గంటల తరబడి టీవీలకు అతుక్కుపోతున్నారా.. మేలుకోకుంటే పెను ముప్పు తప్పదు..
వినోద సాధనంగా టీవీలు ప్రతి ఇంటికీ చేరాయి. పని ఒత్తిడి నుంచి ఉపశమనం పొందడానికి, అప్డేట్స్ తెలుసుకోవడానికి చాలా మంది టీవీ చూస్తుంటారు. కొంత సమయం వరకు టీవీలు చూస్తే ప్రాబ్లమ్ ఏమీ లేదు.
వినోద సాధనంగా టీవీలు ప్రతి ఇంటికీ చేరాయి. పని ఒత్తిడి నుంచి ఉపశమనం పొందడానికి, అప్డేట్స్ తెలుసుకోవడానికి చాలా మంది టీవీ చూస్తుంటారు. కొంత సమయం వరకు టీవీలు చూస్తే ప్రాబ్లమ్ ఏమీ లేదు. కానీ అదే పనిగా టీవీ చూస్తూ అతుక్కుపోతే మాత్రం ఇబ్బందులు తప్పవని నిపుణులు హెచ్చరిస్తున్నారు.
1 / 7
టీవీ ముందు ఎక్కువ సమయం గడిపేవారికి గుండె వ్యాధులు వచ్చే ప్రమాదం ఎక్కువగా ఉందని వార్నింగ్ ఇస్తున్నారు. రోజూ ఒక గంట కంటే తక్కువ సమయం టీవీ చూడటం వల్ల గుండె జబ్బుల ప్రమాదాన్ని 11 శాతం వరకు తగ్గించవచ్చు.
2 / 7
ఇటీవల కాలంలో చిన్న పిల్లలు సైతం మొబైల్, టీవీ స్క్రీన్లకు ఎక్కువ సేపు పరిమితమవుతున్నారు. తక్కువ వయసులోనే కళ్ల జోళ్లు వాడాల్సిన పరిస్థితులు వస్తున్నాయి. ఎక్కువ సమయం స్క్రీన్ ను చూడటం వల్ల ఆరోగ్య సమస్యలు వస్తాయి.
3 / 7
రోజుకు 2-3 గంటలు టీవీ చూసే వ్యక్తులలో గుండె జబ్బులు వచ్చే అవకాశం 6 శాతం తక్కువగా ఉందని పరిశోధకులు గుర్తించారు. ఈ అధ్యయనం కోసం నిర్వాహకులు 5లక్షల కంటే ఎక్కువ మంది వ్యక్తుల నుంచి పాలిజెనిక్ రిస్క్ స్కోర్‌లను సేకరించారు. శారీరకంగా చురుకుగా ఉండటానికి బదులుగా ఎక్కువసేపు కూర్చోవడం గుండె జబ్బుల ప్రమాదాన్ని పెంచుతుందని వారు చెబుతున్నారు.
4 / 7
టీవీ చూసే సమయంలో చాలా మంది గంటల తరబడి కూర్చుంటారు. దీనివల్ల గుండె పనితీరు ఏ విధంగా ఉందో తెలుసుకోవడానికి పరిశోధకులు ఈ అధ్యయనం నిర్వహించారు. కదలకుండా ఒకే దగ్గర కూర్చొని పనిచేయడం శరీరానికి మంచిది కాదు. కనీసం అర గంటకు ఒక సారైనా శరీరంలో కదలికలు ఉండాలి. లేదంటే ధీర్ఘకాలిక వ్యాధులకు గురయ్యే అవకాశాలు ఎక్కువ.
5 / 7
చాలా మంది చిన్నారులు టీవీలకు అతుక్కుపోతున్నారు. గేమ్స్, రైమ్స్, కార్టూన్లను చూస్తూ కాలం గడిపేస్తున్నారు. ఇప్పుడు ఆన్‌లైన్ క్లాసులు కూడా స్టార్ట్ కానున్న నేపథ్యంలో సెల్ ఫోన్ వినియోగం మరింత పెరుగుతోంది. దీంతో వాటి నుంచి వెలువడే రేడియేషన్ల నుంచి పిల్లలను కాపాడుకోవడం చాలా ముఖ్యం.
6 / 7
ఏకధాటిగా గంటలకు గంటలు టీవీ చూడటం వల్ల కంటి సమస్యలు వస్తాయి. దూరంగా ఉండే వస్తువుల్ని స్పష్టంగా చూడలేకపోవడం, పుస్తకంలో అక్షరాలు కళ్లకు కనిపించకపోవడం వంటి పరిణామాలు తలెత్తుతాయి. ఎలక్ట్రానిక్ స్క్రీన్ నుంచివెలువడే నీలికాంతి వల్ల కంటి రెటీనాలో కొన్ని సున్నితమైన కణాలు అతిఉత్తేజితమవుతాయి. దీని వల్ల నిద్రలేమి, కలత వస్తుంది.
