది. అదనపు ఆదాయ ప్రయత్నాలు పూర్తిగా నెరవేరుతాయి. ధన స్థానాన్ని గురు గ్రహం వీక్షిస్తు న్నందు వల్ల ఆదాయానికి, ఆరోగ్యానికి లోటుండదు. తల్లితండ్రుల నుంచి అనేక విధాలుగా సహాయ సహకారాలు అందుతాయి. ప్రముఖులతో పరిచయాలు వృద్ధి చెందుతాయి. వృత్తి జీవితం బిజీ అయిపోతుంది. కుటుంబ జీవితం ఉత్సాహంగా సాగిపోతుంది. ప్రేమ వ్యవహారాల్లో కొద్దిగా జాగ్రత్తగా ఉండడం మంచిది. ప్రతి రోజూ ఉదయం ఆదిత్య హృదయం పఠించడం చాలా మంచిది.
6 / 13
కన్య (ఉత్తర 2,3,4, హస్త, చిత్త 1,2): తృతీయ స్థానంలో శని, భాగ్య స్థానంలో గురు, కుజుల సంచారం ఆదాయాన్ని పెంచుతాయి కానీ, వ్యయ స్థానంలో సంచరిస్తున్న శుక్ర, బుధుల వల్ల అనవసర ఖర్చులు బాగా పెరిగే అవకాశం ఉంది. అయితే, నెలంతా ఆర్థికంగా బాగానే గడిచిపోతుంది. ఆకస్మిక ధన లాభం కూడా పొందు తారు. ఆదాయ మార్గాలన్నీ అనుకూలంగా ఉంటాయి. ఆర్థిక సమస్యలు చాలావరకు తగ్గిపో తాయి. ఆధ్యాత్మిక చింతన పెరిగి, ఇష్టమైన ఆలయాలను సందర్శిస్తారు. వృత్తి, ఉద్యోగాలలో ప్రోత్సాహకర పరిస్థితులు నెలకొంటాయి. పనితీరుతో అధికారులను మెప్పిస్తారు. కుటుంబ పెద్దల నుంచి ఆర్థిక ప్రయోజనాలు అందుతాయి. తరచూ అనారోగ్య సమస్యలు, వైద్య ఖర్చులు తప్పక పోవచ్చు. జీవిత భాగస్వామి తరఫు నుంచి శుభవార్తలు వింటారు. స్నేహితుల వల్ల ఇబ్బందులు పడతారు. నిరుద్యోగులకు విదేశాల నుంచి ఆశించిన శుభవార్త అందుతుంది. ప్రేమ వ్యవహారాలు సానుకూలంగా సాగిపోతాయి. సుందరకాండ పారాయణం వల్ల మనసులోని కోరికలు నెరవేరు తాయి.
7 / 13
తుల (చిత్త 3,4, స్వాతి, విశాఖ 1,2,3): గురు, కుజులు తప్ప మిగిలిన గ్రహాలన్నీ అనుకూలంగా ఉన్నందువల్ల నెలంతా హ్యాపీగా, సాఫీగా గడిచిపోతుంది. అనేక విధాలుగా గౌరవ మర్యాదలు పెరుగుతాయి. రాజయోగాలు పట్టడం వల్ల ఏ పని చేసినా చెల్లుబాటవుతుంది. ఈ నెలంతా ఈ రాశివారికి ఆర్థిక లాభాలకు లోటుండదు. వృత్తి, ఉద్యోగాల్లో ప్రాధాన్యం పెరుగుతుంది. వ్యాపారాలు బాగా కలిసి వస్తాయి. మంచి పరిచ యాలు ఏర్పడతాయి. అనేక మార్గాల్లో ఆదాయం పెరుగుతుంది. రాశివారి సలహాలు, సూచన లకు విలువ ఏర్పడుతుంది.దైవ కార్యాల్లో ఎక్కువగా పాల్గొంటారు. బంధుమిత్రులకు సహాయం చేస్తారు. అనేక కార్యకలాపాలు ఒకేసారి పెరగడం వల్ల కొద్దిగా ఒత్తిడి ఉండే అవకాశం ఉంది. నిరుద్యోగులకు ఆశించిన ఆఫర్లు అందుతాయి. పెళ్లి ప్రయత్నాలు సఫలం అవుతాయి. ఆరోగ్యం అనేక విధాలుగా మెరుగుపడుతుంది. ఏ ప్రయత్నం తలపెట్టినా తప్పకుండా విజయం సాధిస్తారు. ప్రేమ వ్యవహారాలు హ్యాపీగా సాగిపోతాయి. సుబ్రహ్మణ్యాష్టకం చదువుకోవడం వల్ల మంచి జరుగు తుంది.
