Telugu News Photo Gallery Benefits Of Drinking Warm Milk And Desi Ghee Before Sleeping Every Night To Increase Power
Health Tips: పాలలో నెయ్యి కలిపి తాగడం వల్ల ఎన్ని ప్రయోజనాలో తెలుసా..? ఈ సమస్యలన్నీ పరార్‌..!
నెయ్యి ఆరోగ్యానికి ఎంతో మంచిదని.. ఎముకలు బలంగా ఉండటానికి ఉపయోగపడుతుందని ఆయుర్వేద నిపుణులు చెబుతారు. అయితే.. ప్రస్తుత కాలంలో చాలా మంది బరువు పెరిగిపోతామని నెయ్యి తినకుండా ఉంటున్నారు. కానీ, నెయ్యి మితంగా తీసుకోవడం వల్ల ఎన్నో రకాల ఆరోగ్య ప్రయోజనాలను పొందవచ్చని నిపుణులు చెబుతున్నారు. ఈ క్రమంలోనే రోజూ రాత్రి పడుకునే ముందు గ్లాసు పాలలో ఒక స్పూన్‌ నెయ్యి కలుపుకుని తీసుకోవాలని సూచిస్తున్నారు. దీనివల్ల మీ శరీరంలో చాలా మార్పులు వస్తాయని చెబుతున్నారు. అవేంటో ఇక్కడ తెలుసుకుందాం..
నెయ్యిలో విటమిన్ ఎ, విటమిన్ డి, విటమిన్ ఇ మరియు విటమిన్ కె ఉంటాయి. ముఖ్యంగా దేశీ నెయ్యి తినడం వల్ల శరీరానికి చాలా ప్రయోజనాలు ఉన్నాయి. నెయ్యి తీసుకోవడం వల్ల శరీరంలో మంట సమస్య తొలగిపోతుంది. ఇందులో ఆరోగ్యకరమైన కొవ్వులు పుష్కలంగా ఉంటాయి. నెయ్యిలోని కొవ్వు పోషకాలను గ్రహించడంలో సహాయపడుతుంది. నెయ్యిలో ఆరోగ్యకరమైన కొవ్వులు ఉంటాయి. ఇవి రోజంతా శరీరాన్ని శక్తివంతంగా ఉంచుతాయి.
1 / 5
గోరువెచ్చని పాలలో నెయ్యి కలుపుకుని తాగితే శరీరానికి అమృతంలా పని చేస్తుంది. ఒక గ్లాసు గోరువెచ్చని పాలలో ఒక చెంచా నెయ్యి కలిపి తాగడం వల్ల 7 రోజుల్లో శరీరానికి అద్భుతమైన ప్రయోజనాలు చేకూరుతాయి. పాలు, నెయ్యి తాగడం వల్ల కూడా కొన్ని రకాల ఆరోగ్య సమస్యలు నయమవుతాయి.
2 / 5
నెయ్యి, పాలు కలిపి తీసుకోవడం వల్ల శరీరానికి కాల్షియం, విటమిన్ డి లభిస్తుంది. నెయ్యి పాలు తాగడం వల్ల ఎముకల ఆరోగ్యం కూడా మెరుగుపడుతుంది. కీళ్ల నొప్పులతో బాధపడేవారు పాలలో నెయ్యి కలుపుకుని తీసుకోవటం వల్ల ఉపశమనం లభిస్తుంది. నెయ్యితో పాలు తాగడం వల్ల శరీరానికి ఫ్లెక్సిబిలిటీ వస్తుంది. ఇది కీళ్ల నొప్పులు, కీళ్ల వాపు వంటి సమస్యల నుండి ఉపశమనం పొందుతారు.
3 / 5
పాలు, నెయ్యి కలిపి తీసుకోవటం వల్ల చర్మం మెరిసేలా చేస్తుంది. నెయ్యిలో కొవ్వులో కరిగే విటమిన్ ఎ, డి, ఇ, కె ఉంటాయి. ఇవి మనల్ని ఆరోగ్యంగా ఉంచడంతో పాటు, చర్మాన్ని మెరిసేలా చేస్తాయని నిపుణులు చెబుతున్నారు. ప్రతిరోజు గోరువెచ్చని పాలలో టేబుల్‌స్పూన్‌ నెయ్యి కలుపుకుని తాగడం వల్ల చర్మం కాంతివంగా మారి తళతళ మెరుస్తుంది.
4 / 5
నెయ్యితో పాలు తాగడం వల్ల పొట్టలో ఆమ్లం తగ్గుతుంది. జీర్ణవ్యవస్థ ఆరోగ్యంగా పని చేస్తుంది. పాలతో నెయ్యి కలిపి తీసుకోవడం వల్ల జీవక్రియ పెరుగుతుంది. తద్వారా బరువు అదుపులో ఉంటుంది. నిద్ర సమస్య ఉంటే రాత్రిపూట గోరువెచ్చని పాలలో నెయ్యి కలుపుకుని తీసుకుంటే నిద్ర బాగా పడుతుంది. ఇందుకోసం ఒక గ్లాసు పాలలో ఒక చెంచా నెయ్యి కలుపుకుని తాగవచ్చు.
