Love Marriage: లవ్ మ్యారేజ్ చేసుకున్న ఆ మంత్రి కూతురు.. తండ్రి నుంచి రక్షణ కావాలంటూ పోలీసులకు విజ్ఞప్తి..

Love Marriage: తమిళనాడుకు చెందిన ఒక మంత్రి కూతురు ప్రేమ వివాహం చేసుకుంది. ఇంట్లో వారికి చెప్పకుండా మనసుకు నచ్చిన వాడిని బెంగళూరులో పెళ్లి చేసుకుంది. ఇంతకీ ఇందులో కొత్త మ్యాటర్ ఏంటనేగా మీకు అనుమానం.. తమిళనాడు మంత్రి శేఖర్​బాబు కుమార్తె జయకల్యాణి.. తనకు తండ్రి నుంచి ప్రాణహాని ఉందంటూ చివరికి పోలీసులను ఆశ్రయించింది. తన ప్రేమ విషయాన్ని ఇంట్లో వారు అంగీకరించలేదని.. తమకు రక్షణ కల్పించాలంటూ బెంగళూరు పోలీసులను ఆశ్రయించింది ఈ కొత్త జంట.

మంత్రి కుమార్తె జయకల్యాణి.. సతీష్ అనే వ్యక్తిని పెళ్లిచేసుకుంది. వీరు హిందూ సంప్రదాయం ప్రకారం బెంగళూరులోని ఓ హిందూ ధార్మిక సంస్థలో వివాహం చేసుకున్నారు. అనంతరం వారు స్థానిక పోలీసులను ఆశ్రయించారు. సిటీ కమిషన్​ కార్యాలయానికి వెళ్లి.. తన తండ్రి నుంచి రక్షణ కల్పించాలని కోరారు. తమిళనాడు ముఖ్యమంత్రి స్టాలిన్‌కు మంత్రి శేఖర్​ బాబు అత్యంత సన్నిహితుడు కావటం విశేషం.

“నేను ఈ రోజు సతీష్​ను పెళ్లి చేసుకున్నాను. మాది ప్రేమ వివాహం. మా ప్రేమకు పెద్దలు ఒప్పుకోలేదు. కొన్ని నెలల క్రితం నన్ను పెళ్లి చేసుకుంటానని సతీష్ ముందుకు వచ్చారు. అయితే తమిళనాడు పోలీసులు ఆయన్ను రెండు నెలల పాటు అక్రమంగా నిర్బంధించారు. ఇప్పుడు మేము మేజర్లం. ఈ పెళ్లి మా ఇద్దరి సమ్మతి మీదనే జరిగింది. తమిళనాడులో అడుగుపెడితే చంపేస్తామని మా తల్లిదండ్రులు బెదిరించారు. అందుకే రక్షణ కల్పించాలని బెంగళూరు పోలీసులను ఆశ్రయించాము.”– జయ కల్యాణి, మంత్రి కుమార్తె

ఇదీ చదవండి..

Flipkart Big Saving Days Sale: ఫ్లిప్‌కార్ట్‌ నుంచి మరో బిగ్‌ ఆఫర్స్‌.. ఎప్పటి నుంచి అంటే..!