Thandel: ‘తండేల్’ అంటే ఏంటి.. నాగ చైతన్య సినిమా టైటిల్‌పై చర్చ..
ఓ సినిమాపై ఆసక్తి పెరగాలంటే టైటిల్ దగ్గర్నుంచే మొదలవుతుంది. మంచి టైటిల్ పడితే.. అబ్బా అదిరిపోయిందిరా అంటారు. అదే అర్థం కాని టైటిల్ పెడితే.. అక్కడ్నుంచే డిస్కషన్ కూడా మొదలవుతుంది. అసలు ఏంటీ టైటిల్.. దీనికి అర్థం ఏంటి.. ఇలా మొదలవుతుంది చర్చ.. అదే తర్వాత సినిమాపై ఆసక్తి పెంచేస్తుంది. ఈ విషయంలో నాగ చైతన్య, చందూ మొండేటి ఫుల్‌గా సక్సెస్ అయ్యారేమో అనిపిస్తుంది. వాళ్లు తమ సినిమాకు తండేల్ అనే టైటిల్ అనౌన్స్ చేయగానే.. ఎలా ఉంది అని ఆలోచించే కంటే ముందే.. అసలేంటి ఈ టైటిల్‌కు అర్థం అంటున్నారు.. ఆరా తీస్తున్నారు.
ఓ సినిమాపై ఆసక్తి పెరగాలంటే టైటిల్ దగ్గర్నుంచే మొదలవుతుంది. మంచి టైటిల్ పడితే.. అబ్బా అదిరిపోయిందిరా అంటారు. అదే అర్థం కాని టైటిల్ పెడితే.. అక్కడ్నుంచే డిస్కషన్ కూడా మొదలవుతుంది. అసలు ఏంటీ టైటిల్.. దీనికి అర్థం ఏంటి.. ఇలా మొదలవుతుంది చర్చ.. అదే తర్వాత సినిమాపై ఆసక్తి పెంచేస్తుంది. ఈ విషయంలో నాగ చైతన్య, చందూ మొండేటి ఫుల్‌గా సక్సెస్ అయ్యారేమో అనిపిస్తుంది.
1 / 6
వాళ్లు తమ సినిమాకు తండేల్ అనే టైటిల్ అనౌన్స్ చేయగానే.. ఎలా ఉంది అని ఆలోచించే కంటే ముందే.. అసలేంటి ఈ టైటిల్‌కు అర్థం అంటున్నారు.. ఆరా తీస్తున్నారు. తండేల్ అనే మాట చాలా మందికి కనీసం ఐడియా కూడా ఉండదు. మరీ ముఖ్యంగా తీర ప్రాంతాల్లో ఉండే వాళ్లు ఎక్కువగా ఈ పదాన్ని వాడుతారని చెప్తున్నారు దర్శక నిర్మాతలు. దాంతో ఈ జనరేషన్ ఆడియన్స్‌కు తండేల్ అనే పదం ఉన్నట్లు కూడా తెలియదేమో..?
2 / 6
అలాంటి పదాన్నే టైటిల్‌గా పెట్టి డిస్కషన్ పాయింట్ మొదలు పెట్టారు మేకర్స్. ఈ మధ్య కాలంలో వరస ఫ్లాపుల్లో ఉన్న చైతూకు.. చందూ మొండేటి సినిమా కీలకంగా మారింది. ఆయన బడ్జెట్‌కు మించి ఈ సినిమా వస్తుంది. జీఏ 2 పిక్చర్స్ సంస్థ ఈ సినిమాను నిర్మిస్తున్నారు. మత్యకారుల జీవితాల నేపథ్యంలో వాస్తవ ఘటనల ఆధారంగా రూపొందుతున్న చిత్రమిది. ఇందులో చైతన్య ఫస్ట్ లుక్ విడుదల చేశారు. ఈ సినిమా కోసం పూర్తిగా మేకోవర్ అయిపోయారు చైతూ.
3 / 6
కండలు తిరిగిన దేహం.. మెడలో దుర్గమ్మ దండ ఇలా పూర్తిగా మారిపోయాడు చైతన్య. నవంబర్ 23న చైతూ పుట్టినరోజు సందర్భంగా సినిమాలో ఆయన లుక్ విడుదల చేశారు. అంతే కాదు... తండేల్ పాత్రలో ఆయన నటిస్తున్నట్లు తెలిపారు. తండేల్ అంటే నాయకుడు, కెప్టెన్ అని అర్థం అంటున్నారు దర్శకుడు చందూ మొండేటి. ప్రతీదానికి ధైర్యంగా ముందుకు వెళ్లేవాడు.. ఎలాంటి భయం, బెరుకు లేని వాడు అని అర్థం. అలాంటి యోధుడిని తండేల్ అంటారు.. తమ సినిమాలో హీరో పాత్ర అలాగే ఉంటుంది కాబట్టి ఆ టైటిల్ పెట్టాం అంటున్నారు మేకర్స్.
4 / 6
నాగ చైతన్యకు ఇది 23వ సినిమా. గతంలో ఇదే కాంబినేషన్‌లో వచ్చిన సినిమాకు సవ్యసాచి అనే టైటిల్ పెట్టారు. అప్పుడు కూడా ఇలాంటి డిస్కషన్ జరిగింది. సవ్యసాచి అంటే రెండు చేతులకు ఒకే బలం కలిగిన వాడు అని అర్థం. అర్జునుడికి అలాంటి బలమే ఉంటుంది. ఇప్పుడు మరోసారి తండేల్ అంటున్నాడు చందూ. ఈ సినిమా కోసం శ్రీకాకుళంతో పాటు దర్శకుడు చందూ మొండేటితో పాటు స్వయంగా నాగ చైతన్య కొన్ని ప్రాంతాలకు వెళ్లాడు.
5 / 6
అక్కడి వాళ్ల స్థితిగతులను అడిగి తెలుసుకున్నాడు.. వాళ్ల జీవన విధానాలు ఎలా ఉంటాయో చూసుకున్నారు. ఇందులో చైతూ సరసన సాయి పల్లవి నటిస్తుంది. లవ్ స్టోరీ తర్వాత వాళ్లు కలిసి నటిస్తున్న సినిమా ఇది. అలాగే ప్రేమమ్, సవ్యసాచి తర్వాత చందూ మొండేటి, నాగ చైతన్య కాంబినేషన్‌లో వస్తున్న సినిమా ఇది.
