International Coffee Day: మీరు కాఫీ ప్రియులా.. ఖచ్చితంగా భారతదేశంలోని ఈ 5 ప్రదేశాలను సందర్శించండి..

అంతర్జాతీయ కాఫీ దినోత్సవాన్ని ప్రతి సంవత్సరం అక్టోబర్ 1న జరుపుకుంటారు. టీ, కాఫీ ప్రియులు వీటిని తాగకుండా ఉండలేరు. కప్పు కాఫీ రుచి ఎంత ఒత్తిడిని అయినా దూరం చేస్తుంది. కొంతమంది కాఫీ సువాసనకు ఆకర్షితులయ్యి కాఫీకి బానిసలవుతారు కూడా. కొందరు ఫిల్టర్ కాఫీ తాగితే మరికొందరు ఇన్‌స్టంట్ కాఫీ రుచిని ఇష్టపడతారు. కాఫీ ప్రియులు ప్రపంచవ్యాప్తంగా ఉన్నారు. భారతదేశంలో కాఫీ ప్రియులు తమ రోజుని కాఫీతో మొదలు పెడతారు. కాఫీ లేకుండా గడపలేరు. గత కొన్నేళ్లుగా కాఫీ తాగడం పట్ల ప్రజల్లో క్రేజ్ పెరిగిందని.. అందుకే దీని డిమాండ్ పెరిగిందని అనేక నివేదికలు వెల్లడించాయి. ఒక నివేదిక ప్రకారం భారతదేశంలో కాఫీ ఉత్పత్తి కేవలం కొన్ని సంవత్సరాలలో 5 నుండి 6 శాతం పెరిగింది.