నోయిడాలో ‘ఐరన్ మ్యాన్ బెలూన్’! ఎవరిదా పని ?

యూపీ నోయిడాలోని డన్ కౌర్ టౌన్ దగ్గరి ఓ గ్రామంలో శనివారం ఉదయం ‘ఐరన్ మ్యాన్’ షేపులో కనబడిన ఓ బెలూన్ ని చూసి స్థానికులంతా ఆశ్చర్యపోయారు. భట్టా పరసూల్ అనే ఈ గ్రామ కాలువ వద్ద విచిత్రంగా ఇది దర్శనమిచ్చింది. కొంతమంది దీన్ని ఏలియన్ గా భావించగా, మరికొందరు ఇది నిజంగా ఆకాశం నుంచి ఊడిపడిన అరుదైన బెలూన్ గా అభిప్రాయపడ్డారు. ఎవరో వ్యక్తులు ‘ఐరన్ మ్యాన్’ మూవీలోని ఈ క్యారక్టర్ రూపంలో దీన్ని మలిచి గాలి నింపి వదిలి ఉంటారని పోలీసులు అనుమానిస్తున్నారు. క్రమంగా ఇందులోని గాలి తగ్గిపోతూ ఈ బెలూన్…. కింద కాలువ దగ్గరి పొదల్లో పడిపోయింది. ఈ తమాషా పని ఎవరిదంటూ పోలీసులు దర్యాప్తు మొదలుపెట్టారు.