Telugu News Photo Gallery Hair Care Tips: Apply amla juice to your scalp to get rid of hair fall and other problems
Hair Care: వారానికి 2 సార్లు ఉసిరి రసాన్ని ఇలా వాడారంటే పట్టులాంటి కురులు మీ సొంతం
ఒత్తైన, పట్టులాంటి జుట్టును మెయింటెయిన్ చేయడానికి స్కాల్ప్ హెల్త్ చాలా ముఖ్యం. జుట్టు మూలాలు ధృడంగా ఉంటే జుట్టు సమస్యలు దరిచేరవు. స్కాల్ప్‌ను శుభ్రంగా ఉంచుకోవడం మాత్రమే సరిపోదు, దానితోపాటు ఆరోగ్యంపై కూడా శ్రద్ధ తీసుకోవాలి. చాలా మంది జుట్టు సంరక్షణకు ఖరీదైన ఉత్పత్తులను ఉపయోగిస్తుంటారు. కానీ వాటిల్లో రకరకాల రసాయనాలను కూడా ఉంటాయి. ఫలితంగా జుట్టుకు మేలు బదులు..
ఒత్తైన, పట్టులాంటి జుట్టును మెయింటెయిన్ చేయడానికి స్కాల్ప్ హెల్త్ చాలా ముఖ్యం. జుట్టు మూలాలు ధృడంగా ఉంటే జుట్టు సమస్యలు దరిచేరవు. స్కాల్ప్‌ను శుభ్రంగా ఉంచుకోవడం మాత్రమే సరిపోదు, దానితోపాటు ఆరోగ్యంపై కూడా శ్రద్ధ తీసుకోవాలి. చాలా మంది జుట్టు సంరక్షణకు ఖరీదైన ఉత్పత్తులను ఉపయోగిస్తుంటారు. కానీ వాటిల్లో రకరకాల రసాయనాలను కూడా ఉంటాయి. ఫలితంగా జుట్టుకు మేలు బదులు కీడు ఎక్కువగా జరుగుతుంది.
1 / 5
ఫలితంగా జుట్టు సహజ సౌందర్యం పోతుంది. కాబట్టి జుట్టు సంరక్షణలకు ఉసిరి వినియోగిస్తే ఈ సమస్యలన్నీ దూరమవుతాయి. పురాతన కాలం నుంచి జుట్టు సంరక్షణ కోసం ఉసిరి ఉపయోగిస్తున్నారు. ఇందులో ఉండే పదార్థాలు శిరోజాలను ఆరోగ్యంగా ఉంచడంతో పాటు జుట్టు అందాన్ని పెంచుతాయి. ఉసిరి రసంలో విటమిన్ సి పుష్కలంగా ఉంటుంది. ఇది తలలో కొల్లాజెన్ ఉత్పత్తిని పెంచుతుంది.
2 / 5
ఉసిరిలో యాంటీ ఆక్సిడెంట్లు పుష్కలంగా ఉంటాయి. స్కాల్ప్ లోపల ఫ్రీ రాడికల్స్ తో పోరాడుతుంది. అలాగే తలపై ఆక్సీకరణ ఒత్తిడి ప్రభావాలను నివారిస్తుంది. ఉసిరితో బహుళ స్కాల్ప్ సమస్యలు నియంత్రించడం సులువు. దీని జ్యూస్‌లో వివిధ యాంటీ మైక్రోబియల్ లక్షణాలు ఉంటాయి. ఇది వివిధ ఇన్ఫెక్షన్ల ప్రమాదాన్ని కూడా తగ్గిస్తుంది. అంతేకాకుండా స్కాల్ప్, వెంట్రుకల ఆరోగ్యానికి మేలు చేస్తుంది. ఇందులో ఉండే విటమిన్ ఇ స్కాల్ప్‌లో పోషకాహార లోపాన్ని భర్తీ చేస్తుంది. ఉసిరి ఉపయోగించడం వల్ల జుట్టు రాలడం కూడా తగ్గుతుంది.
3 / 5
శుభ్రమైన గిన్నెలో రెండు మూడు ఉసిరికాయలను తీసుకోవాలి. వీటిని చిన్న ముక్కలుగా కట్ చేసి విత్తనాలను వేరు చేయాలి. ఉసిరి ముక్కలను మిక్సీలో వేసి మెత్తగా గ్రైండ్ చేయాలి. తెల్లటి కాటన్ క్లాత్‌లో దీన్ని వేసి రసాన్ని పిండాలి. ఇలా తయారు చేసుకున్న ఉసిరి రసాన్ని వేళ్లతో తలకు పట్టించాలి. కనీసం 10 నిమిషాల పాటు చేతులతో సున్నితంగా మసాజ్ చేయాలి. ఆ తర్వాత మరో గంట పాటు అలాగే ఉంచి, షాంపూతో తలస్నానం చేయాలి. వారానికి రెండు సార్లు ఈ పద్ధతిని అనుసరిస్తే ప్రయోజనం ఉంటుంది.
4 / 5
ఉసిరి రసాన్ని ఇలా క్రమంగా జుట్టుకి అప్లై చేయడం వల్ల జుట్టు రాలడం తగ్గుతుంది. విటమిన్ సి లోపాన్ని తొలగిస్తుంది. స్కాల్ప్ ఇన్ఫెక్షన్ ప్రమాదాన్ని తగ్గిస్తుంది. జుట్టు మెరుపు పునరుద్ధరిస్తుంది. మూలాలు బలంగా ఉంటాయి.
