తెలుగు సినిమా పరిశ్రమలో ఈ ఏడాది ఇదే అతి పెద్ద విషాదం. వేలాది సినిమా పాటలకు సాహిత్యం అందించిన సాహితీ దిగ్గజం సిరివెన్నెల సీతారామశాస్త్రి నవంబర్‌ 30న తీవ్ర అనారోగ్యంతో తుదిశ్వాస విడిచారు. న్యుమోనియా కారణంగా నవంబర్‌24న ఓ ప్రైవేట్ ఆస్పత్రిలో చేరిన ఆయనకు ఐసీయూలో చికిత్స అందించారు వైద్యులు. అయితే రెండు ఊపిరితిత్తులు బాగాదెబ్బతినడంతో కోలుకోలేక శాశ్వతంగా కన్నుమూశారు.
1 / 9
బహుముఖ ప్రజ్ఞాశాలిగా గుర్తింపు తెచ్చుకున్న శివ్‌శంకర్‌ మాస్టర్‌ చెన్నైలో పుట్టి పెరిగారు. 800 చిత్రాలకు పైగా డ్యాన్స్‌ మాస్టర్‌గా పనిచేశారు. తీవ్ర అనారోగ్యంతో ఆస్పత్రిలో చేరిన ఈ మల్టీ ట్యాలెంటెడ్‌ పర్సన్‌ నవంబర్‌ 28న శాశ్వతంగా ఈలోకం నుంచి సెలవు తీసుకున్నారు.
2 / 9
ఈ ఏడాది భారతీయ సినిమా పరిశ్రమను బాగా కుదిపేసిన విషాద ఘటనల్లో ఇది ఒకటి. సినిమా రంగంలో ఎంతో భవిష్యత్‌ ఉన్న కన్నడ పవర్‌స్టార్‌ పునీత్‌ రాజ్‌కుమార్‌ 46 ఏళ్ల వయసులోనే గుండెపోటుతో కన్నుమూశారు. ఆయన మరణంతో కర్ణాటక చిత్ర పరిశ్రమనే కాదు యావత్ భారతీయ సినిమా ఇండస్ట్రీ శోకసంద్రంలో మునిగిపోయింది.
3 / 9
‘ఫ్రాంక్లీ స్పీకింగ్ విత్ TNR’ అంటూ తనదైన శైలిలో ఇంటర్వ్యూలు చేస్తూ ఆకట్టుకున్నారు తుమ్మల నరసింహారెడ్డి (టీఎన్‌ఆర్‌). కొన్ని ఛానెళ్లో యాంకర్‌గా పనిచేశారు. నటునిగా పలు సినిమాల్లో కూడా మెరిశారు . ఇలా బహుముఖ ప్రజ్ఞ చూపిన టీఎన్‌ఆర్‌ కరోనా బారిన పడి మే10న కన్నుమూశారు.
4 / 9
కొన్ని బాలీవుడ్‌ సినిమాల్లోనూ, వెబ్ సిరీసుల్లోనూ నటించి మెప్పించాడు సిద్ధార్థ్‌ శుక్లా. సినిమా ఇండస్ట్రీలో ఎంతో ఉజ్వల కెరీర్ సొంతం చేసుకోవాల్సిన ఈ యువ నటుడు నాలుగు పదుల వయసులోనే గుండెపోటుతో కన్నుమూశాడు.
5 / 9
ఈస్ట్‌ కోస్ట్‌ ప్రొడక్షన్స్ బ్యానర్‌ ను స్థాపించి ‘118’, ‘తిమ్మరుసు’, ‘మిస్‌ ఇండియా’ తదితర చిత్రాలను నిర్మించారు మహేశ్‌ కోనేరు. విజయ్‌ ‘బిగిల్‌’ను తెలుగులో ‘విజిల్‌’గా డబ్‌ చేసి మంచి విజయం అందుకున్నారు.ఆయన అక్టోబర్‌ 12న గుండెపోటుతో హఠాన్మరణం చెందారు.
6 / 9
సినిమా పరిశ్రమలో ‘అభినయ శారద’గా గుర్తింపు పొందారు ప్రముఖ నటి జయంతి. తెలుగు, తమిళ, కన్నడ, మలయాళ చిత్రాల్లో నటించారు. ఎన్టీఆర్, నాగేశ్వరరావు లాంటి సీనియర్‌ నటులతోనూ స్ర్కీన్‌ షేర్‌ చేసుకున్నారామె..గత కొన్నేళ్లుగా శ్వాసకోస సంబంధింత వ్యాధితో బాధపడుతున్న ఆమె ఈఏడాది జులై 26న కన్నుమూశారు.
7 / 9
తనదైన నటనతో మన ముఖాల్లో నవ్వులు పూయించిన వివేక్ ఏప్రిల్‌ 17న అందరినీ శోకసంద్రంలో ముంచారు. గుండెపోటుతో ఓ ఆస్పత్రిలో చేరిన ఆయన కోలుకోలేక కన్నుమూశారు.
8 / 9
టాలీవుడ్ కి చెందిన ప్రముఖ నిర్మాత బీఏ రాజు మే 22న గుండె పోటుతో మృతి చెందారు. సినిమా జ‌ర్నలిస్టుగా కెరీర్ ప్రారంభించిన ఆయన స్టార్‌ నటులకు పీఆర్వోగా వ్యవహరించారు.
