పొట్టి ఫార్మాట్‌లో హీరో.. టాప్ 5లో అగ్రస్థానం.. కట్‌చేస్తే.. ప్రపంచకప్‌లో ఒక్క మ్యాచ్ ఆడనివ్వని రోహిత్
Sanju Samson Top t20i Run Scorer: 2024లో భారత క్రికెట్ జట్టు ప్రదర్శన చెత్తగా మారింది. టీ20ల్లో మాత్రమే రాణించింది. వన్డేలు, టెస్ట్‌ల్లో మాత్రం పరిస్థితి దిగజారిపోయింది. అయితే, టీ20 ప్రపంచకప్ గెలిచిన జట్టులో ఓ ఆటగాడు స్వ్కాడ్‌లో ఉన్నా.. ప్లేయింగ్ 11లో మాత్రం చోటు దక్కించుకోలేకపోయాడు. షాకింగ్ విషయం ఏంటంటే, అతనే టీ20ఐల్లో భారత్ తరపున టాప్ స్కోరర్‌గా నిలిచాడు.
Sanju Samson Top t20i Run Scorer: 2024లో టెస్ట్ ఫార్మాట్‌లో భారత క్రికెట్ జట్టు దిగజారిపోయింది. అయితే, టీ20 ప్రపంచకప్ గెలిచి ఎన్నో ఏళ్ల కలను నెరవేర్చుకుంది. ఈ క్రమంలో సంజు శాంసన్ టీ20 ఫార్మాట్‌లో పరుగుల వర్షం కురిపించాడు. కాగా, భారత్ ప్రపంచకప్ గెలిచిన ఏడాదిలోనే సంజూ ప్రపంచకప్‌లో ఒక్క మ్యాచ్ కూడా ఆడకపోవడం గమనార్హం. సంజూ 13 మ్యాచ్‌ల్లో 43.60 సగటుతో 436 పరుగులు చేశాడు.
1 / 5
గతేడాది ట్వంటీ20 ఇంటర్నేషనల్స్‌లో సంజూ మొత్తం మూడు సెంచరీలు చేశాడు. అత్యధిక స్కోరు 111 పరుగులుగా నిలిచింది. కేవలం 12 ఇన్నింగ్స్‌లలో 436 పరుగులను 180.16 స్ట్రైక్ రేట్‌తో బాదేశాడు. మూడు సెంచరీలతో పాటు 2024లో సంజూ హాఫ్ సెంచరీ కూడా చేశాడు. సంజూ మొత్తం 35 ఫోర్లు, 31 సిక్సర్లు బాదాడు.
2 / 5
ఇదిలా ఉంటే, 2024లో, ఒక క్యాలెండర్ ఇయర్‌లో భారత ఆటగాళ్లలో అత్యధిక డకౌట్‌లు సాధించిన ఆటగాడిగా కూడా సంజు రికార్డు సృష్టించాడు. సంజు ఐదు మ్యాచ్‌ల్లో సున్నాకి అవుటయ్యాడు. 2024లో సంజు జాయింట్‌ సెకండ్‌ వికెట్‌ టేకర్‌గా నిలిచాడు.
3 / 5
ప్రపంచకప్‌లో ప్రతి మ్యాచ్ ఆడిన కెప్టెన్ సూర్యకుమార్ యాదవ్ 18 మ్యాచ్‌ల్లో 26.81 సగటుతో 429 పరుగులతో రెండో స్థానంలో ఉన్నాడు. రోహిత్ శర్మ 11 మ్యాచ్‌ల్లో 42 సగటుతో 378 పరుగులతో మూడో స్థానంలో ఉన్నాడు. ప్రపంచకప్‌లో భారత్‌కు విజయాన్ని అందించిన రోహిత్, టైటిల్ గెలిచిన తర్వాత విరాట్ కోహ్లి, రవీంద్ర జడేజాలతో కలిసి ట్వంటీ-20 నుంచి రిటైరయ్యాడు.
4 / 5
హార్దిక్ పాండ్యా (17 మ్యాచ్‌ల్లో 44 సగటుతో 352 పరుగులు), తిలక్ వర్మ (ఐదు మ్యాచ్‌ల్లో 102 సగటుతో 306 పరుగులు), శివమ్ దూబే (15 మ్యాచ్‌ల్లో 32.88 సగటుతో 296 పరుగులు) మూడు నుంచి ఐదో స్థానాల్లో ఉన్నారు.
