Water scarcity: యుద్ధం కన్నా నీరే పవర్ ఫుల్! కరోనాకు మించి డేంజర్ బెల్స్!

కాస్త ముఖం కడుక్కుని రా అని అంటే.. కొంతమంది బకెట్ నీళ్లు వాడతారు. చేతులు శుభ్రంగా కడుక్కో అనడమే పాపం.. అర బకెట్ నీళ్లు ఖర్చయిపోతాయి. ఇక స్నానం చెయ్యు అని చెబితే చాలు.. రెండు, మూడు బకెట్లయినా వాడనిదే వారికి నిద్ర పట్టదు. ఇంతటి నీటి వృథాను భరించలేనివారు.. జలాన్ని పొదుపుగా వాడుకోవాలనుకునేవారు.. ఇలాంటి వారిని ఎడారిలో పడేయాలి అని అనుకుంటారు. కానీ వారు అలా అనుకున్నా లేకున్నా.. నీటి లభ్యతకు సంబంధించిన కఠినమైన వాస్తవాలను మీరు చదవబోతున్నారు. మనకు తెలుసు H2Oను నీరు అంటారని. రెండు హైడ్రోజన్ అణువులు, ఒక ఆక్సిజన్ అణువును కలిపితే చాలు నీరు వచ్చేస్తుంది అని. మరి అలాంటి నీటిని ఎందుకని తయారుచేయలేకపోతున్నాం. మన వాతావరణంలో హైడ్రోజన్ బోలెడు, ఆక్సీజన్ కావాల్సినంత ఉంది. పైగా మోస్ట్ అడ్వాన్స్డ్ టెక్నాలజీ యుగంలో ఉన్నాం. అయినా గానీ నీటిని తయారుచేయలేమా? చేయలేం. పెద్దపెద్ద ప్రయోగశాలలు పెట్టి హైడ్రోజన్, ఆక్సీజన్ అణువులను కలిపినా సరిపడేంత నీటిని తయారుచేయలేం. ఎందుకంటే, ఒక్క చుక్క నీటిని ల్యాబ్‌లో తయారుచేయాలంటే కనీసం 10 గంటలకు పైనే పడుతుందని అంచనా. అది కూడా అత్యంత వేడిని పుట్టిస్తే గానీ జరగని పని. అలా అయినా నీరు పుట్టదు. గ్యాస్ రూపంలో మారుతుంది. దాన్ని ద్రవరూపంలోకి మారిస్తేనే నీటి చుక్క పుడుతుంది. అందుకే, మన ప్రకృతి దానంతట అది ఇస్తే తప్ప మానవాళికి నీరు అందదు. మరి ఆ...