Vishnu in Combodia: విదేశంలో భారతీయ సంస్కృతిని చాటుతున్న విష్ణు దేవాలయం.. ఆ గుడిని జాతీయ జెండాపై ఉంచి గౌరవం
Vishnu Temple in Combodia ఆ దేవాలయం ప్రపంచంలోనే అత్యంత పురాతనమైంది. విశాలమైంది. ఆ గుడికి 600 ఏళ్ల చరిత్ర ఉంది. ఆ ఆలయం అనువణువు రామాయణం, మహాభారతాన్ని నింపుకుంది. అయితే ఈ దేవాలయం భారత దేశానికి వేల కిలోమీటర్ల దూరంలో ఉంది. మరి ఆ గుడికి భారతీయ సంస్కృతికి లింకేంటి? ఇంతకీ ఆ టెంపుల్ ఎక్కడుంది? విశిష్టత ఏమిటంటే..
భారత దేశం నుంచి వేల కిలోమీటర్ల దూరంలో ఉన్న హిందూదేవాలయం. ప్రపంచంలోనే అత్యంత పురాతన, అత్యంత విశాలమైన ఆలయం. భారతీయ ఆధ్యాత్మిక, సాంస్కృతిక వారసత్వానికి నిలువెత్తు నిదర్శనం.
1 / 6
ఈ గుడి కంబోడియాకు చెందిన ఆంగ్‌కార్ వాట్లో ఉంది. ఇది శతాబ్దాల క్రితం నాటి సంస్కృతికి వారసత్వంగా నిలుస్తుంది. ఇక్కడ ఏడాది పొడుగునా సందర్శకుల తాకిడి ఉంటుంది. అలాంటి ఈ గుడి కంబోడియా జాతీయ పతాకంలోనూ చోటు దక్కించుకుంది. యునేస్కో గుర్తించిన వారసత్వ సంపద ఆలయాల్లో ఇది ముఖ్యమైంది.
2 / 6
ఈ మందిరం గోడలపై సంపూర్ణ రామాయణం ఉంది. మహాభారతం, బలిచక్రవర్తి, సముద్రమథనం, స్వర్గ నరకాలను, దేవదానవుల యుద్దం ఘట్టాలను కూడా దీనిపై అత్యద్భుతంగా చెక్కారు. పురాణేతిహాసాలకు సంబంధించిన ఎన్నో శిల్పాలు, వర్ణనలు ఆకట్టుకునేలా తీర్చిదిద్దారు.
3 / 6
ఈ విష్ణు ఆలయం ప్రతి అణువులో భారతీయ సంస్కృతి ఉట్టిపడుతుంది. ఇక్కడ రామనామం నుంచి శివ పంచాక్షరి మంత్రం వరకు మారుమోగుతాయి. ప్రకృతిని శివుడు ఆలింగనం చేసుకున్నట్లుండే వింత ఇక్కడ కనిపిస్తుంది..
4 / 6
1112లో రెండో సూర్య బర్మన్‌ రాజు కాలంలో ఈ విష్ణు ఆలయాన్ని నిర్మించారు. అప్పట్లో అంకోర్‌ను యశోధర్‌పూర్‌ పేరుతో పిలిచేవారు. మేకాంగ్ నదీ తీరంలో ఉంది. ఇప్పటికీ ప్రపంచంలోని అత్యంత పురాతన, విశాల మందిరం ఇది. దూరం నుంచి ఇది ఒక జైలులా కనిపిస్తుంది. ఎందుకంటే ఈ గుడి చుట్టూ నాలుగు వైపులా దాదాపు 400 అడుగుల వెడల్పు గొయ్యి ఉంది. దీనిలో ఎప్పుడూ నీళ్లుంటాయి. అందుకే గుడికి చేరుకోడానికి ఒక బ్రిడ్జిని నిర్మించారు. దీన్ని దాటితే గుడిని చేరుకోవచ్చు. గుడికి వెయ్యి అడుగుల వెడల్పైన విశాలమైన ద్వారం ఉంది.
5 / 6
ప్రకృతి సౌందర్యం ఆకట్టుకునేలా ఉన్న ఈ గుడిలో ఎన్నో రహస్యాలు దాగున్నాయి. ఆంగ్‌కార్ వాట్లో భారతీయ మూలాలు కనిపిస్తాయి. 14వ శతాబ్దం వరకు ఇక్కడ కంబుజ్ రాజ్యం ఉండేది.
ఆ తర్వాత దీనిపై ఆక్రమణ జరిగింది. 19వ శతబ్దం చివరి వరకు అంటే దాదాపు 600 ఏళ్ల వరకు ఈ మందిరం కనిపించకుండా పోయింది. ఓ వైజ్ఞానికుడు దీన్ని కనుగొనడంతో ఈ అద్భుతం వెలుగు చూసింది. ప్రపంచంలోనే ఈ అతిపురాతన మందిరం... ఒక్క హిందువులనే కాదు బౌద్ధ బిక్షువులను కూడా ఆకర్షించింది. ఈ గుడి అడుగడుగునా భారతీయ కళాకారుల పనితనం ఉట్టిపడుతుంది. ఇది కంబోడియాను ప్రపంచంలోనే ప్రత్యేకంగా నిలబెట్టింది. అందుకే ఆ దేశం ఈ గుడిని తమ జాతీయ జెండాపై ఉంచి గౌరవించింది. మేరు పర్వతంలాంటి ఈ విష్ణుమందిరం కంబోడియాలో ఉన్నా భారతీయత సంస్కృతిని చాటుతుంది.
