Ganesh Immersion: దేశంలోనే ఎత్తైన గాజువాక 117 అడుగుల గణేష్ విగ్రహ నిమజ్జనానికి ఎన్ని గంటలు పట్టిందంటే..
ఎకో ఫ్రెండ్లీ గణపతి భారీ విగ్రహాన్ని విశాఖపట్నంలో గాజువాకలో ప్రతిష్టించారు. ఈ సంవత్సరం ఏర్పాటు చేసిన 117 అడుగుల ఎత్తైన ఈ విగ్రహం అద్భుతమైన హస్తకళతో, పర్యావరణ పరిరక్షణ కు నిదర్శనంగా నిలుస్తుంది. "శ్రీ అనంత పంచముఖ మహా గణపతి" గా భక్తులను అనుగ్రహించిన ఈ భారీ విగ్రహం భారతదేశంలోనే అత్యంత ఎత్తైన పర్యావరణ అనుకూల గణేష్ విగ్రహంగా రికార్డ్ సృష్టించింది.
సాధారణంగా గణేష్ చతుర్థి అంటే ఖైరతాబాద్ బడా గణేష్ నే గుర్తొస్తారు. 9, 11 రోజుల పాటు చతుర్థి ఉత్సవాలు ముగిసిన తర్వాత నిమజ్జనం పై మరింత ఉత్సాహం అందరిలో ఉండేది. ఆ శోభాయాత్ర అంటే ఆ కిక్ నే వేరు. ఖైరతాబాద్ బడా గణేష్ నుంచి సమీపంలోనే ఉన్న నెక్లెస్ రోడ్ కేవలం 500 మీటర్ల దూరం నే అయినా ఖైరతాబాద్ బస్తీ లోని వీదులనుంచి టెలిఫోన్ భవన్, సెక్రటేరియట్ మీదుగా రెండు కిలోమీటర్ల మేర శోభా యాత్ర జరగడానికి కనీసం 12 గంటలకు పైగా పట్టేదంటే ఏ స్థాయి లో నిమజ్జనోత్సవం ఎంత వైభవంగా జరిగేదో అర్దం చేసుకోవచ్చు. అంతటి ప్రాశస్త్యం ఖైరతాబాద్ బడా గణేష్ కు ఉంది.
1 / 6
అయితే రాష్ట్ర విభజన తర్వాత విశాఖ లోని గాజువాక లో కూడా ఖైరతాబాద్ బడా గణేష్ స్ఫూర్తి తో అంతకు మించి ఉత్సవాలు నిర్వహించడం ఇటీవల కాలంలో ఆనవాయితీ గా మారింది. గాజువాక లోని లంకా మైదానం లో గత ఏడాది 89 అడుగుల విగ్రహాన్ని నెలకొల్పగా ఈ ఏడాది 117 అడుగుల భారీ అనంత పంచముఖ గణేష్ మహా గణపతి ని నెలకొల్పారు. బహుశా రెండు తెలుగు రాష్ట్రాల్లోనే కాదు దేశంలోనే అతి పెద్ద ఏకో గణేష్ విగ్రహం కూడా ఇదే. దాదాపు 21 రోజుల పాటు అత్యంత వైభవంగా పూజలు అందుకున్న గాజువాక గణేష్ నిమజ్జనం ఈరోజు అంగరంగ వైభవంగా జరిగింది. అయితే శోభా యాత్ర చేయడానికి అంత పెద్ద విగ్రహానికి పోలీసులు అనుమతి నిరాకరించడం తో అక్కడే రెండు ఫైర్ ఇంజన్లను పెట్టీ ఫోర్స్ గా నీళ్ళ ను కొట్టి ప్రతిష్టాపించిన ప్రాంతంలోనే నిమజ్జనం చేసేశారు. దీన్ని చూడడానికి నగర వాసులు భారీగా హాజరయ్యారు.
2 / 6
రాష్ట్రాలు విడిపోయినా అన్నదమ్ములలా కలిసి ఉందామన్న పెద్దల మాటల ను నిజం చేస్తూ ఈరోజు గాజువాక లోని 117 అడుగుల ఏకో గణేష్ నిమజ్జన కార్యక్రమానికి ఖైరతాబాధ గణేష్ ఉత్సవ కమిటీ హాజరైంది. నిమజ్జనానికి హాజరు కావాలని గాజువాక గణేష్ ఉత్సవ కమిటీ కోరగా ఖైరతాబాద్ గణేష్ కమిటీ మన్నించి ప్రేమ పూర్వకంగా హాజరై అందరి మనసుల్ని దోచుకున్నారు.
3 / 6
ఖైరతాబాద్ ఉత్సవ కమిటీ చైర్మన్ మాట్లాడుతూ ఖైరతాబాద్ ను మించి గాజువాక లో ఎత్తైన విగ్రహాన్ని నెలకొల్పడమే కాకుండా 21 రోజులపాటు అద్భుతంగా ఉత్సవాలు నిర్వహించారని ప్రశంసించారు. గాజువాక గణేష్ నిమజ్జన కార్యక్రమం లో భాగస్వామ్యులను చేసినందుకు సంతోషంగా ఉందని, కమిటీ కి కృతజ్ఞతలు తెలిపారు.
4 / 6
మరోవైపు గాజువాక లో 21 రోజులపాటు పూజలు అందుకున్న శ్రీ అనంత మహాగణపతి లడ్డూ వేలంపాట లో117 కేజుల లడ్డూ ను 11 లక్షల 116 కు గాజువాక కు చెందిన కాంట్రాక్టర్ గేదెల నిర్మలా చిన్ని అనే మహిళ దక్కించుకున్నారు. గత ఏడాది దీని 10 లక్షల 1116 రూపాయలు పలికింది. Alag ముత్యాల హారం లక్షా 50వేలను వేలం పాటలో నిర్మలా చిన్ని నే దక్కించుకున్నారు
5 / 6
ఇంకా విశాఖ లో నిమజ్జనం కావాల్సిన 112 అడుగుల ఎకో గణేష్ విగ్రహం ఉంది.. వచ్చే ఆది వారం ఆ కార్యక్రమం జరగనుంది