8 / 13
వృశ్చికం (విశాఖ 4, అనూరాధ, జ్యేష్ట): గ్రహ బలం వల్ల ముఖ్యమైన సమస్యల నుంచి గట్టెక్కుతారు. చిన్నా చితకా సమస్యలున్నా తేలికగా అధిగమిస్తారు. నెలంతా చాలావరకు సానుకూలంగానే సాగిపోతుంది. ఆర్థిక వ్యవహారా లన్నీ విజయవంతంగా పూర్తవుతాయి. సప్తమ స్థానంలో రాశ్యధిపతి కుజుడితో గురువు కలిసి ఉండడం కొండంత అండగా ఉంటుంది. ఇక, ప్రథమార్థం కంటే ద్వితీయార్థం మరింత యోగదాయ కంగా ఉంటుంది. దశమంలో ఉన్న బుధుడి వల్ల వృత్తి, ఉద్యోగాలలో స్థిరత్వం లభిస్తుంది. ఆశిం చిన గుర్తింపు కూడా లభిస్తుంది. నిరుద్యోగులు మంచి ఉద్యోగం సంపాదించుకుంటారు. ఉద్యోగం మారడానికి కూడా అవకాశాలున్నాయి. వ్యాపారాలు లాభాల బాటపడతాయి. వృత్తి జీవితంలో తీరిక ఉండని పరిస్థితి ఉంటుంది. మానసిక ఆందోళనలు తగ్గిపోతాయి. అర్ధాష్టమ శని వల్ల ఇంటా బయటా బాగా ఒత్తిడి, వ్యయ ప్రయాసలుంటాయి. స్వల్ప అనారోగ్యాలకు అవకాశం ఉంది. ప్రేమ వ్యవహారాల్లో దూసుకుపోతారు. హనుమాన్ చాలీసా పఠనం వల్ల మనోబలం పెరుగుతుంది.
9 / 13
ధనుస్సు (మూల, పూర్వాషాఢ, ఉత్తరాషాఢ 1): రాశ్యధిపతి గురువు అనుకూలంగా లేనప్పటికీ, మిగిలిన గ్రహాలు చాలావరకు అనుకూలంగా ఉన్నందువల్ల ఏ ప్రయత్నం తలపెట్టినా జయప్రదం అవుతుంది. ఉద్యోగంలో ఆశించిన శుభ వార్తలు వింటారు. వృత్తి, వ్యాపారాల్లో శుభ పరిణామాలు చోటు చేసుకుంటాయి. కొన్ని వ్యక్తిగత కష్టనష్టాల నుంచి బయటపడతారు. ఆదాయంలో అంచనాలకు మించిన పురోగతి ఉంటుంది. బంధుమిత్రుల నుంచి ఆదరాభిమానాలు, ప్రోత్సాహాలు లభిస్తాయి. ప్రముఖులతో పరిచయాలు పెరుగుతాయి. పిల్లలు ఘన విజయాలు సాధిస్తారు. ఆర్థికంగా ప్రతి ప్రయత్నం సానుకూల ఫలితా లనిస్తుంది. కుటుంబంతో కలిసి ఇష్టమైన ఆలయాలు సందర్శిస్తారు. కుటుంబంలో శుభకార్యాలు తలపెడతారు. ఆరోగ్యానికి ఇబ్బందేమీ ఉండదు. అనవసర ఖర్చుల్ని వీలైనంతగా తగ్గించుకోవడం మంచిది. ప్రేమ వ్యవహారాలు ఉత్సాహంగా, ఉల్లాసంగా సాగిపోతాయి. మిత్రులతో కలిసి విలాసాల మీద బాగా ఖర్చు చేస్తారు. తరచూ స్కంద స్తోత్రం చదవడం వల్ల శుభ ఫలితాలు ఎక్కువగా ఉంటాయి.
10 / 13
మకరం (ఉత్తరాషాఢ 2,3,4, శ్రవణం, ధనిష్ట 1,2): శుభ గ్రహాల అనుకూలత కాస్తంత ఎక్కువగానే ఉంది. నెలంతా ఆశించిన విధంగా సాగిపోతుంది. ఆర్థిక పరిస్థితి అనుకూలంగా కొనసాగుతుంది. బంధుమిత్రులకు సహాయం చేస్తారు. ఇంటా బయటా అనుకూలతలు పెరుగుతాయి. సామాజికంగా గౌరవ మర్యాదలు లభిస్తాయి. వృత్తి, ఉద్యో గాల్లో ఆశించిన గుర్తింపు లభిస్తుంది. ముఖ్యమైన వ్యవహారాల్లో ఆచితూచి వ్యవహరించడం మంచిది. ఆస్తి వివాదం పరిష్కార దిశగా సాగుతుంది. రవి, బుధుల అనుకూల సంచారం కార ణంగా కొత్త ప్రయత్నాలు చేపట్టడం జరుగుతుంది. ఆరోగ్యం బాగానే ఉంటుంది. గృహ, వాహన సౌకర్యాల మీద దృష్టి పెడతారు. మిత్రుల వల్ల నష్టపోయే అవకాశం ఉంటుంది. దాంపత్య జీవి తంలో అన్యోన్యత పెంచుతుంది. అనవసర పరిచయాలకు దూరంగా ఉండడం మంచిది. ప్రేమ వ్యవహారాలు సంతృప్తికరంగా సాగిపోతాయి. పిల్లలకు శ్రమ తప్పకపోవచ్చు. ఆర్థిక లావాదేవీలు పెట్టుకోవద్దు. అనుకోకుండా ఒకటి రెండు శుభవార్తలు వింటారు. తరచూ శివార్చన చేయించడం మంచిది.
