Telugu News » Photo gallery » London mint released new coins with king charles III photo Telugu International News
King charles iii: బ్రిటన్‌ నాణేలపై కింగ్ చార్లెస్‌ III ఫొటో.. లండన్‌ రాయల్‌ మింట్‌ రూపకల్పన..
Narender Vaitla |
Updated on: Sep 30, 2022 | 12:05 PM
బ్రిటన్‌ రాణి క్వీన్‌ ఎలిజబెత్‌ 2 మరణించిన తర్వాత ఆమె స్థానాన్ని ఆమె కుమారుడు కింగ్ చార్లెస్‌ III భర్తీ చేశారు. ఈ నేపథ్యంలో బ్రిటన్‌లో చలామణీ అవుతోన్న నాణేలపై బొమ్మలను మార్చేందుకు అక్కడి అధికారులు సిద్ధమవుతున్నారు. ఇందులో భాగంగానే కింగ్ చార్లెస్‌ III ఫొటోలతో ఉన్న నాణేలను మింట్‌ విడుదల చేసింది..
Sep 30, 2022 | 12:05 PM
బ్రిటిష్‌ సామ్రాజ్యాన్ని ఏడు దశాబ్దాలకు పైగా పాటు పరిపాలించిన క్వీన్‌ ఎలిజబెత్‌ 2 మరణించిన విషయం తెలిసిందే. ఆమె తర్వాత బ్రిటన్‌ను పాలించేందుకు రాణి కుమారుడు అయిన కింగ్ చార్లెస్‌ III బ్రిటన్‌ రాజుగా అధికారాలను స్వీకరించారు.
1 / 6
ఇక బ్రిటన్‌ కరెన్సీపై రాణి ఎలిజబెత్‌ 2 ఫొటోలు ఎన్నో ఏళ్ల నుంచి చలామణీ అవుతున్నాయి. ఇదిలా ఉంటే రాణి తదనంతరం కరెన్సీపై ఫొటోల్లో మార్పు దిశగా అడుగుల ప్రారంభమయ్యాయి.
2 / 6
ఇందులో భాగంగానే తాజాగా 5పౌండ్స్‌, 50 పెన్సుల నాణేలపై కింగ్ చార్లెస్‌ III ఫొటోల ముద్రీకరణ ప్రారభించారు. తాజాగా లండన్‌లోని రాయల్‌ మింట్‌ ఈ నాణేలకు సంబంధించిన ఫొటోలను విడుదల చేసింది.
3 / 6
సాధారణంగా నాణేలు 20 ఏళ్ల పాటు పాడుకాకుండా ఉండగలవు. కాబట్టి ఇప్పటికే రాణి ఫొటోలతో ముద్రించిన 27 బిలియన్ల నాణేలను ఇప్పటికప్పుడు తొలగించమని మింట్‌ సీఈఓ అన్నే జోసఫ్‌ తెలిపారు. ఈ కారనంగానే కింగ్ చార్లెస్‌తో కూడిన నాణేలు పూర్తి స్థాయిలో అందుబాటులోకి రావడానికి సమయం పడుతుందని తెలిపారు.
4 / 6
నాణేల మార్పుకు సంబంధించి వినియోగదారులపై ఎలాంటి పన్ను ఉండదని తెలిపారు. ఇక డిజిటల్‌ కరెన్సీకి ఆదరణ పెరుగుతోన్న నేపథ్యంలో భవిష్యత్తులో నాణేల అవసరం తగ్గొచ్చని అంచనా వేస్తున్నారు.
5 / 6
ఇదిలా ఉంటే కరెన్సీపై ఫొటోల మార్పు ప్రస్తుతం కేవలం నాణేలకే పరిమితం చేయనున్నారు. నోట్లను యదాతథంగా కొనసాగించనున్నారు. అయితే కొత్త నోట్లను 2024 నాటికి చెలామణిలోకి వచ్చే అవకాశం ఉందని బ్యాంక్‌ ఆఫ్‌ ఇంగ్లాండ్‌ తెలిపింది.
