Beautiful Villages: దేశంలోనే ఇవి అందమైన గ్రామాలు.. ఓ లుక్కేయండి
దేశంలో చాలా గ్రామాలు ఉన్నాయి. కానీ అందులో కొన్ని మాత్రమే అందమైన గ్రామాలుగా పేరుపొందాయి. అవేంటో ఇప్పుడు తెలుసుకుందాం. హిమాచల్ ప్రదేశ్‌లోని కల్ప అనేది ఓ రహస్య గ్రామం. ఇది హైవే నుంచి చూస్తే కనిపించదు. అయితే ఈ గ్రామం అందరిని ఆకర్షిస్తుంది. గ్రామం చుట్టూ చూస్తే యాపిల్ తోటలే కనిపిస్తాయి. ఇక్కడ నుంచి ఏకంగా కైలాస పర్వత మంచు శిఖరాలను సైతం చూడొచ్చు. ఇక్కడ కనిపించినట్లుగా ఆ శిఖరాలు మరోచోటు కనిపించవు. మేఘాలయలోని తూర్పు ఖాసీ హిల్స్‌లో ఉన్న మావ్లిన్నోంగ్ అనే గ్రామం అసలు ఆసియాలోనే పరిశుభ్రమైదిగా నిలిచింది.
దేశంలో చాలా గ్రామాలు ఉన్నాయి. కానీ అందులో కొన్ని మాత్రమే అందమైన గ్రామాలుగా పేరుపొందాయి. అవేంటో ఇప్పుడు తెలుసుకుందాం. హిమాచల్ ప్రదేశ్‌లోని కల్ప అనేది ఓ రహస్య గ్రామం. ఇది హైవే నుంచి చూస్తే కనిపించదు. అయితే ఈ గ్రామం అందరిని ఆకర్షిస్తుంది. గ్రామం చుట్టూ చూస్తే యాపిల్ తోటలే కనిపిస్తాయి. ఇక్కడ నుంచి ఏకంగా కైలాస పర్వత మంచు శిఖరాలను సైతం చూడొచ్చు. ఇక్కడ కనిపించినట్లుగా ఆ శిఖరాలు మరోచోటు కనిపించవు.
1 / 5
మేఘాలయలోని తూర్పు ఖాసీ హిల్స్‌లో ఉన్న మావ్లిన్నోంగ్ అనే గ్రామం అసలు ఆసియాలోనే పరిశుభ్రమైదిగా నిలిచింది. ఈ గ్రామాన్ని దేవుడి తోట అని కూడా అంటారమటే ఇది ఎంత అందమైనదో తెలుస్తుంది. అలాగే ఈ గ్రామంలో ప్లాస్టిక్ వినియోగం అనేదే ఉండదు. వెదురుతో చేసిన డస్ట్‌బిన్‌లను మాత్రమే ఇక్కడ వినియోగిస్తారు.
2 / 5
రాజస్థాన్‌లో ఖిమ్‌సర్ అనే గ్రామంలో చుట్టూ స్వచ్ఛమైన గాలి, ఇసుకతో కూడి ఉంటుంది. ఊరి మధ్యలో ఓ సరస్సు కనిపిస్తుంది. ఇక్కడ అందమైన చెట్లు, గుడిసెలు అందర్ని కనువిందు చేస్తాయి. ఈ గ్రామాన్ని ఇసుక దిబ్బల గ్రామం అని కూడా పిలుస్తారు. అంతేకాదు ఇది ఓ అందమైన రిసార్ట్‌ను తలపిస్తుంది. ఇక్కడ సుమారు 300 నుంచి 400 అడుగుల ఎత్తులో ఉన్న మట్టి దిబ్బలు కనిపిస్తాయి.
3 / 5
కేరళలోని తిరువనంతపురానికి దక్షిణ తీరాన ఉన్న పూవార్ అనే గ్రామం ప్రకృతి అందాలకు పెట్టిన పేరుగా నిలిచింది. ఇక్కడి పరిశుభ్రమైన, అందమైన బీచ్‌లు పర్యాటకులను ఎక్కువ రోజులు ఇక్కడే గడిపేలా చేస్తాయి. అక్టోబర్- ఫిబ్రవరి మధ్య కాలం ఈ గ్రామాన్ని సందర్శించేందుకు మంచి సమయం.
4 / 5
ఒడిశాలోని చంద్రగిరి అనే గ్రామం స్వచ్ఛమైన గ్రామీణ జీవితాన్ని చవిచూసేందుకు ప్రసిద్ధి చెందింది. ఇక్కడ ఉన్నటువంటి జిరాంగ్ లోయ, బౌద్ధ దేవాలయాలు అందరినీ ఆకర్షిస్తాయి. అయితే ఈ గ్రామం పరిశుభ్రతకు పెట్టిన పేరుగా నిలిస్తోంది.
