Tirumala: తిరుమల శ్రీవారి భక్తులకు గుడ్న్యూస్.. రేపు ఆర్జిత సేవల బుకింగ్
శ్రీవారి భక్తులకు తిరుమల తిరుపతి దేవస్థానం(TTD) గుడ్న్యూస్ చెప్పింది. తిరుమల శ్రీవేంకటేశ్వర స్వామి ఆలయంలో, వచ్చేనెల 1 నుంచి ఆర్జిత సేవలకు భక్తులను టీటీడీ అనుమతించనుంది.
కరోనా కారణంగా, 2020 మార్చి నుంచి ఏకాంతంగా అర్చకులు ఆర్జిత సేవలు నిర్వహిస్తున్నారు. ప్రస్తుతం మహమ్మారి వ్యాప్తి తగ్గిన నేపథ్యంలో ఆర్జిత సేవలకు భక్తులకు అవకాశం కల్పించారు టీటీడీ అధికారులు.
2 / 12
ఏప్రిల్, మే, జూన్ నెలలకు సంబంధించిన ఆర్జిత సేవా టికెట్లను ఆదివారం(మార్చి 20న) ఉదయం 10గంటలకు ఆన్‌లైన్‌లో విడుదల చేయనుంది టీటీడీ.
3 / 12
భక్తులు www.tirupatibalaji.ap.gov.in వెబ్‌సైట్‌లో బుక్‌ చేసుకోవచ్చు. సుప్రభాతం, తోమాల, అర్చన, అష్టాదళపాదపద్మారాధన, నిజపాద దర్శనం టికెట్లను ఆన్లైన్ ఎలక్ట్రానిక్‌ డిప్‌ విధానంలో కేటాయించనున్నారు.
4 / 12
ఆర్జిత సేవా టికెట్లు పొందిన వారి జాబితాను మార్చి 22వ తేదీ ఉదయం 10గంటల తర్వాత వెబ్‌సైట్‌లో పొందుపరుస్తారు. భక్తులకు ఎస్‌ఎంఎస్‌, ఈ-మెయిల్‌ ద్వారా తెలియజేయనుంది టీటీడీ.
5 / 12
టికెట్లు పొందిన వారు రెండ్రోజుల్లో డబ్బులు చెల్లించాల్సి ఉంటుంది. కల్యాణోత్సవం, ఊంజల్‌ సేవ, ఆర్జిత బ్రహ్మోత్సవం, సహస్రదీపాలంకార సేవా టికెట్లను ఫస్ట్ కమ్, ఫస్ట్ సర్వ్ ప్రాతిపదికన భక్తులు నేరుగా బుక్‌ చేసుకోవచ్చు.
6 / 12
ఏప్రిల్ 2న కల్యాణోత్సవం, ఊంజల్‌ సేవ, ఆర్జిత బ్రహ్మోత్సవం, ఏప్రిల్ 10న శ్రీరామనవమి నాడు తోమాల, అర్చన, సహస్ర దీపాలంకార సేవలను రద్దు చేసింది టీటీడీ. భక్తులు ఈ విషయాన్ని గమనించాలని విజ్ఞప్తి చేశారు టీటీడీ అధికారులు.
7 / 12
ఇదిలా ఉండగా తిరుమల ప్రత్యేక ప్రవేశ దర్శనం (రూ.300) ఏప్రిల్, మే, జూన్ నెల ఆన్లైన్ కోటా విడుదల తేదీని టీటీడీ ప్రకటించింది. ఏప్రిల్ నెలకు సంబంధించిన ప్రత్యేక ప్రవేశ దర్శన కోటాను ఈ నెల 21వ తేదీన ఉదయం 9 గం.లకు విడుదల చేయనున్నారు.
8 / 12
మే నెల కోటాను 22వ తేదీ ఉదయం 9 గం.లకు విడుదల చేస్తారు. జూన్ నెల కోటా 23వ తేదీ ఉదయం 9 గం.లకు ఆన్‌లైన్‌లో విడుదల చేస్తారు.
9 / 12
గురువారం నుంచి ఆదివారం వరకు ప్రతి రోజూ 30వేల టికెట్లు, సోమవారం నుంచి బుధవారం వరకు ప్రతి రోజూ 25 వేల టికెట్లను ఇవ్వనున్నారు.
10 / 12
అటు శ్రీవారి దర్శనానికి వచ్చే భక్తులు కొవిడ్‌ నెగిటివ్‌ సర్టిఫికెట్‌ కానీ, రెండు డోసుల వ్యాక్సినేషన్‌ సర్టిఫికెట్‌ కానీ తప్పనిసరిగా తీసుకురావాలని స్పష్టం చేస్తింది టీటీడీ.
11 / 12
భక్తులు తమ ఆరోగ్యం, ఉద్యోగుల ఆరోగ్య భద్రతను దృష్టిలో ఉంచుకుని సహకరించాలని కోరారు.
