Dark Circles Under Eyes: అందుకే కళ్ల చుట్టూ నల్లటి వలయాలు.. వీటిని తిన్నారంటే..!
రాత్రిళ్లు కంటి నిండా నిద్రపట్టకపోయినా.. పని ఒత్తిడి, ఎక్కువ సేపు ల్యాప్‌టాప్ లేదా మొబైల్ స్క్రీన్ చూడటం.. వంటి పలు కారణాల వల్ల కళ్ల చుట్టూ నల్లటి వలయాలు ఏర్పడుతుంటాయి. లైఫ్‌స్టైల్‌ డార్క్ సర్కిల్స్ సమస్య మరింత తీవ్రతరం చేస్తుంది. అయితే, ఇది కేవలం స్ట్రెస్‌, నిద్రలేమి, స్క్రీన్ చూడటం వల్ల మాత్రమే కాకుండా శరీరంలో పోషకాహార లోపం వల్ల కూడా కళ్ల చుట్టూ నల్లటి వలయాలు ఏర్పడతాయి. ప్రతి రాత్రి నిద్రపోయే ముందు కంటి చుట్టూ క్రీమ్ వాడటం వల్ల నల్లటి వలయాలు పెరగకుండా..
రాత్రిళ్లు కంటి నిండా నిద్రపట్టకపోయినా.. పని ఒత్తిడి, ఎక్కువ సేపు ల్యాప్‌టాప్ లేదా మొబైల్ స్క్రీన్ చూడటం.. వంటి పలు కారణాల వల్ల కళ్ల చుట్టూ నల్లటి వలయాలు ఏర్పడుతుంటాయి. లైఫ్‌స్టైల్‌ డార్క్ సర్కిల్స్ సమస్య మరింత తీవ్రతరం చేస్తుంది. అయితే, ఇది కేవలం స్ట్రెస్‌, నిద్రలేమి, స్క్రీన్ చూడటం వల్ల మాత్రమే కాకుండా శరీరంలో పోషకాహార లోపం వల్ల కూడా కళ్ల చుట్టూ నల్లటి వలయాలు ఏర్పడతాయి.
1 / 5
ప్రతి రాత్రి నిద్రపోయే ముందు కంటి చుట్టూ క్రీమ్ వాడటం వల్ల నల్లటి వలయాలు పెరగకుండా నిరోధించలేం. అందుకు ఆహారంపై కూడా దృష్టి పెట్టాలి. పోషకాహార లోపం వల్ల కూడా నల్లటి వలయాలు పెరుగుతాయి. విటమిన్ ఎ చర్మంపై యాంటీ ఏజింగ్ ఇంగ్రిడియంట్‌గా పనిచేస్తుంది. ఇది చర్మం స్థితిస్థాపకతను పెంచడంలో సహాయపడుతుంది. ముడతలు, చర్మ అలర్జీలను నివారించడానికి పనిచేస్తుంది. విటమిన్ ఎ కంటి చుట్టూ నల్లటి వలయాలను తొలగించడంలో సహాయపడుతుంది. కాబట్టి ఆహారంలో ఎరుపు-పసుపు-ఆకుపచ్చ క్యాప్సికమ్, బొప్పాయి, పాలకూర వంటి కూరగాయలు, పండ్లను అధికంగా తీసుకోవాలి.
2 / 5
చర్మ సంరక్షణ కోసం విటమిన్ సి అధికంగా ఉండే పండ్లు, కూరగాయలను తినడం చాలా అవసరం. విటమిన్ సి చర్మంలో కొల్లాజెన్ పెరుగుదలకు సహాయపడుతుంది. ఇది చర్మానికి రక్త ప్రసరణను పెంచి.. కణాలకు ఆక్సిజన్ సరఫరాను అందిస్తుంది. కాబట్టి మీ రోజువారీ ఆహారంలో నిమ్మ, ఉసిరి, బెర్రీలు మొదలైనవి ఉండేలా చూసుకోవాలి.
3 / 5
చర్మ సంరక్షణలో విటమిన్ ఇ కూడా చాలా అవసరం. ఇది చర్మంపై ముడతలు, కళ్ల చుట్టూ ఉబ్బినట్లు ఉండటాన్ని నివారిస్తుంది. విటమిన్ ఇ లోని యాంటీఆక్సిడెంట్, యాంటీ ఇన్‌ఫ్లమేటరీ లక్షణాలు ఆక్సీకరణ ఒత్తిడిని తగ్గిస్తుంది. విటమిన్ ఇ అధికంగా ఉండే వాల్ నట్స్, చియా సీడ్స్, ఫ్లాక్స్ సీడ్స్ మొదలైన వాటిని రోజువారీ ఆహారంలో తీసుకోవాలి.
4 / 5
కళ్ల చుట్టూ నల్లటి వలయాలను తగ్గించడంలో విటమిన్ కె అధికంగా ఉండే ఆహారాలను కూడా తీసుకోవాలి. విటమిన్ కెలో యాంటీఆక్సిడెంట్లు అధికంగా ఉంటాయి. ఇది చర్మంపై మచ్చలను తొలగించడంలో సహాయపడుతుంది. పచ్చి కూరగాయలు ఎక్కువగా తినాలి. శరీరంలో ఐరన్ లోపం ఉన్నా కళ్ల చుట్టూ నల్లటి వలయాలు ఏర్పడతాయంటున్నారు ఆరోగ్య నిపుణుల. ఐరన్ రక్తంలో హిమోగ్లోబిన్ స్థాయిలను పెంచుతుంది. కణాలకు ఆక్సిజన్‌ను అందించి.. కళ్ల చుట్టూ ఉన్న చర్మాన్ని మృదువుగా ఉంచుతుంది. పప్పులు, బెల్లం, వివిధ కూరగాయలు, పండ్లలో ఐరన్ అధికంగా ఉంటుంది.
