Telugu News » Photo gallery » Independence Day 2022 these five countries got independence on 15th august south korea north korea congo bahrain liechtenstein
Independence Day: భారతదేశంతో పాటు ఈ 5 దేశాలు కూడా ఆగస్టు 15న స్వాతంత్ర్యం పొందాయి.. ఆ దేశాలంటో మీకు తెలుసా?
Shiva Prajapati |
Updated on: Aug 14, 2022 | 11:12 AM
Independence Day: భారతదేశం స్వాతంత్ర్య మకరంద పండుగను జరుపుకుంటుంది. ఆగస్టు 15తో దేశానికి స్వాతంత్ర్య సిద్ధించి 75 ఏళ్ల పూర్తవుతుంది. స్వాతంత్య వజ్రోత్సవాలను పురస్కరించుకుని భారత ప్రభుత్వం.. ఆజాదీ కా అమృత్ మహోత్సవాలను అత్యంత ఘనంగా నిర్వహిస్తోంది. ఇందులో భాగంగా హర్ ఘర్ తిరంగ పేరుతో భారీ ప్రచారం చేపట్టింది.
Aug 14, 2022 | 11:12 AM
Independence Day: భారతదేశం స్వాతంత్ర్య మకరంద పండుగను జరుపుకుంటుంది. ఆగస్టు 15తో దేశానికి స్వాతంత్ర్య సిద్ధించి 75 ఏళ్ల పూర్తవుతుంది. స్వాతంత్య వజ్రోత్సవాలను పురస్కరించుకుని భారత ప్రభుత్వం.. ఆజాదీ కా అమృత్ మహోత్సవాలను అత్యంత ఘనంగా నిర్వహిస్తోంది. ఇందులో భాగంగా హర్ ఘర్ తిరంగ పేరుతో భారీ ప్రచారం చేపట్టింది. దేశ ప్రజలందరూ తమ తమ ఇళ్లపై జాతీయ జెండా అయిన త్రివర్ణ పతాకాన్ని ఎగురవేయాలని ప్రధాని మోదీ పిలుపునిచ్చారు. ఆ పిలుపు మేరకు యావత్ దేశ ప్రజలు స్వాతంత్ర్య దినోత్సవాన్ని ఘనంగా జరుపుకుంటున్నారు. మరోవైపు మన దాయాది దేశం పాకిస్తాన్ ఆగస్టు 14న స్వాతంత్ర్య వేడుకలు జరుపుకుంటోంది. అయితే, మనతో పాటు అంటే ఆగస్టు 15న స్వాతంత్ర్య దినోత్సవం జరుపుకునే దేశాలు 5 ఉన్నాయి. అవి ఏంటో ఇప్పుడు తెలుసుకుందాం..
1 / 6
గల్ఫ్ దేశం బహ్రెయిన్ కూడా ఆగస్టు 15న స్వాతంత్ర్యం పొందింది. ఈ దేశం కూడా బ్రిటిష్ వలసవాదంలో భాగమే. బహ్రెయిన్ 1971లో స్వాతంత్ర్యం పొందింది. అయితే, 1960ల నుండి, బహ్రెయిన్ నుండి బ్రిటిష్ సైన్యం ఉపసంహరణ ప్రారంభమైంది. ఆగష్టు 15న రెండు దేశాల మధ్య ఒక ఒప్పందం జరిగింది. ఆ తర్వాత బహ్రెయిన్ బ్రిటన్‌తో తన సంబంధాలను స్వతంత్ర దేశంగా కొనసాగించింది. అయితే, బహ్రెయిన్ తన జాతీయ సెలవుదినాన్ని డిసెంబర్ 16న జరుపుకుంటుంది. ఆ రోజున ఇస్సా బిన్ సల్మాన్ అల్ ఖలీఫా బహ్రెయిన్ సింహాసనాన్ని అధిరోహించారు.
2 / 6
లిచెన్‌స్టెయిన్ ఒక దేశం. ఇది ప్రపంచంలోని చిన్న దేశాలలో ఒకటి. ఈ దేశం కూడా 1866 ఆగస్టు 15న జర్మనీ నుండి స్వతంత్రం పొందింది. 1940 సంవత్సరం నుండి, ఇక్కడ స్వాతంత్ర్య దినోత్సవం ఆగష్టు 15 న జరుపుకుంటారు.
3 / 6
ఆఫ్రికన్ దేశం కాంగో కూడా ఆగస్టు 15న స్వతంత్రం పొందింది. 1960 లో, ఈ దేశం ఫ్రాన్స్ పాలన నుండి స్వతంత్రంగా మారింది. కాంగో రిపబ్లిక్ అయింది. కాంగోను 1880లో ఫ్రాన్స్ ఆక్రమించింది. అప్పుడు దీనిని ఫ్రెంచ్ కాంగో అని పిలుస్తారు. అయితే 1903 తరువాత దీనిని మిడిల్ కాంగో అని పిలుస్తూ వస్తున్నారు.
4 / 6
దక్షిణ కొరియా ఆగస్టు 15న స్వాతంత్ర్య దినోత్సవాన్ని జరుపుకుంటుంది. 1945 ఆగస్టు 15న జపాన్ నుండి దక్షిణ కొరియా స్వాతంత్ర్యం పొందింది. యుఎస్, సోవియట్ దళాలు జపాన్ ఆక్రమణ నుండి కొరియాను విముక్తి చేశాయి. దక్షిణ కొరియాలో, ఆగస్టు 15న జాతీయ సెలవుదినం కూడా ఉంది.
5 / 6
దక్షిణ కొరియా మాదిరిగానే ఉత్తర కొరియా కూడా ఆగస్టు 15న స్వాతంత్ర్య దినోత్సవ వేడుకలు జరుపుకుంటుంది. 1945లో జపాన్ ఆక్రమించుకున్న స్వాతంత్ర్య దినోత్సవాన్ని రెండు దేశాలు జరుపుకుంటాయి. రెండు దేశాలు 1945 ఆగస్టు 15న జపాన్ ఆక్రమణ నుండి విముక్తి పొందాయి. ఉత్తర కొరియా ఆగస్టు 15ని జాతీయ సెలవుదినంగా జరుపుకుంటుంది.