11 / 13
కుంభం (ధనిష్ట 3,4, శతభిషం, పూర్వాభాద్ర 1,2,3): గురు, శుక్ర, బుధ గ్రహాల అనుకూలత వల్ల ఏలిన్నాటి శని ప్రభావం బాగా తగ్గి, నెల రోజుల జీవితం సుఖప్రదంగా సాగిపోతుంది. ఉద్యోగానికి సంబంధించి శుభవార్తలు వింటారు. కుటుంబంలో కీలకమైన శుభ పరిణామాలు చోటు చేసుకుంటాయి. దాంపత్య జీవితం ఉత్సాహంగా, ప్రశాంతంగా సాగిపోతుంది. అనుకున్న పనులు అనుకున్నట్టు పూర్తవుతాయి. కొన్ని ఆశ యాలు, లక్ష్యాలు నెరవేరుతాయి. ఆర్థిక పరిస్థితి గతం కంటే మెరుగ్గా ఉంటుంది. వృత్తి, వ్యాపా రాల్లో పోటీదార్ల సమ స్యలున్నా లాభాలు గడిస్తారు. అనేక విధాలుగా ఆదాయం పెరుగుతుంది. ఉద్యోగంలో ఆశించిన స్థాయి స్థిరత్వం లభిస్తుంది. కుటుంబ జీవితం సుఖ సంతోషాలతో గడిచి పోతుంది. సమీప బంధు వుల నుంచి సమస్యలు తలెత్తే అవకాశం ఉంది. దైవ కార్యాల్లో పాల్గొం టారు. అనవసర ఖర్చుల్ని తగ్గించుకోవడం మంచిది. ఇంటా బయటా ఒత్తిడి ఉన్నా పను లన్ని టినీ పూర్తి చేస్తారు. ప్రేమ భాగస్వామి మీద ఖర్చు ఎక్కువగా ఉంటుంది. గణపతి స్తోత్ర పఠనం చాలా మంచిది.
12 / 13
మీనం (పూర్వాభాద్ర 4, ఉత్తరాభాద్ర, రేవతి): రాశ్యధిపతి గురువు తృతీయంలో శుభ స్థానాధిపతి కుజుడితో కలిసి ఉన్నందువల్ల ఏ ప్రయత్నం తలపెట్టినా విజయవంతం అవుతుంది. రాశి కేంద్రంలో ఉన్న రాహువు వల్ల మధ్య మధ్య మానసిక ఒత్తిడి తప్పకపోవచ్చు. అనవసర పరిచయాలకు దూరంగా ఉండడం మంచిది. వృత్తి, ఉద్యోగాల్లో సంపాదన పెరగడానికి అవకాశం ఉంది. వృత్తి, ఉద్యోగాల్లో ప్రాధాన్యం, ప్రాభవం కూడా పెరుగుతాయి. ఆదాయానికి, ఆరోగ్యానికి లోటుండదు. వృథా ఖర్చుల్ని తగ్గించుకుంటారు. మంచి పరిచయాలు ఏర్పడతాయి. దైవ కార్యాల మీద ఖర్చు పెరుగుతుంది. పిల్లలు వృద్ధిలోకి వస్తారు. విదేశాల్లో ఉన్న పిల్లల నుంచి శుభ వార్తలు వినడానికి ఆస్కారం ఉంది. ఇతరులకు ఉపయోగ పడే పనులు చేస్తారు. ముఖ్యమైన వ్యవహారాల్లో కార్యసిద్ధి ఉంటుంది. ఆరోగ్యం సజావుగా ఉంటుంది. జీవిత భాగస్వామితో కొద్దిగా విభేదాలు తలెత్తే అవకాశం ఉంటుంది. ప్రేమ వ్యవహారాల్లో ఆచితూచి వ్యవహరించడం చాలా మంచిది. దుర్గాదేవి స్తోత్రం పఠించడం ఉపయుక్తంగా ఉంటుంది.
