తెలుగులో దుమ్ము రేపుతున్న డబ్బింగ్ మూవీస్.. కొల్లగొడుతున్న కలెక్షన్స్
మన సినిమాలు పక్క ఇండస్ట్రీలకు వెళ్లి వందల కోట్లు వసూలు చేస్తున్నాయి. మరి వాళ్లు వందల కోట్లు సమర్పించుకుంటున్నపుడు.. అక్కడ్నుంచి వచ్చే సినిమాలకు మనం కనీసం 50 కోట్లు కూడా ఇవ్వకపోతే ఏం మర్యాదగా ఉంటుంది చెప్పండి.. అందుకే తెలుగు ఆడియన్స్ పెద్ద మనసుతో ఈ మధ్య కొన్ని డబ్బింగ్ మూవీస్‌కు 50 కోట్ల కలెక్షన్లు ఇచ్చారు. తాజాగా మరోటి కూడా చేరిపోయింది ఈ లిస్టులో. తెలుగు సినిమాలకు తెలుగులో 50 కోట్లు వస్తే మ్యాటర్ కాదు.. కానీ డబ్బింగ్ సినిమాలకు 50 కోట్ల కలెక్షన్లు అంటే మాత్రం మాటలు కాదు.
మన సినిమాలు పక్క ఇండస్ట్రీలకు వెళ్లి వందల కోట్లు వసూలు చేస్తున్నాయి. మరి వాళ్లు వందల కోట్లు సమర్పించుకుంటున్నపుడు.. అక్కడ్నుంచి వచ్చే సినిమాలకు మనం కనీసం 50 కోట్లు కూడా ఇవ్వకపోతే ఏం మర్యాదగా ఉంటుంది చెప్పండి.. అందుకే తెలుగు ఆడియన్స్ పెద్ద మనసుతో ఈ మధ్య కొన్ని డబ్బింగ్ మూవీస్‌కు 50 కోట్ల కలెక్షన్లు ఇచ్చారు. తాజాగా మరోటి కూడా చేరిపోయింది ఈ లిస్టులో.
1 / 5
తెలుగు సినిమాలకు తెలుగులో 50 కోట్లు వస్తే మ్యాటర్ కాదు.. కానీ డబ్బింగ్ సినిమాలకు 50 కోట్ల కలెక్షన్లు అంటే మాత్రం మాటలు కాదు. 2023లోనే 4 డబ్బింగ్ సినిమాలు ఈ క్లబ్‌లో చేరాయి. అందులో 3 హిందీ సినిమాలుండటం.. అందులో రెండు షారుక్ ఖాన్‌వే అవ్వడం కొసమెరుపు. ఏడాది మొదట్లో పఠాన్‌తో.. మధ్యలో జవాన్‌తో తెలుగు రాష్ట్రాల్లో 50 కోట్ల గ్రాస్ వసూలు చేసారు కింగ్ ఖాన్.
2 / 5
బేసిక్‌గా హిందీ సినిమాలు ఎంత బాగున్నా.. మన దగ్గర 30 కోట్లు రావడమే గగనం అనుకుంటే.. పఠాన్, జవాన్ ఏకంగా 50 కోట్ల క్లబ్‌లో చేరాయి. తాజాగా రణ్‌బీర్ కపూర్ యానిమల్ సైతం 50 కోట్ల క్లబ్‌లో చేరడం ఖాయమైపోయింది. 4 రోజుల్లోనే 40 కోట్ల గ్రాస్ వసూలు చేసిన యానిమల్.. ఇదే వారంలో మ్యాజికల్ ఫిగర్ టచ్ చేయబోతుంది. సందీప్ రెడ్డి వంగా ఇమేజ్ ఈ సినిమాకు బాగా హెల్ప్ అయింది.
3 / 5
రజినీకాంత్ కూడా చాలా ఏళ్ళ తర్వాత తెలుగులో 50 కోట్ల క్లబ్‌లో చేరారు. జైలర్ తెలుగు వర్షన్ 55 కోట్లు వసూలు చేసింది. గతంలో రోబో, 2.0 సినిమాలతో ఆల్రెడీ రెండుసార్లు తెలుగులోనే 50 కోట్లు అందుకున్నారు సూపర్ స్టార్. జైలర్‌తో మూడోసారి ఈ మ్యాజిక్ చేసారు. జైలర్ హిట్‌తో రజినీ తర్వాతి సినిమాపై అంచనాలు భారీగా పెరిగాయి.
4 / 5
స్టార్ హీరోలకే కాదు.. కథ నచ్చితే కొత్త హీరోలకు కూడా 50 కోట్లు ఇస్తుంటారు మన ఆడియన్స్. అలా గతేడాది కాంతార, కేజియఫ్ 2 లాంటి సినిమాలకు ఇదే జరిగింది. అవతార్ 2 సైతం తెలుగు రాష్ట్రాల్లో 100 కోట్ల గ్రాస్ దాటింది. ఎంతైనా మన తెలుగు ప్రేక్షకులు గొప్పోళ్లబ్బా.. అందుకే డబ్బింగ్ సినిమాలకు సైతం అన్నేసి కోట్ల కలెక్షన్లు ఇచ్చేస్తున్నారు.
